ले़बि 26:6 - लिम्बु6 “‘आङ्गाॽ लाजेॽओ सनारुङ् तारुङ्ॽ॥ खिनिॽ के़सोःन्नासिआङ् के़इप्सिॽ, हे़क्क्याङ् खिनिॽ हाःत्ले़आङ् यङ्मा के़न्छे़रिन्ॽ॥ आङ्गाॽ लाजेॽओलाम् मना आजाजाबा थक्साहाॽ खे़त्तुङ्देसुङ्सिङ्ॽ खे़ब्याङ् खिनिॽ लाजेॽओ खेमा थक्मा मे़बोङ्ने़न्॥ Gade chapit la |
ले़बि 26:6
43 Referans Kwoze
इस्राइलबा के़दाङ्बा के़याःक्पा मनाहाॽरे़ थे़माआङ् याःम्बक् मे़म्भेःन्दुन्लो॥ खे़ङ्हाॽरे़ मे़न्वाॽमना पान् मे़म्बाःत्तुन्लो, खुन्छिॽ मुराओ इङ्ले़क् पाःन्नाङ् खोमे़दे़त्ने़न्लो, खे़ङ्हाॽरे़ मे़ज मे़धुआङ् मे़ले़ङ्ङाङ् मे़ने़रो, हे़क्क्याङ् खे़ङ्हाॽ हाःत्ले़आङ् यङ्मा मे़से़रुसिन्लो॥”
“आसे़वारोबा याकुबे, मे़गिसे़न्ने़ॽओ॥ इस्राइलबा यक्युङ्बासे, किमा यङ्माओ मे़ध्ये़म्मिन्ने़ॽओ॥ खे़ने़ॽ नु खे़ने़ॽ के़मुॽइदाङ्साहाॽ माःङ्घाबा लाजेॽओ के़म्बाङ्घिआङ् के़वयिरो, खे़प्मोलाम् खिनिॽ थे़ॽनिङ्ङाङ् ताःत्निङ्लो॥ याकुबे़न् याम्मो नुॽदाआङ् ताप्थेक् याम्धेक् पोङ्लो॥ हाःत्ले़आङ् खुने़ॽ यङ्मा मे़से़रुन्लो॥
खे़न् ये़न्नो आङ्गाॽ खे़ङ्हाॽरे़ खुन्छिॽ लागि ताम्भुङ्ङोबा थक्साहाॽनु हे़क्क्याङ् ताङ्साङ्बोबा पुसाहाॽनु खे़ब्याङ् खाम्बाङ्ङो के़सःन्छिङ्बा थक्साहाॽनु माङ्हुप् चोगुङ्लो॥ खो, ताभे नु थङ्हाॽ आङ्गाॽ लाजेॽलाम् लाःत्लाःत् चोगुङ्लो, हे़क्केलॽरिक् के़रे़क् थाप्थेःक् याम्धेक् ने़मा मे़घोररो॥
आङ्गाॽ एफ्राइमलाम् अन्लाधाहाॽ खे़त्तुङ्सिङ्लो हे़क्क्याङ् यरुसले़ःम्लाम् थक्सुबा अन्हाॽ तेॽरुङ्सिङ्लो, हे़क्क्याङ् थङ् चोःक्मा लिॽहाॽ फल्लक् फल्लक् ए़क्लो॥ खुने़ॽ मे़न्छाम् सुवाङ्हाॽरे़ लागि नुॽमादामारे़न् उवा चोगुरो, खुने़ॽ कुहाङ्जुम्मिन् थिक् वरःङ्ङोलाम् वेॽ वरःङ् थारिक्, खम्भ्याङ् युफ्रेतिस वहःङ्ङोलाम् योॽबाःल्ले़ कुनुप्मो थारिक् पोङ्लो॥
हे़क्क्याङ् साक् पोःक्मानु सोसोरिक्, ताम्भुङ् थक्साहाॽरे़ खिनिॽ के़म्भत्तिॽ खे़ब्याङ् खिनिॽ साहाॽ के़म्नाप्तिॽ॥ तुक्मा लाःक्मा नु ते़न्धङ्ङिल्ले़ खिनिॽ लाजेन् युक्तुॽ, खे़ब्याङ् निङ्मिहाॽरे़ खुन्छिॽ ताभेन् खिनिॽ तक्ले़ङ्वाओ तारुङ्ॽ॥ आङ्गाॽ यहवे दाङ्बे़ल्ले़ कन् पाःत्तुङ्ङाङ् वाॽरो!”
