ले़बि 26:25 - लिम्बु25 आङ्गाॽ खिनिॽ सम्धाङ् ते़न्धङ्हाॽ तारुङ्ॽ, हे़क्क्याङ् आङ्गाॽ चोगुङ्बा माङ्हुप्पिन् के़भेःन्दुम्बाल्ले़ कुले़क्वा नुःक्तुङ्ॽ॥ खिनिॽ आप्फेक् आप्फेक् ये़क्यक्हाॽओ के़जुप्सिॽ, आङ्गाॽ खे़प्मोआङ् खिनिॽ लुम्मो तुक्मा लाःक्मा पाङ्घुङ्ॽ, खे़ब्याङ् खिनिॽ निङ्मिहाॽरे़ खुन्छिॽ हुक्को के़ध्ये़ॽइ॥ Gade chapit la |
ले़बि 26:25
42 Referans Kwoze
हे़क्क्याङ् साक् पोःक्मानु सोसोरिक्, ताम्भुङ् थक्साहाॽरे़ खिनिॽ के़म्भत्तिॽ खे़ब्याङ् खिनिॽ साहाॽ के़म्नाप्तिॽ॥ तुक्मा लाःक्मा नु ते़न्धङ्ङिल्ले़ खिनिॽ लाजेन् युक्तुॽ, खे़ब्याङ् निङ्मिहाॽरे़ खुन्छिॽ ताभेन् खिनिॽ तक्ले़ङ्वाओ तारुङ्ॽ॥ आङ्गाॽ यहवे दाङ्बे़ल्ले़ कन् पाःत्तुङ्ङाङ् वाॽरो!”
इस्राइलबा कोःक्मा फाङ्जङ् थे़गु माङ्वासे, मुक्साम्दाङ्बा यहवे दाङ्बालाम् कन् इङ्घङ्ङिन् खे़प्से़म्मे़ॽ॥ मुक्साम्दाङ्बा यहवे दाङ्बे़ल्ले़ आप्फेक्के कोःक्मा फाङ्जङ्हाॽ, थे़गु माङ्वाहाॽ हे़क्क्याङ् पाक्लुम्लुम्बा नु ने़ने़बादे़न्हाॽ अक्खे मे़त्तुसिॽ—आङ्गाॽ खिनिॽ सम्धाङ् ते़न्धङ् ताःप्मा चोगुङ्ॽ, खे़ब्याङ् खिनिॽओ के़ने़बा नावाइत्ला से़वा मे़प्मादे़न्हाॽ फयःप्फयःप् यःप्सुङ्ॽ॥
“आङ्गाॽ खिनिॽ लुम्मो मिस्र लाजेॽओ चोगुङ्बा हे़क्के मिङ्देॽहाॽ पाङ्घुङ्लो॥ खिनिॽ थाङ्बे़न् मनाहाॽ ताभेःल्ले़ स्ये़रुङ्सिङ्लो, खिनिॽ अन्हाॽ तेॽरुङ्सिङ्ङाङ् पाङ्घुङ्देसुङ्सिङ्लो, हे़क्क्याङ् खिनिॽ थक्सुबा ने़त्ना साःङ्गाहिम्हाॽओबा कुगिःक्किन् खिनिॽ ने़बोओ थारिक्के थिम्सुङ्लो, हे़क्केसाङ् खिनिॽ आङ्गाॽ ले़प्माङ् मे़न्नुःङ्ङे के़वयिरो,” यहवे दाङ्बे़ल्ले़ उवा चोगुरो॥
माराम् माराम्हाॽओबा खाम्हिःक्को काप्पोबा नु थाङ्बे़न् मनाहाॽ ले़रे़म्भे़ना मे़जोःन्दे़आङ् मे़ने़रो॥ थाङ्बे़न् नु मे़न्छ्या आमनाहाॽ ताभेःल्ले़ मे़सोःन्दुसिआङ् ने़रो के़सिक् पोगे़बा ये़न्नो आदाङ्बारे़ खे़ङ्हाॽ के़स्ये़रुसिआङ् वाॽरो, लुङ्माॽ स्याःत् मे़ल्लॽए खे़ङ्हाॽ के़स्ये़रुसिआङ् वाॽरो॥
