ले़बि 3:6 - लिम्‍बु

⁶ “‘खे़ल्‍ले़ यहवे दाङ्‌बाल्‍ले़ कुलागि तङ्‌जुम् सिदुङ्‌जभा फाॽआङ् मे़ल्‍लुक् मे़ःन्‍दाहाॽओलाम् लत्‍छा तोःन्‍दुने़भग्र, खे़ल्‍ले़ मे़ङ्‌गाःम्‍मनाबा कुम्‍बाबा इग्र कुम्‍मामा थिक् तोःन्‍दुर॥

ले़बि 3:6 Referans Kwoze

एफिसि 1:10

हे़क्‍क्‍याङ् सुये़म्‍मिन् के़त्ताङ् निङ्‌वाॽफुमाङ्‌ङिल्‍ले़ ख्रिस्‍तरे़ युक् चोगुर फाॽआङ् साङ्‌ग्राम्‍पेदाङ् नु इक्‍सा खाम्‍बेःक्‍को के़वाॽबा के़रे़क् पाःन्‍हाॽ तारुॽरो॥

गलाति 4:4

कर निङ्‌वाॽफुमाङ्‌ङिल्‍ले़ युक्‍तिङ् चोगुबा ये़म्‍मिन् के़रे़ल्‍ले़ आबुगे़न् कुस्‍सान् पाङ्‌घु युसुरो॥ खुने़ॽ सिसादिङ् मे़न्‍छुमाॽओलाम् साम्‌योथिम्‍मिल्‍ले़ कुयुक्‍को सावाःन्‍छिङ्‌ङाङ् वये़रो॥

गलाति 3:28

आल्‍ल यहुदि, थिम्‍मे़न्‍दङ् सुवाङ्, योक् नु चोःक्‌युम्‍भोबा, ये़म्‍बित्‍छाॽ नु मे़न्‍छुमाॽ कुदङ्‌बारो, थेआङ्‌भे़ल्‍ले़ खिनिॽग ख्रिस्‍त ये़सुओ लत्‍छा के़बोःक्‍खिआङ् के़वयिॽरो॥

सेःक्‌युक्‍मिबाहाॽ 4:27

“से़क्‍खाए बा खे़न् पाःन्‍निन् कन् ये़क्‌यक्‍को के़रे़आङ् वाॽ, थेआङ्‌भे़ल्‍ले़ हे़रोद हाङ्‌ङिन्, सुहाङ्‌गे़म्‍बा पन्‍तियस पिलातस, थिम्‍मे़न्‍दङ् सुवाङ्‌हाॽ नु इस्राइलिहाॽरे़ खे़ने़ॽ के़निङ्‌सेःक्‍को के़सेगुबा सेसे के़से़वारोबा ये़सुरे़ कुदक्‍ले़ङ्‌वाओ कन् ये़क्‌यक्‍को मे़जुप्‍से़आङ् मे़वाॽरो॥

यसैया 60:7

केदारबा के़रे़क् मे़ल्‍लुक् मे़ःन्‍दालुप्‍हाॽ खे़ने़ॽओ मे़जुम्‍लो, नाबायोतबा के़रे़क् मे़ल्‍लुक्‍हाॽरे़ खे़ने़ॽ से़वा के़म्‍मे़त्‍लो, खे़ङ्‌हाॽ सिदुङ्‌जभा हे़क्‍के खुने़ॽओ ले़त्ति तोःम्‍मादे़न्‍नो ताःक्‍मा यारुसिबा मे़बोङ्‌लो, खे़ब्‍याङ् यहवे दाङ्‌बे़ल्‍ले़ खुने़ॽ कुहिम्‍मे़न् आल्‍लसाङ् यरिक् मिमिदिङ्‌बा चोगुरो॥

