खे़ल्ले़ आत्तिन् सेसे पाःन्निन् चोःक्मा मे़गे़त्तुन्नाङ् वाॽ खे़ल्ले़ कुले़क्वा खुने़ॽ हुङ्मा पोङ्ॽ, हे़क्क्याङ् खे़ल्ले़ ङासिगेक्पा कुलक् आल्लसाङ् हुङ्मा पोङ्ॽ, खे़ब्याङ् निङ्वाॽफुसाम्बान् खे़न् के़रे़क् पिमा पोङ्ॽ॥ निङ्वाॽफुसाम्बाल्ले़ आप्तिक्लाम् ले़प्मि खोमा सिदुङ्जभा थुःम्बाःन् लाम्बा खे़ल्ले़ कुलागि लायोलाम् ले़प्मि नाःक्तु पिरुॽ, हे़क्क्याङ् खे़ल्ले़ कुलायोन् ले़प्मि पोङ्ॽ॥
ले़बि 6:5 - लिम्बु5 इग्र च्याज्या पाःन्निल्ले़ कुयाःम्बेओ खे़ल्ले़ मे़न्वाॽमनाबा पाःन्नो माङ्हे़क्सिङ्ङाङ् वाॽने़भग्र, खे़ल्ले़ कन् के़रे़क् पाःन्हाॽओ कुलक् ङासि योॽरुआङ् के़रे़क् नुःक्तुर पोङ्ॽ॥ खे़ल्ले़ आप्तिक्लाम् ले़प्मि खोमा सिदुङ्जभा तोःन्दुबा ये़न्निल्ले़ याःन्दिक्के खे़न् सामाःन् हाःत्ले़ कुसामा वये़, खुने़ॽए खे़न् नुःक्तुर पिरुर पोङ्ॽ॥ Gade chapit la |
ले़बि 6:5
16 Referans Kwoze
आङ्गाॽ आम्भा कप्मो वाॽआ॥ आङ्गाॽनु खे़निॽ सिराॽमे़न्धाङ्मनाबा पाःन्हाॽ पाःप्मा के़गत्तुम्ने़भग्र कप्मो यहवे दाङ्बान् नु खुने़ॽ सेःन्दुबा कुमनाःल्ले़ कुदगि पाःत्ताम्मे़ॽ॥ आङ्गाॽ हाःत्ले़ कुबित्ते़न् तेॽरुङ् पिरुङ्ङाङ् वाॽआ? हाःत्ले़ कुअदङ्ङिन् तेॽरुङ् पिरुङ्ङाङ् वाॽआ? आङ्गाॽ आत्तिन् इङ्ले़क्तुङ्ङाङ् वाआ? आङ्गाॽ हाःत्ले़ ताप्फे़ःम्बा कुयाःम्बक्किन् माॽमारे़ लागि याङ् ते़म्सुङ्ङाङ् वाॽआ? आङ्गाॽ आमे़त्ताम्मे़ॽ, खे़न् हान्ति के़बोङ्बाहाॽ आङ्गाॽ नुःक्तुङ्ॽ॥”
के़रे़क् परिक्पा याङ्साकुन्धेःल्ले़ कुयाःम्बेओ पाःन्धङ्ङो, पित् इग्र अदङ्, इग्र मे़ल्लुक्, चाङ्देःत्, इग्र कुभा के़माबा चिगक्वान् ओसेःन्धाङ् पोङ्ङाङ् कुभारे़ खे़न् ‘आङ्गाॽइन्’ पाःत्तुने़भग्र, खासे़न्लोःम्बाहाॽरे़ खुन्छिॽ तगि खे़ङ्हाॽ मे़दारुसिर पोङ्ॽ॥ खासे़न्लोःम्बाहाॽरे़ आत्तिन् आप्तिक्साबा मे़लेःत्तु, खुने़ॽ कुहिम्बेसाङ्बान् निले़ङ् यारिक् यरिक् खे़ल्ले़ पिरुर पोङ्ॽ॥
कुबिरे़ लागि, सिङ्नात् के़देॽबाल्ले़ युक्खुबा चिगक्वान् खे़ङ्हाॽरे़ याङ्ना मे़नुःक्तु मे़बिरुॽ, खे़ङ्हाॽरे़ मे़घुःत्तुआङ् के़वाॽबा चिगक्वाहाॽ मे़नुःक्तु मे़बिरुसिॽ, हे़क्क्याङ् हिङ्मन् के़बिबा आङ्गाॽ आसाम्यो थिम्हाॽ मे़इःत्तु मे़नाःत्तु, आल्लआङ्धो फे़न्याःम्बक् मे़न्जोगुन्ॽ॥ खे़ङ्हाॽरे़ कन् पाःन्निन् मे़जोगुने़भग्र, खे़ङ्हाॽ से़क्खाए मे़हिङ्ॽ हे़क्क्याङ् मे़न्छिने़न्ॽ॥
Piblisite