यहवे दाङ्बे़ल्ले़ अक्खेलॽरिक् उवा चोगुरो, “ओमे़त्ते़म्मे़ॽ, कम्भदाङ्बा ये़न्हाॽ तार पत्लो, आल्ल के़क्चु के़धोःङ्बे़ल्ले़ कुजा के़सुम्बे़न् लाम्भाक्तुरो, हे़क्क्याङ् चे़ल्ले़क्सेॽ के़एःम्बे़ल्ले़ याॽरिःम्बा के़हेॽबे़न् लाम्बाक्तुरो॥ कोःक्मा फाङ्जङ्हाॽलाम् कुबोक् चे़ल्ले़क्सेॽ थि वयुरो हे़क्क्याङ् के़रे़क् थे़गु माङ्वाहाॽलाम् खे़न् कुङ्युरो॥
ले़बि 26:5 - लिम्बु5 चे़ल्ले़क्सेॽ तुप्मा ये़म् थारिक्के खिनिॽ पोगुगे़न् कुजा के़नुगुम् के़धाप्सुम्ॽ, हे़क्क्याङ् कुजा लेःप्मा ये़म् थे़म्बाए चे़ल्ले़क्सेॽ के़सुप्सुम्ॽ॥ खिनिॽ चामा थुङ्मारे़लागि के़साक्पा के़न्दुमुम्मिन्, खम्भ्याङ् लाजेॽओ खिनिॽ हाङ्हाङ् के़बोःक्खिॽ॥ Gade chapit la |
ले़बि 26:5
26 Referans Kwoze
यहवे दाङ्बे़ल्ले़ कुमनाहाॽ अक्खे मे़त्तुसिआङ् नुगप् पिरुसिरो, “कुजा, कुबोक् चे़ल्ले़क्सेॽ थि नु चैतुन निःङ्गेॽ हाक्निङ्लो, खे़ब्याङ् खिनिॽ के़रे़क् सिक्एःप्तुआङ् के़घासिरो॥ आङ्गाॽ याम्मो आभे़ल्ले़आङ् मे़न्छाम् सुवाङ्हाॽरे़ खुन्छिॽ लुम्मो खिनिॽ कुनामे़न्छाॽ मे़प्मा चाहाक् पोङ्मा मे़बाङ्निङ्ङिल्लो॥
“यरुसले़म्मोबा मनासे, यरुसले़म्मोबा मनासे, खिनिॽग माङ्निङ्वाॽपान् के़बाःप्पाहाॽ के़से़रुम्सिम्, निङ्वाॽफुमाङ्ङिल्ले़ खिनिॽओ पाङ्घुसिबा इङ्साबाहाॽ लुङ्ङिल्ले़ के़बःत्तुम्सिम्लो॥ आक्खे़न्ले़ङ् खिनिॽ मुॽइदाङ्साहाॽ वामाःप्माल्ले़ वाज्याःक्हाॽ कुप्तुसिबा कुइसिक् खिनिॽ साःहाॽ सुम्मासि निङ्वाॽ चोगुङ्, कर खिनिॽ के़न्दे़न्दिन्लो॥
खे़न् एगाङ् याम्मो मोसाःल्ले़ पाःत्तु, “यहवे दाङ्बे़ल्ले़ए खिनिॽ युःन्छिक् सा नु तानाम् खिनिॽ चाहा के़जोगिबा यारिक् खरे़ःङ् के़बिरिॽ थेआङ्भे़ल्ले़ खिनिॽ खुने़ॽ कुदक्ले़ङ्वाओ साॽरिक् मने़गे़धिक्ति, खे़न् खुने़ॽ खे़प्सुआङ् वाॽ॥ आन्छिगे तक्ले़ङ्वाओ खिनिॽ मने़गे़धिक्तिल्ले़ से़क्खाःल्ले़ खिनिॽ यहवे दाङ्बे़ल्ले़ कुदक्ले़ङ्वाओ मने़गे़धिक्तिबा पोङ्ॽ॥”
खे़न् ये़न्नो आङ्गाॽ खे़ङ्हाॽरे़ खुन्छिॽ लागि ताम्भुङ्ङोबा थक्साहाॽनु हे़क्क्याङ् ताङ्साङ्बोबा पुसाहाॽनु खे़ब्याङ् खाम्बाङ्ङो के़सःन्छिङ्बा थक्साहाॽनु माङ्हुप् चोगुङ्लो॥ खो, ताभे नु थङ्हाॽ आङ्गाॽ लाजेॽलाम् लाःत्लाःत् चोगुङ्लो, हे़क्केलॽरिक् के़रे़क् थाप्थेःक् याम्धेक् ने़मा मे़घोररो॥
Piblisite