ले़बि 6:9 - लिम्‍बु

⁹ “हारुने़न् नु खुने़ॽ कुस्‍साहाॽ अक्‍तङ्‌बा इङ्‌जाङ् पिरे़से़ॽ—‘मिधिङ्‌मनादेमनाबा वयागे़न् सिदुङ्‌जभा साम्‌योथिम्‍हाॽ हाबा कन्‍हाॽरो—मिधिङ्‌मनादेमनाबा वयागे़न् सिदुङ्‌जभान् सिङ्‌सम्‍धाङ् से़न्‍दिक् नाम्‍दाःत्तात् तानाम् थारिक् ले़त्ति तोःम्‍मादे़न्‍नो ने़र, हे़क्‍क्‍याङ् ले़त्ति तोःम्‍मादे़न्‍नोबा मिन् खे़ॽयो तिःत्ताङ् युङ्‌ल॥

ले़बि 6:9 Referans Kwoze

खानिःत् 28:3

खे़ने़ॽ खे़ङ्‌हाॽ अक्‍खे मे़त्ते़से़ॽ—‘यहवे दाङ्‌बे़ल्‍ले़ कुलागि तोःम्‍मा के़बोङ्‌बा पोगुगे़न् कुजा सिदुङ्‌जभान् हाबा कन्‍लो—मे़ङ्‌गाःम्‍मनाबा तङ्‌बे थिक् के़गे़प्‍पा मे़ल्‍लुक्‍साःत् ने़त्‍छि चक्‍मे़ल्‍लॽएबा मिधिङ्‌मनादेमनाबा सिदुङ्‌जभान् थिक्‌याःन्‍धक् तोःन्‍दे़म्‍मे़ॽ,

खानिःत् 28:9

“‘सबाथ ये़न्‍निल्‍ले़ याःन्‍दिक् मे़ङ्‌गाःम्‍मनाबा तङ्‌बे के़गे़प्‍पा थुःम्‍बा ने़त्‍छि, चैतुन निःङ्‌गेॽओ सॽमनाबा फोलक् थिक् चुन्‍जुम्‍बा फेॽरुम् पोगुगे़न् कुजा सिदुङ्‌जभारे़ लागि हे़क्‍क्‍याङ् खे़न्‍नु सोरिक् तोःम्‍मा के़बोङ्‌बा सेजःङ्‌वा सिदुङ्‌जभाःन्‍नाङ् तोःन्‍दे़म्‍मे़ॽ॥

ले़बि 6:8

यहवे दाङ्‌बे़ल्‍ले़ मोसान् मे़त्तु,

ले़बि 2:3

पोगुगे़न् कुजा सिदुङ्‌जभालाम् के़नम्‍बा कुजान् हारुने़न् नु खुने़ॽ कुस्‍साहाॽरे़ खुन्‍छिॽ लक् पोङ्‌ल॥ यहवे दाङ्‌बाल्‍ले़ कुलागि मिलाम्‍बा तोःम्‍मनाबा सिदुङ्‌जभाहाॽओ कन् साॽरिक् सेसेबा सिदुङ्‌चभारो॥

ले़बि 2:10

पोगुगे़न् कुजा सिदुङ्‌जभालाम् के़नम्‍बा कुजान् हारुने़न् नु खुने़ॽ कुस्‍साहाॽरे़ खुन्‍छिॽ लक् पोङ्‌ल॥ यहवे दाङ्‌बे़ल्‍ले़ कुलागि मिओलाम् तोःम्‍मनाबा सिदुङ्‌जभाहाॽओ कन् साॽरिक् सेसेबा सिदुङ्‌चभारो॥

ले़बि 6:19

याम्‍मो यहवे दाङ्‌बे़ल्‍ले़ मोसान् मे़त्तु,

ले़बि 24:9

हारुन नु खुने़ॽ कुस्‍साहाॽरे़ लागि, हे़क्‍क्‍याङ् खे़ङ्‌हाॽरे़ सेसेदे़न्‍नो खे़न् मे़जरो, थेआङ्‌भे़ल्‍ले़ यहवे दाङ्‌बे़ल्‍ले़ कुलागि मिओलाम् तोःम्‍मनाबा सिदुङ्‌जभाहाॽओ खे़ङ्‌हाॽरे़ खुन्‍छिॽ खोमा लक्‍किन् साॽरिक् सेसेबा चोक्‍लो॥”