याम्गे़सिङ्बा खिनिॽ फे़न्याःम्बक्हाॽनुःल्ले़ वेॽ, निङ्वाॽओ नु थक्लाओ हर्दो मे़न्हे़क्मनाबा वेॽ लाजेॽबा मनाहाॽ आङ्गाॽ आसेसेदे़न्नो खिनिॽ के़दारुम्सिम्माङ् आङ्गाॽओ कुजा, सासोःत् नु माक्खिॽ के़दोःन्दुम्मिल्ले़ आसुत्थो के़जोगुम्, हे़क्क्याङ् आङ्गाॽ चोगुङ्बा माङ्हुप्पिन् खिनिॽ के़भेःन्दुम्॥
ले़बि 26:41 - लिम्बु41 खे़ल्ले़ आङ्गाॽ खे़ङ्हाॽरे़ खुन्छिॽ निङ्मि पोःक्खाङ्, हे़क्क्याङ् आङ्गाॽ खे़ङ्हाॽ खुन्छिॽ निङ्मिहाॽरे़ लाजेॽओ पाङ्घुङ्सिङ्ने़भग्र—खे़ङ्हाॽरे़ खुन्छिॽ पाःन्मे़ङ्घे़म्मनाबा निङ्वान् नःम्नःम्बा मे़जोगुआङ् खुन्छिॽ लायोल्ले़ कुले़क्वा खुम्दिङ्ङिन् मे़दुमुने़भग्र, Gade chapit la |
ले़बि 26:41
39 Referans Kwoze
यहुदाए हे़क्क्याङ् यरुसले़ःम्मोबा मनासे, यहवे दाङ्बे़न्नु के़जोगुम्बा माङ्हुप्ले़ इबु हर्दो हे़क्मान् याम्मो चोगे़म्मे़ॽओ कर कन् इबुन् के़जोगुम्मिल्ले़ सिक्लुङ्मोलाम्बाए चोगे़म्मे़ॽओ॥ मेःन्ने़भग्र खिनिॽ फे़न्याःम्बक्हाॽरे़ चोगुल्ले़ आङ्गाॽ आसिक् पोःक्मे़न् मि हे़क्के हुरुरुना तिःत्लो हे़क्क्याङ् आत्तिल्ले़आङ् खे़न् से़प्मा मे़सुक्तुन्लो॥”
आङ्गाॽ नुगप् पिरुङ्, “आङ्गाॽ आबाःन्निन् हाःत्ले़ खे़प्सुबे? आत्तिन्हाॽ मे़त्तुङ्सिङ्ङाङ् साम्दिङ् पिरुङ्सिङ्बाबे? खे़ङ्हाॽ हादिङ् के़धक्पा मे़बोङ्लो खे़ब्याङ् आबाङे खुनिॽ ने़क्खोॽइन् मे़हुॽरुआङ् मे़वाॽरो॥ यहवे दाङ्बे़ल्ले़ के़इङ्घङ्ङिन् खे़ङ्हाॽरे़ खुन्छिॽ लागि के़घबा पान् पोङ्लो हे़क्क्याङ् खे़प्मो खे़ङ्हाॽरे़ निङ्वाॽ तामा पान् थेआङ् मे़ङ्घोसुन्लो॥
खे़ब्याङ् खे़ङ्हाॽ मे़न्छाम् सुवाहाॽरे़ खुन्छिॽ लुम्मो मे़दे़म्सु मे़देॽरुसिल्ले़ खे़ङ्हाॽरे़ आङ्गाॽ निङ्वाॽ मे़इःत्ता॥ खे़ङ्हाॽरे़ खुन्छिॽ इङ्ले़क्पा निङ्वाॽ नु खुन्छिॽ नावाइत्लाहाॽ सिराॽथाङ्बा ताप्फे़ःम्बा मिक्लो लाम्माल्ले़ आङ्गाॽ आक्ख्यारिक् आनिङ्वाॽ तुक् फाॽआङ् खे़ङ्हाॽरे़ निङ्वाॽ मे़घोसुॽ॥ खे़ब्याङ् निन्धासेःक्ओ खे़ङ्हाॽरे़ खुन्छिॽ के़रे़क् सिक्के़ले़ःङ्बा लायोहाॽरे़ चोगुल्ले़ खुन्छिॽ आप्फेक् मे़जिःत्छिङ्ॽ॥
