माङ्हिम्मिन् मे़दोन्दुल्ले़ खे़ङ्हाॽरे़ किप् थिक् से़गम्बा, किप् ने़त्छि थुःम्बाहाॽ नु किप् लिसि कुम्बाबा मे़ल्लुक्साःत्हाॽ मिधिङ्मनादेमनाबा सिदुङ्जभा मे़जोगुसि हे़क्क्याङ् इस्राइलबा के़रे़क् सुवाङ्हाॽरे़ लागि थिक्ले़ थिक् थिबोङ्ङाङ् ने़त्छि मे़ःन्दबका लायोलाम् ले़प्मि खोमा सिदुङ्जभा मे़दोन्दुसि॥
ले़बि 9:3 - लिम्बु3 हे़क्क्याङ् इस्राइलिहाॽ खे़ने़ॽ अक्खे मे़त्ते़से़ॽ, ‘खिनिॽ लायोलाम् ले़प्मि खोमा सिदुङ्जभाःल्ले़ लागि कुम्बाबा मे़ःन्दा थिक् खे़ब्याङ् मिधिङ्मनादेमनाबा सिदुङ्जभाःल्ले़ लागि तङ्बे थिक् के़गे़प्पा लत्छा मे़ङ्गाःम्मनाबा पित्सात् थिक् नु तङ्बे थिक् के़गे़प्पा मे़ङ्गाःम्मनाबा थुःम्बा थिक् तारे़म्मे़ॽ॥ Gade chapit la |
ले़बि 9:3
22 Referans Kwoze
हे़क्क्याङ् खे़ङ्हाॽरे़ अक्खेलॽरिक् कुसङ् साम्लोधिक् साम्मे़मे़त्तुरो, “खे़ने़ॽग साप्कित्तिन् पङ्माआङ् खे़प्मो के़बप्पा कुएःप्साप्हाॽ अङ्मा सुम्बोधासाबा के़जोःक्लो, थेआङ्भे़ल्ले़ खे़ने़ॽग के़म्से़रे़ हे़क्क्याङ् निङ्वाॽफुमाङ्ङिल्ले़ कुलागि के़रे़क् मे़न्छाम् सुवाङ्हाॽ, के़रे़क् पाःन्दाङ्हाॽ, हे़क्क्याङ् के़रे़क् लाजेहाॽलाम् मनाहाॽ खे़ने़ॽ के़माक्खिॽइल्ले़ के़धे़ॽरुसिरो,
लायोबा सुत्नाःल्ले़ चोगुल्ले़ साम्योथिम्मिल्ले़ चोःक्मा मे़सुक्तुम्बा पाःन्निन् निङ्वाॽफुमाङ्ङिल्ले़ चोगुरो॥ खुने़ॽ आबुगे़न् कुस्सान् मे़न्छाम् याप्मिहाॽरे़ मे़जोगुबा लायोल्ले़ लागि सिदुङ्जभा पोङ्से़ लायोबा मना कुइसिःक्पा नासिङ्गे़न् थक्को पाङ्घुयुसुआङ् नासिङ्गे़न् कुधक्किल्ले़ आनिॽ लायोन् मे़क्खुरो॥
“कर खुने़ॽ खाःम्मा नु तुक्खे थःप्पाङ्माग यहवे दाङ्बे़ल्ले़ कुनिङ्वाॽ वये़रो॥ यहवे दाङ्बे़ल्ले़ खुने़ॽ कुहिङ्मन्निन् खुने़ॽनु याम्मो तङ्मारे़ लागि वयागे़न् सिदुङ्जभा कुइसिक् चोगुरो॥ हे़क्केसाङ् खुने़ॽ कुमुॽइदाङ्साहाॽ निसुसिरो हे़क्क्याङ् खुने़ॽ कुधाक् चाॽरो॥ खे़ब्याङ् निङ्वाॽफुमाङ्ङिल्ले़ चोःक्मा निङ्वाॽ चोगुबा पाःन्हाॽ खुने़ॽलाम्बा कुलिङ्दो के़त्लो॥
“‘खुने़ॽ सुत्थो कुबोङ्मा ये़न्निन् के़प्मा चुःत्ताङ्, ये़म्बित्छासाःल्ले़ कुलागिसाङ् मे़न्छुमा साःल्ले़ कुलागिसाङ्, खुने़ॽ मिधिङ्मनादेमनाबा वयागे़न् सिदुङ्जभारे़ लागि तङ्बे थिक् के़गे़प्पा थुःम्बा नु लायोलाम् ले़प्मि खोमा सिदुङ्जभारे़ लागि लत्छा पे़र्वाज्याःक् इग्र साप्पे़त्त्रुःक्मा थिक् तुम्मादे़न् साःङ्गाहिम्मोबा लाःप्मादे़न्नो निङ्वाॽफुसाम्बाओ तारुर॥
Piblisite