ले़बि 1:10

“‘खे़ल्‍ले़ तोःन्‍दुबा सिदुङ्‌जभान् थक्‍सा लुप्‍पोलाम् मे़ल्‍लुक् इग्र मे़ःन्‍दाःल्‍ले़न् मिधिङ्‌मनादेमनाबा सिदुङ्‌जभाने़भग्र, खे़ल्‍ले़ मे़ङ्‌गाःम्‍मनाबा थुःम्‍बा इग्र मे़ःन्‍दबकान् तोःन्‍दुर॥

ले़बि 1:2

“इस्राइलिहाॽ अक्‍खे मे़त्ते़से़ॽ—‘खिनिॽओलाम् कुभा आत्तिन् मनाःल्‍ले़साङ् यहवे दाङ्‌बे़ल्‍ले़ कुलागि सिदुङ्‌जभा तोःन्‍दुल्‍ले़ वयागे़न् सिदुङ्‌जभान् खिनिॽ पित् लुप्‍पोबा इग्र मे़ल्‍लुक् मे़ःन्‍दा लुप्‍पोलाम् खे़ल्‍ले़ सिदुङ्‌जभा तोःन्‍दुर पोङ्‌ॽ॥

ले़बि 22:20

के़गाःम्‍बा थक्‍सा थे़माःन्‍नाङ् खिनिॽ मे़दोःन्‍दे़म्‍मिन्‍ने़ॽ, थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ खे़न् मे़दाःक्‍तुन्‌ॽ॥

खानिःत् 15:5

के़रे़क् सिदुङ्‌जभा इग्र मिधिङ्‌मनादेमनाबा सिदुङ्‌जभा मे़ल्‍लुक्‍साःत्ते़न्‍नु सोसोरिक् वदुम्‍बक्‌वा सिदुङ्‌जभाःल्‍ले़ लागि माना लिसि चे़ल्‍ले़क्‍सेॽ सेॽजःङ्‌वाआङ् खिनिॽ यारिप् चोगे़म्‍मे़ॽ॥

ले़बि 19:5

“‘खिनिॽ तङ्‌जुम् वयागे़न् सिदुङ्‌जभान् के़दोःम्‍दुम्‍मिल्‍ले़ आङ्‌गाॽ पिनिङ्‌बा थिम्‍हाॽ इःत्ते़म् नाःत्ते़म्‍मे़ॽ हे़क्‍क्‍याङ् आङ्‌गाॽ सिदुङ्‌जभान् ताःक्‍तुङ्‌ॽ॥

ले़बि 23:19

खे़न् एगाङ् खिनिॽ लायोलाम् ले़प्‍मि खोमा सिदुङ्‌जभाःल्‍ले़ लागि लत्‍छा मे़ःन्‍दबका नु तङ्‌जुम् सिदुङ्‌जभारे़ लागि तङ्‌बेधिक् के़गे़प्‍पा थुःम्‍बा ने़त्‍छि तोःन्‍दे़म्‍सिम्‍मे़ॽ॥

खानिःत् 6:14

खे़ङ्‌हाॽरे़ यहवे दाङ्‌बाल्‍ले़ लागि कन् सिदुङ्‌जभाहाॽ तोःम्‍मासि पोङ्‌ॽ—मिधिङ्‌मनादेमनाबा सिदुङ्‌जभारे़ लागि तङ्‌बेधिक् के़गे़प्‍पा मे़ङ्‌गाःम्‍मनाबा लत्‍छा कुम्‍बाबा मे़ल्‍लुक्‍साःत्, थिम् कुइसिक् लायोलाम् ले़प्‍मि खोमा सिदुङ्‌जभारे़ लागि तङ्‌बेधिक् के़गे़प्‍मा मे़ङ्‌गाःम्‍ना लत्‍छा कुम्‍मामा मे़ल्‍लुक्‍साःत्, हे़क्‍क्‍याङ् तङ्‌जुम् वायागे़न् सिदुङ्‌जभारे़ लागि मे़ङ्‌गाःम्‍मनाबा लत्‍छा थुःम्‍बा,