खे़ब्याङ् यहुदाबा हे़न्छिङ् सुम्सि मनाहाॽ एताम याक्पेॽओबा लुङ्फुक्कोओ मे़ये़॥ खे़ङ्हाॽरे़ सिमसोने़न् मे़मे़त्तु, “पलिस्तिहाॽ आनिॽ युक्साबासि फाॽआङ् खे़ने़ॽ के़निसुआङ्ङे वाॽ॥ आल्ल ओमे़त्ते़ॽ, खे़ने़ॽ आनिगे़नु थे के़जोगुबाबे?” खुने़ॽ खे़ङ्हाॽ मे़त्तुसि, “खे़ङ्हाॽरे़ आङ्गाॽ थे मे़मे़त्ताङ्ङाङ् वये़ॽ, आङ्गाॽआङ् खे़ङ्हाॽ हे़क्केए मे़त्तुङ्सिङ्ङाङ् वाॽ॥”
“आल्ल आदाङ्बारे़ के़मना इस्राइलिहाॽरे़ आदाङ्बारे़ के़दक्ले़ङ्वाओ लायो मे़जोगुआङ् खे़ङ्हाॽ खुन्छिॽ निङ्मिहाॽलाम् हारिमे़द्ये़आङ् मे़वाॽ, हे़क्क्याङ् खे़ङ्हाॽरे़ आदाङ्बारे़ के़मिङ्ङिन् मे़बाःत्तुर कन् माङ्हिम्मो तुवा नु चुङ्जिगे़न् नःम्नःम् पेलि फाक्कि आदाङ्बा ले़प्माङ् मे़नुःङ्ने़भग्र,
मोसान् नु हारुने़ल्ले़ नोगप् पिरे़त्छुआङ् मे़त्ते़सु, “हिब्रुहाॽरे़ खुन्छिॽ निङ्वाॽफुमाङ्ङिल्ले़ आनिगे मिक् निमा सुफो पिरिगे़आङ् वाॽ॥ मुरे़क् खारे़क् थेआङ् के़होप्पादे़न्नो सुम्यान् थारिक् लाम्दिक् चोःक्मा आनिगे आभाःक्ते़ॽ हे़क्क्याङ् आनिगे खे़प्मो पेगिगे़आङ् आनिगे यहवे दाङ्बा निङ्वाॽफुमाङ्ङो सिदुङ्जभा तोःन्दुम्बे़॥ आनिगे अक्खे मे़जोगुम्बे़न्ने़भग्र माङ्दुक्मा इग्र थङ्लाम्बा खुने़ॽ खाप्पुथ्यःङ् चोगिगे़॥”
अरामिहाॽरे़ खुन्छिॽ चबे़ःत्छिक् थक्सुबा लुप्हाॽरक् थङ् मे़जोगे़, हे़क्केसाङ् यहवे दाङ्बे़ल्ले़ इस्राइलबा यरिक् थक्सुबा सुम्हाॽ खे़ङ्हाॽरे़ खुन्छिॽ हुक्को थासुसि॥ यहुदाबा मनाहाॽरे़ यहवे दाङ्बा खुन्छिॽ पाधे़बाहाॽरे़न् निङ्वाॽफुमाङ्ङिन् मे़ले़रुबाल्ले़ चोगुल्ले़ योआसरे़ खोमा यारुबा खुम्दिङ्ङिन् इरे़द्ये़॥
“‘आम्भा कन् ते़न्नो आङ्गाॽ यहुदा नु यरुसले़ःम्मोबा यक्युङ्बाहाॽरे़ चोःक्मा मे़गोःत्तुबान् कुसुम् मे़न्दम्मनाबा चोगुङ्ॽ, खे़ङ्हाॽ खुन्छिॽ निङ्मिहाॽरे़ मे़नाःन्दुसिर याःन्दुङ्सिङ् खे़ब्याङ् खे़ङ्हाॽ आङ्गाॽ ते़न्धङ्ङो मे़क्खुङ्सिङ् हे़क्क्याङ् खे़ङ्हाॽरे़ खुन्छिॽ चेहाॽ पुहाॽ नु ताम्भुङ् थक्साहाॽ कुजा चामारे़ लागि पिरुङ्सिङ्ॽ॥
Piblisite