ले़बि 4:23 - लिम्बु23 खे़ल्ले़ चोगुबा लायोन् खुने़ॽओ ओसेःन्धाङ् पोङ्ङिल्ले़, खे़ल्ले़ लत्छा मे़ङ्गाःम्मनाबा कुम्बाबा मे़ःन्दाधिक् सिदुङ्जभा कुइसिक् तारुर पोङ्ॽ॥ Gade chapit la |
ले़बि 4:23
23 Referans Kwoze
लायोबा सुत्नाःल्ले़ चोगुल्ले़ साम्योथिम्मिल्ले़ चोःक्मा मे़सुक्तुम्बा पाःन्निन् निङ्वाॽफुमाङ्ङिल्ले़ चोगुरो॥ खुने़ॽ आबुगे़न् कुस्सान् मे़न्छाम् याप्मिहाॽरे़ मे़जोगुबा लायोल्ले़ लागि सिदुङ्जभा पोङ्से़ लायोबा मना कुइसिःक्पा नासिङ्गे़न् थक्को पाङ्घुयुसुआङ् नासिङ्गे़न् कुधक्किल्ले़ आनिॽ लायोन् मे़क्खुरो॥
आप्तिक्लाम् सुत्थो पोङ्मा याःम्बक् चोःक्मारे़ लागि लायोलाम् ले़प्मि खोमा सिदुङ्जभा मे़ःन्दबका थिक्काङ् तोःन्दे़म्मे़ॽ॥ कन् चक्मे़ल्लॽए तोःम्मनाबा लायोलाम् ले़प्मि खोमा सिदुङ्जभा नु चक्मे़ल्लॽए मिधिङ्मनादेमनाबा सिदुङ्जभा हे़क्क्याङ् खे़न्नु सोरिक् तोःम्मनाबा पोगुगे़न् कुजा सिदुङ्जभा खम्भ्याङ् खे़न्नु सोसोरिक्पा सेजःङ्वा चे़ल्ले़क्से सिदुङ्भाःन्नुःल्ले़ वेॽ तोःन्दे़म्मे़ॽओ॥’”
हे़क्क्याङ् सङ्जुम्भोःल्ले़ निङ्वाॽ मे़ङ्घोए खे़न् याःम्बक्किन् आन्जानिओ मे़जोगुबाने़भग्र, के़रे़क् सङ्जुम्भोःल्ले़ यहवे दाङ्बे़ल्ले़ कुसिराॽ के़धाङ्बा कुनाम्गे़नुॽबा मिधिङ्मनादेमनाबा सिदुङ्जभा हे़क्तङ्बारे़ लागि कुम्बाबा पित्सात् थिक्, खे़ल्ले़न् पोगुगे़न् कुजा सिदुङ्जभा नु वदुम्बक्वा सिदुङ्जभाःन्नु सोरिक् थिम् कुइसिक् तोःन्दे़म्मे़ॽ, हे़क्क्याङ् लायोलाम् ले़प्मि खोमा सिदुङ्जभारे़ लागि कुम्बाबा मे़ःन्दा थिक्काङ् तोःन्दे़म्मे़ॽ॥
हे़क्क्याङ् इस्राइलिहाॽ खे़ने़ॽ अक्खे मे़त्ते़से़ॽ, ‘खिनिॽ लायोलाम् ले़प्मि खोमा सिदुङ्जभाःल्ले़ लागि कुम्बाबा मे़ःन्दा थिक् खे़ब्याङ् मिधिङ्मनादेमनाबा सिदुङ्जभाःल्ले़ लागि तङ्बे थिक् के़गे़प्पा लत्छा मे़ङ्गाःम्मनाबा पित्सात् थिक् नु तङ्बे थिक् के़गे़प्पा मे़ङ्गाःम्मनाबा थुःम्बा थिक् तारे़म्मे़ॽ॥
“‘कुभारे़ निङ्वाॽ मे़न्इःत्छिङ्ङे कुभा नुबा इग्र ताप्फे़ःम्बा पान् चोःक्मारे़ लागि कुम्ब्राःल्ले़ माङ्हे़क् चोगु—हे़क्क्याङ् च्याज्या पाःन्नो मनान् निङ्वाॽ मे़न्इःत्छिङ्ङे माङ्हे़क्सिङ्ॽ—खे़प्मोलाम्बा खे़न् पाःन्निन् निमे़धाःप्ने़न्छाङ् खे़ल्ले़ खे़न् पाःन्निन् निङ्वाॽ खोसुआङ् हे़क्तङ्बा पाःन्नो खे़न् आप्तिक्साबा पोङ्ॽ॥
“खे़ल्ले़ कुदाःन्दिक् निसिगेक्पा ये़न्नो, सुत्थो पोङ्मा वायागे़न् सिदुङ्जभाःल्ले़ लागि खे़ने़ॽ लत्छा याङ्घेःक् मे़म्बप्मनाबा कुम्बाबा मे़ःन्दाधिक् याङ्सिङ्ङे़ॽ, हे़क्क्याङ् कुम्बाबा से़गम्बा पित्तिल्ले़ कुमाक्खिल्ले़ ले़त्ति तोःम्मादे़न्निन् सुत्थो के़जोगुबा कुइसिक् कन् मे़ःन्दाःल्ले़ कुमाक्खिल्ले़ कन् सुत्थो के़जोगुर पोङ्ॽ॥
Piblisite