ले़बि 26:22 - लिम्बु22 आङ्गाॽ खिनिॽ लुम्मो ताम्भुङ् थक्साहाॽ पाङ्घुङ् तासुङ्सिङ्ॽ, खे़ङ्हाॽरे़ खिनिॽ अङे़ःक्वा साहाॽ मे़जसिॽ, हे़क्क्याङ् खिनिॽ पित्थक्साहाॽ मे़मे़क्खुसिॽ, खम्भ्याङ् खे़ङ्हाॽरे़ खिनिॽ साॽरिक् के़सुःन्दिर के़म्जोगिआङ् खिनिॽ लाम्हाॽए चिजि खक्खक् पोङ्ल यारिक् खे़ङ्हाॽ साॽरिक् यरिक् मे़बोःन्ॽ॥ Gade chapit la |
ले़बि 26:22
17 Referans Kwoze
आङ्गाॽ खे़ङ्हाॽरे़ खुन्छिॽ तक्ले़ङ्वाओ आमे़ङ्मे़ङ्बा साक्वाःन्, मिआदिक्तिक्पा यङ्दुङ्बा हे़क्क्याङ् आसिसिबा तुक्माहाॽ पाङ्घुङ् तासुङ्लो॥ खे़ङ्हाॽरे़ खुन्छिॽ तक्ले़ङ्वाओ ताम्भुङ् थक्साहाॽरे़ खुन्छिॽ केःङ्हाॽ नु खाम्बाङ्ङो के़उःङ्सिङ्बा के़आःप्पा कुनिङ् के़याक्पा असेःक्हाॽ पाङ्घुङ् तासुङ्सिङ्लो॥
‘खे़ङ्हाॽ वेॽ लाजेॽबा मे़बोःक्खे़आङ् मे़युङे़बा मे़न्छाम् सुवाङ्हाॽरे़ खुन्छिॽ लुम्मो सुरित् केजङ्ङिल्ले़ फे़सुसिबा कुइसिक् आङ्गाॽ फुत्छिङ्ज्याङ् चोगुङ्सिङ्॥ आत्तिन्हाॽआङ् तामा पेःक्मा मे़न्छुक्ते़न्ल थारिक् खे़ङ्हाॽरे़ खुन्छिॽ लाजेन् चिजि खक्खक् पोःक्खे़॥ कम्भलॽरिक् खे़ङ्हाॽरे़ खे़न् नुबा लाजेन् चिजि खक्खक्पा मे़जोगुरो॥’”
निःन्धो के़बोङ्बा तङ्नाम्हाॽओ आत्तिन्नाङ् मे़दाने़न्बाल्ले़ चोगुल्ले़ सियोन के़बेःक्पा लाम्हाॽ हाःप् चिङ्ल ने़रो, खे़ल्ले़ के़रे़क् मा कुलाम्धेःत्हाॽ चिजि खक्खक् पोःक्खे़आङ् ने़रो, खे़ल्ले़ कुनिङ्वाॽफुसाम्बाहाॽ सक्मारक् मे़सोःन्छिङ्लो॥ खे़प्मोबा सिसागे़न् मे़न्छ्याहाॽ निङ्वाॽ तुक्खे चामो मे़ध्ये़आङ् मे़वाॽरो, खे़ब्याङ् खे़न् के़साक्पा तुक्मा याःप्मो थ्ये़आङ् ने़रो॥
हे़क्क्याङ् साक् पोःक्मानु सोसोरिक्, ताम्भुङ् थक्साहाॽरे़ खिनिॽ के़म्भत्तिॽ खे़ब्याङ् खिनिॽ साहाॽ के़म्नाप्तिॽ॥ तुक्मा लाःक्मा नु ते़न्धङ्ङिल्ले़ खिनिॽ लाजेन् युक्तुॽ, खे़ब्याङ् निङ्मिहाॽरे़ खुन्छिॽ ताभेन् खिनिॽ तक्ले़ङ्वाओ तारुङ्ॽ॥ आङ्गाॽ यहवे दाङ्बे़ल्ले़ कन् पाःत्तुङ्ङाङ् वाॽरो!”
“खे़न्हाॽरे़ खुन्छिॽ सम्धाङ् लिसि परिक्ले़न् मे़क्मासिमा तारुङ्ॽ फाॽआङ् आङ्गाॽ यहवे दाङ्बे़ल्ले़ पाःत्तुङ्ॽ॥ खे़ङ्हाॽ थङ्ङो मे़से़रुसिॽ, खे़ङ्हाॽरे़ खुन्छिॽ के़सिबा थक्हाॽ ख्याबाहाॽरे़ मे़जसिॽ हे़क्क्याङ् पुहाॽरे़ मे़अगु मे़जसिॽ खे़ब्याङ् के़नम्बा के़याःक्पाहाॽ ताम्भुङ् थक्साहाॽरे़ मे़हाॽरु मे़जसिॽ हे़क्क्याङ् मे़मे़क्खुसिॽ॥
कल्ले़चोगुल्ले़ लत्छा माङ्देधिक्ले़ इक्सादिङ् खाम्बेःक्मान् खाप्पुथ्यःङ् पोङ्लो॥ हे़क्क्याङ् खे़न् इक्सादिङ् खाम्बेःक्मो के़युङ्बा मनाहाॽरे़ खुन्छिॽ आप्तिक्किल्ले़ खुम्दिङ् मे़घोसुरए पोङ्लो॥ पा कल्ले़चोगुल्ले़ योॽबा लाजेॽओ के़युङ्बा मनाहाॽरे़ मिमे़धिक्खु मे़से़रुसिरो, हे़क्क्याङ् चबे़ःत्छिक् मनाहाॽरक् मे़हिङे़ मे़याःक्ते़आङ् मे़वाॽरो॥
Piblisite