ले़बि 26:30 - लिम्बु30 आङ्गाॽ खिनिॽ थे़गु माङ्वाओ के़जोगुम्बा माङ्धाःन्हाॽ मे़क्खुङ् पिनिङ्ॽ, आङ्गाॽ खिनिॽ सुक्पा हाःम्मा ले़त्ति तोःम्मादे़न्हाॽ लुःन्दुङ् पिनिङ्ॽ, हे़क्क्याङ् खिनिॽ चेहाॽ खिनिॽ कुसिवे़त् नावाइत्लाहाॽ सम्धाङ् लाप्फेसुङ्ॽ, खम्भ्याङ् खिनिॽ नाॽनिङ्ॽ॥ Gade chapit la |
ले़बि 26:30
28 Referans Kwoze
आम्भा कल्ले़ए इस्राइलबा मनाहाॽरे़ खुन्छिॽ लायोन् ले़प्मि चोगुरो, हे़क्क्याङ् खे़ल्ले़ कुलायोन् माःङ्घा पोङ्बा मिक्सेःन्निङ्ग खे़ल्ले़ ले़त्ति तोःम्मा ते़न्हाॽओबा के़रे़क् लुङ्हाॽ खरि-लुङ् कुइसिक् फयःप्फयःप् यःप्सुदेसुरो, खे़ब्याङ् असेरा माङ्ङिल्ले़ कुसित्लाङ्हाॽ नु साङ्सिङ् सुक्पा हाःम्मा ते़रे़ःङ्हाॽ लत्छाआङ् तक्पे़त् मे़युक्खुल्लो॥
हे़क्क्याङ् के़रे़क् कोःक्मा फाङ्जङ् थे़गु माङ्वाहाॽओबा माङ्धाःन्हाॽओ हे़क्क्याङ् के़रे़क् सरेःक्याःप्पा सिङ्बुङ् सिगाङ् नु के़रे़क् हुम्बे़प्पा यम्बा सिङ्बुङ्हाॽरे़ इःप्तुबादे़न्नो खे़ङ्हाॽरे़ खुन्छिॽ नावाइत्लाहाॽ सिदुङ्जभा मे़बिरुसिबा ते़न्हाॽओ खुन्छिॽ नावाइत्हाॽ लुम्मो खुन्छिॽ मना चेहाॽ हत्छे़ मे़से़आङ् मे़ने़ःल्ले़ आङ्गाॽए यहवे दाङ्बाआ फाॽआङ् खे़ङ्हाॽरे़ निङ्वाॽ मे़घोसुॽ॥
यहवे दाङ्बाए, थे खे़ने़ॽ यहुदान् से़क्खाए के़नाॽरुबि? थे खे़ने़ॽ सियोनबा यक्युङ्बाहाॽ हिलाप्फु के़इःत्तुसिबि? थेआङ् वेःप्मा मे़न्छुक्के थारिक् खे़ने़ॽ आनिगे याप्मि के़घाःन्दे़बाबे? आनिगे सनारुङ् कोःत्तुम्बे़आङ् वयिगे़रो कर नुबा पान् थेआङ् मे़घोसुम्बे़न्लो॥ वेःप्मा ये़म्मिन् निङ्साङ् चोगुम्बे़आङ् वयिगे़रो कर किमा यङ्मारक् आनिगे तक्क्रुम्बो इरे़द्ये़रो॥
कन् सोसोःत्लराङ्ङिन् चुरे़ल्ले़ खे़प्मो के़जुम्बा काक् इस्राइलिहाॽ यहुदाबा ये़क्यक्हाॽओ मे़बेआङ् खे़ङ्हाॽ के़रे़क् युम्रे़क् मे़म्मे़ङ्ङे थारिक् खे़ङ्हाॽरे़ सेसे लुङ्हाॽ कुम्जिक्मा मे़यःप्सु हे़क्क्याङ् असेरा माङ् नावाइत्लाहाॽ मे़लुःन्दु मे़देसु॥ के़रे़क् यहुदा नु बेन्यामिन हे़क्क्याङ् एफ्राइम नु मनस्सेबा केःम्ब केःम्बा माङ्धाःन्हाॽ नु ले़त्ति तोःम्मादे़न्हाॽ मे़यन्छु मे़देसु॥ खे़म्म्याक् मे़जोगु मे़सुरुआङ् इस्राइलिहाॽ के़रे़क् खुन्छिॽ आप्फेक् ये़क्यक्हाॽओ नु पालाम्बाबा लाजेॽओ मे़नुःक्खे़ मे़बेरो॥
खे़न् एगाङ् योसियाहन् ना नु कत्ना ओमये़ल्ले़ आल्ल खुने़ॽ कोःक्माल्ले़ कुयाओ के़ने़बा इपुङ्हाॽ निसु, खे़ब्याङ् खे़न् इपुङ्हाॽओलाम् ये़प्पाहाॽ लःप्मा पाङ्घुसि, हे़क्क्याङ् आसुत्थो चोःक्मारे़ लागि खे़न् ये़प्पा लुङ्सिहाॽ हाबा खे़न् ले़त्ति तोःम्मादे़न्नो मिधिक्खुदेसु॥ कन् पाःन्हाॽ माङ्निङ्वाॽपान् के़बाःप्पा निङ्वाॽफुमाङ्ङिल्ले़ कुमनाःल्ले़ पाःत्तुबा यहवे दाङ्बे़ल्ले़ कुबाःन्जाक् कुइसिक् योसियाहःल्ले़ कन् याःम्बक्हाॽ चोगु॥
