ले़बि 4:5 - लिम्‍बु

⁵ हे़क्‍क्‍याङ् माङ्‌थोःक्‍ना मे़बिरुबा निङ्‌वाॽफुसाम्‍बाल्‍ले़ से़गम्‍बाल्‍ले़ कुमाक्‍खिन् तेॽरुआङ् तुम्‍मादे़न् साःङ्‌गाहिम्‍मो तारुर॥

ले़बि 4:5 Referans Kwoze

ले़बि 16:14

खे़न् एगाङ् खुने़ॽ से़गम्‍बे़ल्‍ले़ कुमाक्‍खिॽओलाम् कुभा याङ्‌सिङ्‌ङाङ् खुने़ॽ कुहुक्‍चोःल्‍ले़ कुदे़प्‍फेःल्‍ले़ कुदगि साक्‍खुर, हे़क्‍क्‍याङ् लायोलाम् ले़प्‍मि खोमा कुदे़प्‍फेःल्‍ले़ कुदगि ले़प्‍माङ् खुने़ॽ कुहुक्‍चोःल्‍ले़ खे़न् माक्‍खिन् नुसिले़ङ् थारिक् साक्‍खुर॥

खानिःत् 19:4

खे़न् एगाङ् निङ्‌वाॽफुसाम्‍बा एलाजारे़ल्‍ले़ कुहुक्‍चोओलाम् खे़न् सामाक्‍खिन् कुभा याङ्‌सिङ्‌ल हे़क्‍क्‍याङ् तुम्‍मादे़न् साःङ्‌गाहिम् तगि नुसिले़ङ् साक्‍खुर॥

१ युहुन्‍ना 1:7

कर निङ्‌वाॽफुमाङ्‌ङिन् से़न्‍दाङ्‌गे़न् ओःत्तिओ वाॽबा कुइसिक् आनिॽआङ् से़न्‍दाङ्‌गे़न् ओःत्तिओ आहिङ्‌ल आवाॽने़ फाॽग्र आनिॽ लुम्‍मो सेसे तङ्‌जुम् पोङ्‌लो॥ हे़क्‍क्‍याङ् आबुगे़न् कुस्‍सा ये़सुरे़ कुमाक्‍खिॽइल्‍ले़ आनिॽ काक् लायोलाम् सुत्‍थो आजोःक्‍लो॥

ले़बि 16:19

माक्‍खिॽओलाम् कुहुक्‍चोःल्‍ले़ नुसिले़ङ् थारिक् खे़ल्‍ले़ कुसम्‍धाङ् साक्‍खुआङ् इस्राइलिहाॽरे़ खुन्‍छिॽ आसुत्‍थोलाम् ले़त्ति तोःम्‍मादे़न्‍निन् सुत्‍थो नु सेसे चोगुररो॥

ले़बि 4:3

“‘कुभा माङ्‌थोःक्‍ना मे़बिरुबा निङ्‌वाॽफुसाम्‍बाल्‍ले़ लायो चोगुआङ् मनाहाॽओ आप्‍तिक् तारुने़भग्र खे़ल्‍ले़ खुने़ॽ चोगुबा लायोल्‍ले़ लागि कुलाङ् मे़न्‍छक्‍मनाबा मे़ङ्‌गाःम्‍मनाबा कुम्‍बाबा पित्‍सात् थिक् तारुआङ् यहवे दाङ्‌बाओ लायोलाम् ले़प्‍मि खोमा सिदुङ्‌जभा तोःन्‍दुर॥

ले़बि 6:23

निङ्‌वाॽफुसाम्‍बाल्‍ले़ तोःन्‍दुबा के़रे़क् पोगुगे़न् कुजा सिदुङ्‌जभान् खप्‍पे़त् मिधिङ्‌मादेमा पोङ्‌ॽ॥ कन् चामा मे़नाॽने़न्‍लो॥”

ले़बि 16:15

“खे़ब्‍याङ् खुने़ॽ मनाहाॽरे़ खुन्‍छिॽ लागि सिदुङ्‌जभा कुम्‍बाबा मे़ःन्‍दाःन् से़रुर, हे़क्‍क्‍याङ् खे़ल्‍ले़ कुमाक्‍खिन् फोःन्‍दा सिगाङ् तारुआङ् से़गम्‍बे़ल्‍ले़ कुमाक्‍खिन् हे़क्‍के कुदे़प्‍फेःल्‍ले़ कुसम्‍धाङ् नु कुदे़प्‍फेःल्‍ले़ कुदगाङ् साक्‍खुर॥