ले़बि 26:44 - लिम्बु44 कन्हाॽ के़रे़क् मे़जोगुसाङ् आल्ल खे़ङ्हाॽ निङ्मि लाजेॽओ मे़वाॽइल्ले़ आङ्गाॽ नाॽरुङ्सिङ्बा नु अत्तुङ्सिङ्बाओ खे़ङ्हाॽ युम्रे़क्क मे़मे़ङ्ङासिङ्ङिन्, हे़क्क्याङ् आङ्गाॽ चोगुङ्बा माङ्हुप्पिन्नाङ् मे़ले़ङ्ङाङ्॥ आङ्गाॽ यहवे दाङ्बा खे़ङ्हाॽरे़ खुन्छिॽ निङ्वाॽफुमाङ्आ॥ Gade chapit la |
ले़बि 26:44
20 Referans Kwoze
कर अब्राहाम, इसहाक हे़क्क्याङ् याकुबनुबा यहवे दाङ्बे़ल्ले़ कुमाङ्हुप्पिल्ले़ चोगुल्ले़ खुने़ॽ खे़ङ्हाॽ लुङ्माॽ तुक्तुसिआङ् खुने़ॽ कुलुङ्माॽ स्याःत् मे़लॽरे़॥ खुने़ॽ खे़ङ्हाॽ ओमे़त्तुसि कम्ब्राङ् मे़त्तुसि॥ आइन्बा ये़न् थारिक्के खुने़ॽ खे़ङ्हाॽ मे़ङ्मासि इग्र खे़ङ्हाॽ खुने़ॽ कुदगिलाम् लःप्मादेमासि निङ्वाॽ मे़न्जोःक्के कत्तुसिॽ॥
आङ्गाॽ याकुब नु आसे़वारोबा दाउदरे़ कुमुॽइदाङ्साहाॽ नाॽरुङ्सिङ्ॽ, खे़ब्याङ् दाउदरे़ कुमुॽइदाङ्साहाॽओ लत्छाआङ् अब्राहाम, इसहाक हे़क्क्याङ् याकुबरे़ कुमुॽइदाङ्साहाॽ सम्धाङ् हाङ्युक् चोःक्मारे़ लागि मे़सेगुङ्ङिन्॥ थेआङ्भे़ल्ले़ आङ्गाॽ खे़ङ्हाॽ याम्मो खुन्छिॽ लाजेॽओ नुःक्तुङ् तारुङ्सिङ्ॽ हे़क्क्याङ् खे़ङ्हाॽ लुङ्माॽ तुक्तुङ्सिङ्लो॥’”
आङ्गाॽ खिनिॽनु वाॽआरो हे़क्क्याङ् खिनिॽ ताङ्से़ःप्निङ्लो॥ आङ्गाॽग मे़न्छाम् सुवाङ्हाॽओ के़रे़क् पिसाङ् से़निङ्ङाङ् वयाङ्लो, खे़ङ्हाॽ के़रे़क् आङ्गाॽ युम्रे़क् मे़क्खुङ्सिङ्लो कर खिनिॽग आङ्गाॽ मे़मे़ङ्निङ्ङिन्लो॥ हे़क्केसाङ् आङ्गाॽ खिनिॽ खुम्दिङ् मे़म्बिएग मे़ले़त्निङ्ङिन्लो कर खुम्दिङ् पिनिङ्ङिल्ले़ कुदोःप्मा खासे़ःन्नो खुम्दिङ् पिनिङ्लो॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽआरो॥”
यहवे दाङ्बे़ल्ले़ कुमाङ्लाइङ्बान् गिलगाललाम् बोकिमओ थोःक्सिङ् पे, हे़क्क्याङ् पाःत्तु, “आङ्गाॽ मिस्र लाजेॽलाम् खिनिॽ लःत्निङ् फे़त्निङ्, खे़ब्याङ् आङ्गाॽ खिनिॽ पाधे़बाहाॽ पिनिङ् मे़त्तुङ्सिङ्ङाङ् माङ्हे़क् चोगुङ्बा कन् लाजेॽओ खिनिॽ के़त्निङ् फे़त्निङ्॥ आङ्गाॽ पाःत्तुङ्, ‘आङ्गाॽ खिनिॽनु चोगुङ्ङाङ् वये़बा माङ्हुप्पिन् आभे़ल्ले़आङ् मे़भेःन्नान्॥
खे़ङ्हाॽरे़ के़इङ्जाङ्ङिन् इःप्मा नाःप्मा मे़न्दे़न्दे़न्लो, हे़क्क्याङ् खुन्छिॽ मे़निसुर के़जोगुबा के़रे़क् के़याःम्बक्हाॽ नु निङ्वाॽ के़माबा के़याःम्बक्हाॽ खे़ङ्हाॽरे़ निङ्वाॽ मे़भेःत्छुरो॥ खे़ङ्हाॽ आबाङे आङ्दिङ् मे़लॽरे़आङ् याम्मो मिस्र लाजेॽओ योक् पोङ्से़ नुःङ्मा पेःक्मा फाॽआङ् खे़ङ्हाॽरे़ लाम्लोबाधिक् मे़सेगुरो॥ कर खे़ने़ॽ ले़प्मि के़बिबा निङ्वाॽफुमाङ्ने़रो, लुङ्माॽ आदुक्तुक्पा नु नुरिक् आमे़प्मे़प्पा हे़क्क्याङ् हारा कुसिक् मे़म्बोःक्मनाबा निङ्वाॽफुमाङ्ने़रो, खे़ने़ॽ साॽरिक् लुङ्माॽ आदुक्तुक्पा के़जोःक्लो, खे़ङ्हाॽ के़न्नाॽरुन्सिन्लो॥
“एफ्राइमे़न्, के़रे़क्नुःल्ले़ लुङ्माॽ तुक्तुङ्बा आस्सारो, के़रे़क्नुःल्ले़ यरिक् आलुङ्माॽ स्याःत् के़लॽबा आस्सारो कुदक्ले़ङ्वाओ पाःत्तासाङ् मिःम्जिनु निङ्वाॽ इःत्तुङ्लो॥ खुने़ॽ कुलागि आलुङ्माॽ फ्याःङ्भ्याःङ् लॽरो, कुत्चाॽए आङ्गाॽ खुने़ॽ लुङ्माॽ तुक्तुङ्लो॥ आङ्गाॽ यहवे दाङ्बे़ल्ले़ पाःत्तुङ्लो॥
Piblisite