ले़बि 7:18 - लिम्बु18 तङ्जुम् सिदुङ्जभाओबा सान् कुआत्छिन्दाःन् कुभारे़ चने़भग्र खे़न् सान् याम्ले़ मे़न्दाःक्मनाबा पोङ्ॽ, मेःन्ने़भग्र खे़ल्ले़ तोःन्दुबान् निङ्वाॽफुमाङ्ङिल्ले़ मे़दाःन्तुन्ॽ, कर खे़न् आसुत्थो पोङ्ॽ, हे़क्क्याङ् खे़न् के़जाबा मनाःल्ले़ खुम्दिङ् खोसुॽ॥ Gade chapit la |
ले़बि 7:18
31 Referans Kwoze
अब्राहामरे़ खोसुबा कन् हर्दो हे़क्मा थिम्मिङ्ग निङ्वाॽफुमाङ्ङिन् नसान् चोगुआङ् वये़ल्ले़ हर्दो मे़न्हे़क्केए निङ्वाॽफुमाङ्ङिल्ले़ खुने़ॽ साम्योबा लेःत्तुबा पाःन्निल्ले़न् मिक्सेःन्लो॥ हे़क्केलॽरिक् अब्राहाम्मिन् हर्दो मे़न्हे़क्केसाङ् निङ्वाॽफुमाङ्ङिन् नसान् के़जोःक्पाहाॽरे़ खुनिॽ पारो॥ खे़ङ्हाॽरे़ नसान् मे़जोगुबाल्ले़ चोगुल्ले़ निङ्वाॽफुमाङ्ङिल्ले़ खे़ङ्हाॽ साम्योबा लेःत्तुसिॽरो॥
ये़सुरे़ खे़ङ्हाॽ मे़त्तुसि, “खिनिॽग सदादिङ् लाःक्कात्लक् नुबा थाःम्सिङ्मा निङ्वाॽ के़जोगुम्, कर निङ्वाॽफुमाङ्ङिल्ले़ खिनिॽ सिक्लुङ्मोबा पाःन्निन् निसुॽरो॥ आत्तिन् पाःन्निन् मे़न्छाम्गे़न् याप्मिरे़ खुनिॽ निमाओ यम्लाबा चोक्, खे़न् निङ्वाॽफुमाङ्ङिल्ले़ कुनिमाओ सिक्के़ले़ःङ्बा चोक्लो॥
हे़क्क्याङ् खे़निॽ अक्खेआङ् के़बाःत्तुम्ॽ, ‘कङ्ग आक्तङ्बा आनानाबा याःम्बक्निबे, के़लॽरिआङ् खे़निॽ नाःन् के़गिःन्दुम्ॽ’ मुक्साम्दाङ्बा यहवे दाङ्बे़ल्ले़ पाःत्तुॽ॥ ‘के़गाःम्बा, कुलाङ् के़सक्पा नु के़दुक्पा थक्सापुसाहाॽ सिदुङ्जभा हे़क्के के़दोःन्दुम्सिम्, थे खे़निॽ हुक्लाम्बा के़दोःन्दुम्बा अक्तङ्बा हुक्सोयाङ्हाॽ आङ्गाॽ ताःक्तुङ्बाबि?’ यहवे दाङ्बे़ल्ले़ पाःत्तुॽ॥
“मनाहाॽरे़ आङ्गाॽओ ले़त्ति मे़दोन्दुबादे़न्नो खे़निॽ थेनाधे मि मे़न्हाःम्मारे़ लागि खे़निॽओ कुभारे़ माङ्हिम्मोबा लाम्धेःत्हाॽ के़सुबुम्मिल्ले़ नुॽमे़न्॥ थेआङ्भे़ल्ले़ आङ्गाॽ खे़निॽनु आनिङ्वाॽ तुगे़आङ् वाॽ, खे़निॽ हुक्किल्ले़ के़दोःन्दुम्बा हुक्सोयाङ्ङिन् आङ्गाॽ मे़दाःक्कान्,” मुक्साम्दाङ्बा यहवे दाङ्बे़ल्ले़ पाःत्तुॽ॥
आङ्गाॽ मे़बिराङ्बा सिदुङ्जभाहाॽ खे़ङ्हाॽरे़ मे़दोन्दुरो हे़क्क्याङ् सिदुङ्जभा सान् खे़ङ्हाॽरे़ मे़जरो, कर यहवे दाङ्बे़न् खे़ङ्हाॽनु कुनिङ्वाॽ मे़दाने़न्लो॥ आल्ल खुने़ॽ खे़ङ्हाॽरे़ खुन्छिॽ फे़न्याःम्बक्किन् निङ्वाॽ इःत्तुरो हे़क्क्याङ् खुन्छिॽ लायोल्ले़ कुले़क्वा खुम्दिङ् पिरुसिरो, खम्भ्याङ् खे़ङ्हाॽ मिस्र लाजेॽ मे़नुःङ्ङाङ् मे़बेःक्लो॥
लायो के़जोःक्पा मनान् सिरो॥ कुम्बारे़ चोगुबा लायोल्ले़ आप्तिक्किन् कुस्साओ मे़धाने़न्, कुस्साःल्ले़ चोगुबा लायोल्ले़ आप्तिक्किन्नाङ् कुम्बाओ मे़धाने़न्॥ साम्योबा मनान् साम्योबा कुयाःम्बक्किल्ले़ खुने़ॽ साम्योबा लेःत्तुॽ, हे़क्क्याङ् ताक्के़भे़ॽबा मनान् ताप्फे़ःम्बा कुयाःम्बक्किल्ले़ खुने़ॽ ताप्फे़ःम्बा लेःत्तुॽ॥
