ले़बि 6:4 - लिम्बु4 आल्ल खे़ल्ले़ कम्भलॽरिक् लायो चोगुआङ् आप्तिक्साबा पोःक्खे़आङ् वाॽ, खे़ब्याङ् खे़ल्ले़ खुःत्तुबा, तेॽरुबा, माॽरु कत्तुबा सामा, के़माबा सामा खोसुबा, Gade chapit la |
ले़बि 6:4
20 Referans Kwoze
खे़ङ्हाॽरे़ इक्ताप्हाॽ मिक्मे़गेःत्तुरो हे़क्क्याङ् खे़ङ्हाॽरे़ खे़न् इक्ताप्हाॽ मे़नाप्तुसिरो, खे़ब्याङ् हिम्हाॽओ खुन्छिॽ मिक्लाःत्लो हे़क्क्याङ् खे़ङ्हाॽरे़ खे़न् हिम्हाॽ हुक्काप् मे़जोगुरो॥ खे़ङ्हाॽरे़ मनाहाॽरे़ खुन्छिॽ हिम्हाॽ नु लक्खोमाहाॽ मे़युक्तुआङ् खुन्छिॽ मे़मे़त्छिङ्लो॥
कुबिरे़ लागि, सिङ्नात् के़देॽबाल्ले़ युक्खुबा चिगक्वान् खे़ङ्हाॽरे़ याङ्ना मे़नुःक्तु मे़बिरुॽ, खे़ङ्हाॽरे़ मे़घुःत्तुआङ् के़वाॽबा चिगक्वाहाॽ मे़नुःक्तु मे़बिरुसिॽ, हे़क्क्याङ् हिङ्मन् के़बिबा आङ्गाॽ आसाम्यो थिम्हाॽ मे़इःत्तु मे़नाःत्तु, आल्लआङ्धो फे़न्याःम्बक् मे़न्जोगुन्ॽ॥ खे़ङ्हाॽरे़ कन् पाःन्निन् मे़जोगुने़भग्र, खे़ङ्हाॽ से़क्खाए मे़हिङ्ॽ हे़क्क्याङ् मे़न्छिने़न्ॽ॥
हे़क्क्याङ् खे़निॽ अक्खेआङ् के़बाःत्तुम्ॽ, ‘कङ्ग आक्तङ्बा आनानाबा याःम्बक्निबे, के़लॽरिआङ् खे़निॽ नाःन् के़गिःन्दुम्ॽ’ मुक्साम्दाङ्बा यहवे दाङ्बे़ल्ले़ पाःत्तुॽ॥ ‘के़गाःम्बा, कुलाङ् के़सक्पा नु के़दुक्पा थक्सापुसाहाॽ सिदुङ्जभा हे़क्के के़दोःन्दुम्सिम्, थे खे़निॽ हुक्लाम्बा के़दोःन्दुम्बा अक्तङ्बा हुक्सोयाङ्हाॽ आङ्गाॽ ताःक्तुङ्बाबि?’ यहवे दाङ्बे़ल्ले़ पाःत्तुॽ॥
मनाहाॽ मे़वाॽबा लाःक्कात् लक्खुम्मो खे़ङ्हाॽ पेःक्मानुःल्ले़ तगि, खे़ङ्हाॽरे़ माङ्से़वा मे़जोःक्किल्ले़ मे़जाक्खुआङ् मे़वाॽबा चाङ्हाॽ मे़भे़न्दुआङ् सेसेबा याक्फाङ्हाॽओ मे़ने़स्सु मे़धर पोङ्ॽ, खे़न् चाङ्हाॽ सेसे चोःक्पाल्ले़ चोगुल्ले़ मनाहाॽ हान्ति मे़न्जोगुसिन्ल फाॽआङ् खे़ङ्हाॽरे़ वेॽ चाङ् मे़जाक्खुर पोङ्ॽ॥
Piblisite