योसियाहःल्ले़ यहुदाबा पाङ्जुम्हाॽओलाम् के़रे़क् निङ्वाॽफुसाम्बाहाॽ लःत्तुदेसुसि, हे़क्क्याङ् खे़ङ्हाॽरे़ सुक्पा हाःम्मा याःम्बक् मे़जोगुबा गेबालाम् बेर्सेबा थारिक्पा केःम्ब केःम्बादे़न्हाॽओ के़युङ्बा माङ्धाःन्हाॽ खुने़ॽ आसुत्थो चोगु पिरुसि॥ ये़क्यक्कोबा यम्बा लाम्धेःत्तिल्ले़ फे़न्छाङ् ले़प्माङ् ये़क्यक्कोबा हाङ्युक्पा यहोसुःल्ले़ कुलाम्धेत् तगाङ्बा माङ्युक्नाहाॽ खुने़ॽ यन्छु पिरुसि॥
खुने़ॽ यहवे दाङ्बे़ल्ले़ कुबाःन्जाक्लाम् खे़न् ले़त्ति तोःम्मादे़न्निल्ले़ कुदक्ले़ङ्वाओ अःक्ते़आङ् अक्खे पाःत्तु, “ले़त्ति तोःम्मादे़न्ने, ले़त्ति तोःम्मादे़न्ने! यहवे दाङ्बे़ल्ले़ अक्खे पाःत्तुॽ—‘दाउदरे़ कुहिम्सयङ्ङो योसियाह मिङ् के़वाःप्पाधिक् सावाःन्छिङ्ॽ॥ खुने़ॽ कन् ले़त्ति तोःम्मादे़न् कोःक्माओबा माङ्धाःन्हाॽओबा निङ्वाॽफुसाम्बाहाॽ के़सम्धाङ् सिदुङ्जभा तोःन्दुसिॽ, हे़क्क्याङ् के़सम्धाङ् मना ये़त्हाॽ मिधिक्खुॽ॥’”
थेआङ्भे़ल्ले़ कन् ते़न्निन् आन्छिगे खाप्पुथ्यःङ् चोःक्मा चोःक्सुगे़, कङ् मनाहाॽरे़ मे़जोगुबा ताप्फे़ःम्बा याःम्बक्किल्ले़ इक्लान् यहवे दाङ्बाल्ले़ कुदगि साॽरिक् पोरे़थाङे़आङ् वाॽ, हे़क्क्याङ् कङ् ये़क्यक्किन् खाप्पुथ्यःङ् चोःक्से़ यहवे दाङ्बाल्ले़ आन्छिगे पाङ्घे़छिगे़आङ् वाॽसिगे़॥”
खुने़ॽ आङ्गाॽ मे़त्ताङ्, “नासिगे़न् थक्ला के़गप्पा मे़न्छाम् याप्मिए, कङ्ग आङ्गाॽ आहाङ्युक्नादे़न् नु आङ्गाॽ आलाङ् तोॽभेःत् ते़न्लो॥ आङ्गाॽ कप्मो इस्राइलबा मनाहाॽरे़ खुन्छिॽ लुम्मो सदादिङ् आभे़ल्ले़साङ् वाॽआ॥ इस्राइलबा हिम्सयङ्हाॽ नु खे़ङ्हाॽरे़ खुन्छिॽ हाङ्हाॽरे़ खे़ङ्हाॽरे़ खुन्छिॽ याम्बोःप्मालाम् इग्र माङ्हिम् पेसाङ् खे़ङ्हाॽरे़ खुन्छिॽ हाङ्हाॽरे़ खुन्छिॽ चेहाॽ मे़न्लुप्तुसिन्ॽ हे़क्क्याङ् याम्मो आभे़ल्ले़आङ् आङ्गाॽ आसेसे मिङ्ङिन् आसुत्थो मे़न्जोगुन्ॽ॥
यहवे दाङ्बान् आबाङे कुमिङ्ङो माङ्हे़क्सिङ्ङाङ् वाॽ, यहवे मुक्साम्दाङ्बा निङ्वाॽफुमाङ्ङिल्ले़ उवा चोगुरो— “आङ्गाॽ याकुबरे़ कुआङ्दिङ् लॽमान् आसिक्ले़ःङ्लो, हे़क्क्याङ् खे़ल्ले़ कुयक्हाॽ पजिःत् चिःत्तुङ्लो॥ आङ्गाॽ कप्मो के़वाॽबा के़रे़क् पाःन्हाॽनु सोसोरिक् कन् ये़क्यक्किन् निङ्मिहाॽरे़ खुन्छिॽ हुक्को थासुङ्लो॥”
खे़ब्याङ् खे़ने़ॽ लुङ्माॽ के़हिःप्तुसिबा कन् यरिक् सुवाङ्हाॽरे़ खुनिॽ हुक्को खे़ने़ॽ थाने़, हे़क्क्याङ् खे़ङ्हाॽरे़ खे़ने़ॽ के़म्मे़ङ्ॽ॥ खे़ङ्हाॽरे़ खे़ने़ॽ वेॽ के़माङ्हाॽरे़ लागिबा माङ्धाःन्हाॽ नु के़नावाइत्लाहाॽरे़ लागि ले़त्ति तोःम्मादे़न्हाॽ मे़लुःन्दु मे़धासुॽ॥ खे़ङ्हाॽरे़ खे़ने़ॽ ले़क्चाॽ के़म्भे़न्ॽ हे़क्क्याङ् पनुनुबा के़सामाहाॽ मे़देॽरुआङ् खे़ने़ॽ ले़क्चाबे़धिःक् के़म्ले़त् के़म्धारो॥
Piblisite