खे़ङ्हाॽ चाने़ःत्तो मे़युङ्साङ् आङ्गाॽ खे़ङ्हाॽरे़ खुन्छिॽ मे़जोगुबा तुवान् मे़घे़म्मान्, खे़ङ्हाॽरे़ आङ्गाॽओ मिधिङ्मनादेमनाबा सिदुङ्जभा नु पोगुगे़न् कुजा सिदुङ्जभा मे़दोन्दुसाङ् आङ्गाॽ खे़ङ्हाॽनु आनिङ्वाॽ मे़दाने़न्॥ परुमाल्ले़ आङ्गाॽ खे़ङ्हाॽ ते़न्धङ्, साक्वान् नु मिङ्देल्ले़ से़रुङ्सिङ्ॽ॥”
कन् मनाहाॽरे़ खुन्छिॽ याःम्बेओ यहवे दाङ्बे़ल्ले़ अक्खे पाःत्तुरो, “खे़ङ्हाॽ आङ्गाॽलाम्बा माःङ्घाए पोङ्मा सिराॽधाङ्लो हे़क्क्याङ् आबाङे खे़ङ्हाॽ युक्को मे़न्वाॽने़न्लो॥ खे़ल्ले़चोगुल्ले़ खे़ङ्हाॽनु आनिङ्वाॽ मे़दाने़न्लो॥ आङ्गाॽ खुन्छिॽ फे़न्याःम्बक्किन् निङ्वाॽ इःत्तुङ्लो खे़ब्याङ् खुन्छिॽ लायोल्ले़ कुले़क्वा खुम्दिङ् पिरुङ्सिङ्लो॥”
कर खे़ङ्हाॽरे़ आबाङे खुन्छिॽ लाम्मिन् मे़सेगुआङ् मे़वाॽरो खे़ब्याङ् खे़ङ्हाॽरे़ खुन्छिॽ याम्साम्मिन् आबाङे खुन्छिॽ सिक्के़ले़ःङ्बा याःम्बक्हाॽओ सःत्लो॥ कुम्बाबा पित् वयागे़न् सिदुङ्जभा के़जोःक्पे़ङ्ग मना के़से़प्पा हे़क्तङ्बारो॥ थुःम्बा वयागे़न् सिदुङ्जभा के़जोःक्पे़ङ्ग कोःत्चोःल्ले़ कुनिःङ्मा के़ए़ङ्बा कुइसिःक्लो॥ हाःत्ले़ कुजा सिदुङ्जभा तोःन्दुॽ, खे़ङ्ग फाक्किल्ले़ कुमाक्खिॽ के़दोम्बा कुइसिःक्लो॥ आत्तिल्ले़ साङ्सिङ् सुक्पा हाःन्दु, खे़ङ्ग नावाइत्ला से़वा के़मे़प्पा हे़क्तङ्बारो॥
“‘आत्तिल्ले़ आबाङे कुन्साॽ, इग्र आबाङे कुम्बा इग्र कुम्मा ले़प्माङ्बा मे़न्छुमासान् मेःक्खिम् मे़त्तुआङ् सोरिक् इम्मा याःम्बक् चोगुने़भग्र खे़ङ्ग साॽरिक् सिरिङ्ममा पाःन्लो॥ खे़न् ने़प्माङ् मनाहाॽरे़ मे़निसुसिरए खुन्छिॽ आप्फेक् मनाहाॽलाम् लःप्मादेमासि पोङ्ॽ॥ खे़ल्ले़ आबाङे कुन्साॽ मे़न्छुमान् कुनामे़न्छाॽ मे़त्तुआङ् वाॽ॥ खुन्छिॽ हे़क्के चोगे़सुबे़ल्ले़ चोगुल्ले़ खुन्छिॽ आप्फेक् सिमा पोङ्ॽ॥
खे़ब्याङ् हारुने़ल्ले़ मोसान् मे़त्तु, “आइन्छा खे़ङ्हाॽरे़ खुन्छिॽ लायोलाम् ले़प्मि खोमा सिदुङ्जभान् नु मिधिङ्मनादेमनाबा वयागे़न् सिदुङ्जभान् यहवे दाङ्बे़ल्ले़ कुदगि मे़दोन्दुआङ् वाॽ, हे़क्केसाङ् आङ्गाॽओ अक्तङ्बा पान् पोःक्खे़द्ये़आङ् वाॽ॥ आङ्गाॽ आइन् लायोलाम् ले़प्मि खोमा सिदुङ्जभान् चाङ्बा हे़क्केःल्ले़ थे खे़न् यहवे दाङ्बे़ल्ले़ कुमिक्साओ नुबा पोःक्खे़बाबि?”
“खे़न्छिॽ थेआङ् लायोलाम् ले़प्मि खोमा सिदुङ्जभान् सेसेदे़न्नो के़न्ज्ये़सुन्? थेआङ्भे़ल्ले़ खे़ङ्ग चाॽरिक् सेसेबा पान् चोक्॥ सङ्जुम्भोहाॽरे़ लागि लायोलाम् ले़प्मि नाःक्माआङ् खे़ङ्हाॽरे़ खुन्छिॽ आप्तिक्किन् खे़प्मा फाॽआङ् यहवे दाङ्बे़ल्ले़ कुदगि खे़न् खे़न्छिॽ पिने़सिङ्ङाङ् के़वये़सि॥
Piblisite