ले़बि 26:8 - लिम्‍बु

⁸ खिनिॽ ङासि मनारे़ किप् ङासि नु किप् थिक् मनारे़ हे़न्‍छिङ् थिबोङ् मनाहाॽ के़नाःत्तुम्‍सिम्‌ॽ॥ खिनिॽ निङ्‌मिहाॽ खिनिॽ ताभेःल्‍ले़ खल्‍ले़ःङ् खल्‍ले़ःङ् ले़ःक्‍खुसिॽ॥

ले़बि 26:8 Referans Kwoze

यहोसु 23:10

खिनिॽओबा लत्‍छारे़ हे़न्‍छिङ् मनाहाॽ नाःप्‍मादेमा सुक्‍तुसि, थेआङ्‌भे़ल्‍ले़ खुने़ॽ खिनिॽनु माङ्‌हुप् चोगुबा इसिःक् खिनिॽ लागि ते़न्‍धङ् के़जोःक्‍पाग यहवे दाङ्‌बा खिनिॽ निङ्‌वाॽफुमाङ्‌ङिन्‍ने वाॽ॥

साम्‌योथिम् इङ् 28:7

खिनिॽनु थङ् के़जोःक्‍पा निङ्‌मिहाॽ यहवे दाङ्‌बाल्‍ले़ खिनिॽ तगिए हारि चाःत्तुसिॽ॥ खे़ङ्‌हाॽ खिनिॽनु थक्‍से़ थिक् लाम् लाम्‍बा मे़दारो, कर खे़ङ्‌हाॽ खिनिॽलाम् नुसि लाम्‍हाॽओ मे़घे़त्‍छिङ्‌ॽ॥

साम्‌योथिम् इङ् 32:30

खे़ङ्‌हाॽरे़ खुन्‍छिॽ याक्‍पेःल्‍ले़ मे़सङ्‌घुसिन्‍बा वये़ल्‍ले़ग, यहवे दाङ्‌बे़ल्‍ले़ खे़ङ्‌हाॽ लाप्‍फुमा मे़सुरुसिन्‍बा वये़ल्‍ले़ग, आक्‍खेलॽरिक् थिक्‍पारे़ हे़न्‍छिङ्‌धिक् नाःप्‍मा सुक्‍तुसिबा वये़बे? इग्र ने़त्‍छिरे़ थिबोङ् हे़न्‍छिङ् नाःप्‍मा सुक्‍ते़सुबे?

१ साप्‍मुःन्‍धुम् 11:20

योआबरे़ कुन्‍साॽ अबिसैन् खे़न् सुम्‍सिहाॽओ लाम्‍लोबा वये़॥ थिक्‍ले़ङ् खुने़ॽ किप् सुम्‍सि मनाहाॽरे़ खुन्‍छिॽ लुम्‍मो लाःक्‍किन् याङुआङ् खे़ङ्‌हाॽ थुबु से़रुसि, हे़क्‍क्‍याङ् कम्‍भलॽरिक् खे़न् सुम्‍सि मनाहाॽ कुइसिक् खुने़ॽ कुमिङ् के़इङ्‌बा पोःक्‍खे़॥

खानिःत् 14:9

कर यहवे दाङ्‌बे़ल्‍ले़ कुदक्‍ले़ङ्‌वाओरक् मे़बोगे़म्‍मिन्‍ने़ॽ॥ हे़क्‍क्‍याङ् खे़न् लाजेॽओबा मनाहाॽनु मे़गिसे़म्‍मिन्‍ने़ॽ, थेआङ्‌भे़ल्‍ले़ खे़ङ्‌हाॽग आनिॽ सानाःत् मे़बोङ्‌ॽ॥ खे़ङ्‌हाॽ कम्‍ब्राङ् के़मे़प्‍पान् खुन्‍छिॽलाम् खे़त्‍छिङ् पेआङ् होप्, कर यहवे दाङ्‌बान् आनिॽनु वाॽ॥ खिनिॽ खे़ङ्‌हाॽनु मे़गिसे़म्‍मिन्‍ने़ॽ॥”

१ साप्‍मुःन्‍धुम् 11:11

हक्‍मोनि थाःक्‍कोबा यासाबाम खुने़ॽ सुहाङ्‌युक्‍पाहाॽओ तुम् लाम्‍लोबा वये़॥ थिक्‍ले़ङ् खे़ल्‍ले़ लाःक्‍किन् याङ्‌सिङ्‌ङाङ् किप् सुम्‍सि मनाहाॽ थुबु स्‍ये़रुसिआङ् वये़॥

ले़बि 26:7

खिनिॽ आप्‍फेक् निङ्‌मिहाॽ के़नाःत्तुम्‍सिम्‍माङ् ताभेःल्‍ले़ खल्‍ले़ःङ् खल्‍ले़ःङ् के़ले़ःक्‍खुम्‍सिम्‌ॽ॥

खासे़न्‍लोःम्‍बा 15:15

खुने़ॽ अदङ्‌ङिल्‍ले़ लत्‍छा कुमाङ्‌वा कुसिङ्‌दाङ्‌मा थिक् खोसु, हे़क्‍क्‍याङ् खे़न् खप्‍सुआङ् हे़न्‍छिङ् थिक् मनाहाॽ हिप्‍तु से़रुसि॥

ए़स्‍तर 9:16

आम्‍भा कन् ये़म्‍मो हाङ्‌ङिल्‍ले़ कुदे़ःङ्‌गप्‍हाॽओ के़वाॽबा के़याःक्‍पा यहुदिहाॽ आबाङे से़ःप्‍सिङ्‌मारे़ लागि नु खुन्‍छिॽ निङ्‌मिहाॽलाम् ताङ्‌मारे़ लागि थिक्‍हुप् मे़बोःक्‍खे़आङ् मे़वये़॥ खे़ङ्‌हाॽरे़ खुन्‍छिॽ के़जिःप्‍पा नुबोङ्‌ङाङ् ङासि हे़न्‍छिङ् मनाहाॽ मे़स्‍ये़रुसि, कर खे़ङ्‌हाॽरे़ नाप्‍मासि याःम्‍बक्‍को हुक्‍मे़ङ्‌गेःत्तुन्॥

जकरिया 12:8

खे़न् ये़न्‍नो यहवे दाङ्‌बे़ल्‍ले़ यरुसले़म के़युङ्‌बाहाॽ ताङ्‌से़ःप्‍तुसिॽ, हे़क्‍क्‍याङ् खे़ङ्‌हाॽओ आत्तिन् के़रे़क्‍नुःल्‍ले़ मे़न्‍धुम्‍मनाबा चोक् खे़न् दाउदे़न् हे़क्‍तङ्‌बा पोङ्‌ॽ, हे़क्‍क्‍याङ् दाउदरे़ कुहिम्‍सयङ्‌हाॽ निङ्‌वाॽफुमाङ्‌ङिन् हे़क्‍तङ्‌बा मे़बोङ्‌ॽ, खे़ब्‍याङ् खे़ङ्‌हाॽरे़ खुन्‍छिॽ तगाङ् तगाङ् के़बेःक्‍पाहाॽ यहवे दाङ्‌बे़ल्‍ले़ कुमाङ्‌लाइङ्‌बा कुइसिक् मे़बोङ्‌लो॥

खानिःत् 31:4

इस्राइलबा थाःक्‍थक्‍मा १,००० थिक्‍थिक् मनाहाॽ थङ्‌ङो खिनिॽ पाङ्‌घाम्‍सिम्‍मे़ॽ॥”