हे़क्क्याङ् हे़रोद हाङ्ङिल्ले़ मनाहाॽरे़ खुनिॽ तगि पत्रुसे़न् ताःप्मानुःल्ले़ तगिसमा से़न्दिक्को ने़त्छि थक्सुबाहाॽरे़ खुन्छिॽ लुम्मो ने़त्छि फे़न्जेॽ हुक्पाःङ्गिल्ले़ इमे़घेःक्खुआङ् खे़न् इप्से़आङ् ने़स्से़रो॥ हे़क्क्याङ् पुङ्लाहिम्मोबा लाम्मोआङ् थक्सुबाहाॽ लाम्गोइ मे़ये़बे़रो॥
खुने़ॽ युक् चोगुबा मुक्साम्मिन् हाबा चक्मे़ल्लॽए पोआङ् पत्लो, खुने़ॽ कुहाङ्जुम्मो आभे़ल्ले़साङ् सनारुङ् नु नुॽमादामा पोङ्लो॥ हे़क्क्याङ् खुने़ॽ कुधाःक् दाउदरे़ कुएगाङ् के़दाबा हाङ्ङिङ्ग खुने़ॽए पोङ्लो॥ खे़ब्याङ् कुदोःप्मा खासे़न् नु साम्योबान् सोरिक् चोगुआङ् हाङ्युक् चोगुरो॥ खे़न् ये़म्माङ्धो सदादिङ्ले़ लागि खुने़ॽ हाङ्युक् चोगुरो यहवे दाङ्बा मुक्साम्दाङ्बे़ल्ले़ कुसिक्सम्मे़ल्ले़ कन् पाःन्निन् कुलिङ्दो के़त्तुरो॥
आङ्गाॽ खिनिॽ लुम्मो ताम्भुङ् थक्साहाॽ पाङ्घुङ् तासुङ्सिङ्ॽ, खे़ङ्हाॽरे़ खिनिॽ अङे़ःक्वा साहाॽ मे़जसिॽ, हे़क्क्याङ् खिनिॽ पित्थक्साहाॽ मे़मे़क्खुसिॽ, खम्भ्याङ् खे़ङ्हाॽरे़ खिनिॽ साॽरिक् के़सुःन्दिर के़म्जोगिआङ् खिनिॽ लाम्हाॽए चिजि खक्खक् पोङ्ल यारिक् खे़ङ्हाॽ साॽरिक् यरिक् मे़बोःन्ॽ॥
आङ्गाॽ खिनिॽ सम्धाङ् ते़न्धङ्हाॽ तारुङ्ॽ, हे़क्क्याङ् आङ्गाॽ चोगुङ्बा माङ्हुप्पिन् के़भेःन्दुम्बाल्ले़ कुले़क्वा नुःक्तुङ्ॽ॥ खिनिॽ आप्फेक् आप्फेक् ये़क्यक्हाॽओ के़जुप्सिॽ, आङ्गाॽ खे़प्मोआङ् खिनिॽ लुम्मो तुक्मा लाःक्मा पाङ्घुङ्ॽ, खे़ब्याङ् खिनिॽ निङ्मिहाॽरे़ खुन्छिॽ हुक्को के़ध्ये़ॽइ॥
आङ्गाॽ आमनाहाॽरे़ खुन्छिॽ सिङ्सेॽइक्हाॽओ नु इक्ताप्हाॽओ आत्तातान्ने यरिक् कुजाॽ थोक्, हे़क्क्याङ् के़रे़क् मनाहाॽ हाङ्हाङ् लॽरिक् मे़युङ्ॽ॥ आङ्गाॽ आमनाहाॽ योग्बा योःग्मा मे़जोगुसिबा खुन्छिॽ इघेःङ्मा फे़न्थक्क्रङ्हाॽ फुॽरुङ्ॽ पिरुङ्सिङ्ॽ हे़क्क्याङ् खे़ङ्हाॽ योक् के़जोःक्पाहाॽरोलाम् से़ःन्दुङ्सिङ्ङिल्ले़, आङ्गाॽए यहवे दाङ्बाआ फाॽआङ् खे़ङ्हाॽरे़ निङ्वाॽ मे़घोसुॽ॥
Piblisite