आनिगे लायोन् नु ताप्फे़ःम्बा याःम्बक्किल्ले़ चोगुल्ले़ खुम्दिङ् याप्मि के़बिरे़आङ् यरिक् पाःन्हाॽ आनिगे सम्धाङ् चुक्ते़, खे़न् एगाङ्ङाङ् आनिगे खोमा के़बोङ्बा यरिक् खुम्दिङ्ङिन्नुःल्ले़ सुःल्लिक्लक् खुम्दिङ् याप्मि के़बिरे़आङ् के़वाॽ फाॽआङ् आनिगे निसुम्बे़ हे़क्क्याङ् हिङ्मार वाॽमा याप्मि के़बिरे़आङ् के़वाॽ॥
खुने़ॽ आप्फेक् नःम्नःम्बा चोःक्सिङ्मानुःल्ले़ तगि पेलि फाक्तुबा नु निङ्वाॽफुमाङ्ङिल्ले़ आक्खेलॽरिक् खुने़ॽ कुबेलिन् खे़प्सु, हे़क्क्याङ् खुने़ॽ के़रे़क् कुलायोहाॽ नु नसान् ले़क्खुआङ् चोगुबा याःम्बक्हाॽ, थे़गुहाॽओ खुने़ॽ चोगुबा माङ्धाःन्हाॽ नु असेरा माङ् सित्लाङ्हाॽ नु नावाइत्ला ये़प्सुसिबा कन् के़रे़क् पाःन्हाॽ खागे़इक्पाहाॽरे़ खुन्छिॽ साप्मुःन्धुम् साप्पन्नो साप्ते़आङ् पत्॥
कल्ले़चोगुल्ले़ मोसान् नु हारुने़न् फारोओ पेसे़त्छिआङ् मे़त्ते़सु, “हिब्रुहाॽरे़ खुनिॽ निङ्वाॽफुमाङ् यहवे दाङ्बाल्ले़ पाःत्तुॽ, ‘आप्फाल्ले़ थारिक् खे़ने़ॽ आङ्गाॽ आदगि नःम्सिङ्मा के़न्दे़न्ने़म्बाबे? आङ्गाॽ आमनाहाॽ पेःक्मा फाःक्ते़से़ॽ हे़क्क्याङ् खे़ङ्हाॽ मे़बेःक्काङ् आङ्गाॽ माङ्से़वा मे़मे़त्तार॥
यरिक् तुक्खे लाक्खे नु के़साक्पा पाःन्हाॽ खे़ङ्हाॽरे़ खुन्छिॽ सम्धाङ् ताआङ् एगाङ् कन् से़वासाम्लोन् खे़ङ्हाॽरे़ खुन्छिॽ तक्ले़ङ्वाओ तोःन्दि कुसिङ् पोङ्ॽ, थेआङ्भे़ल्ले़ खे़न् खे़ङ्हाॽरे़ खुन्छिॽ मुॽइदाङ्साहाॽरे़ आभे़ल्ले़आङ् निङ्वाॽ मे़म्भेःत्छुन्ॽ॥ आङ्गाॽ खे़ङ्हाॽ पिनिङ् मे़त्तुङ्सिङ्बा लाजेॽओ के़प्मासिनुःल्ले़ तगिए आङ्गाॽ खे़ङ्हाॽरे़ खुन्छिॽ निङ्वाॽओ मे़इःत्तुबाःन् कुसिङ् निःत्तुङ् सुरुङ्ङाङ् वाॽ॥”
Piblisite