ले़बि 26:17 - लिम्बु17 आङ्गाॽ खिनिॽ अत्ने़निङ्ॽ, हे़क्क्याङ् खिनिॽ निङ्मिहाॽलाम् हारि के़द्ये़ॽइ॥ खिनिॽ कुनामे़न्छाॽ के़मे़प्पाहाॽरे़ खिनिॽ सम्धाङ् युक् मे़जोगुॽ, खे़ब्याङ् हाःत्ले़आङ् मे़न्नाःत्तेसाङ् खिनिॽ के़घे़त्तासिॽ॥ Gade chapit la |
ले़बि 26:17
30 Referans Kwoze
“‘आम्भा कन् ते़न्नो आङ्गाॽ यहुदा नु यरुसले़ःम्मोबा यक्युङ्बाहाॽरे़ चोःक्मा मे़गोःत्तुबान् कुसुम् मे़न्दम्मनाबा चोगुङ्ॽ, खे़ङ्हाॽ खुन्छिॽ निङ्मिहाॽरे़ मे़नाःन्दुसिर याःन्दुङ्सिङ् खे़ब्याङ् खे़ङ्हाॽ आङ्गाॽ ते़न्धङ्ङो मे़क्खुङ्सिङ् हे़क्क्याङ् खे़ङ्हाॽरे़ खुन्छिॽ चेहाॽ पुहाॽ नु ताम्भुङ् थक्साहाॽ कुजा चामारे़ लागि पिरुङ्सिङ्ॽ॥
यहवे दाङ्बे़न् इस्राइलिहाॽनु कुसाक्के़न् पोगे़ खे़ल्ले़चोगुल्ले़ खे़ङ्हाॽ फाःन्दाहाॽ नु आनाप्नाप्पाहाॽरे़ खुन्छिॽ हुक्को थासुसिआङ् खे़ङ्हाॽरे़ मे़नाप्तुसिर याःन्दुसि॥ खुने़ॽ खे़ङ्हाॽरे़ खुन्छिॽ कब्रिङ् पिसाङ्बा निङ्मिहाॽओ सङ्घुदेसुसि, खे़ब्याङ् निङ्मिहाॽरे़ खुन्छिॽ तगि खे़ङ्हाॽरे़ थःप्मा मे़न्छुक्तुन्॥
खे़ल्ले़ कुनिङ्मिहाॽ खुने़ॽ कुन्दाङ्बा मे़बोःक्खे़आङ् मे़वाॽरो, खे़ल्ले़ कुअत् कुबाङ्हाॽ मे़नाःम्सिङ्ङाङ् मे़वाॽरो॥ खे़ल्ले़ यरिक् कुलायोहाॽरे़ चोगुल्ले़ यहवे दाङ्बे़ल्ले़ खे़न् तुक्खेओ थासुबारो, खे़ल्ले़ अङे़ःक्वा कुस्साहाॽ निङ्मिहाॽरे़ खुन्छिॽ तगि पुङ्लाहिम्मो मे़दे़म्सु मे़देॽरुसिआङ् मे़वाॽरो॥
“आल्ल आदाङ्बारे़ के़मना इस्राइलिहाॽरे़ आदाङ्बारे़ के़दक्ले़ङ्वाओ लायो मे़जोगुआङ् खे़ङ्हाॽ खुन्छिॽ निङ्मिहाॽलाम् हारिमे़द्ये़आङ् मे़वाॽ, हे़क्क्याङ् खे़ङ्हाॽरे़ आदाङ्बारे़ के़मिङ्ङिन् मे़बाःत्तुर कन् माङ्हिम्मो तुवा नु चुङ्जिगे़न् नःम्नःम् पेलि फाक्कि आदाङ्बा ले़प्माङ् मे़नुःङ्ने़भग्र,
यहोआहाजरे़ कुलागि ङाबोङ् अन्गे़युक्पाहाॽ, थिबोङ् अन्लाधाहाॽ नु थिबोङ् हे़न्छिङ् खाम्बाङ्ङो लाङ्गे़घेःक्पा थक्सुबाहाॽरक् मे़दाङे़ मे़याःक्ते़ वेॽ आत्तिन् थक्सुबाहाॽआङ् मे़न्दाङे़न्, थेआङ्भे़ल्ले़ अरामबा हाङ्ङिल्ले़ वेॽ के़रे़क् मे़क्खुसिआङ् चाधाम्मादे़न्नोबा खाम्हिःक् कुइसिक् चोगुसिआङ् वये़॥
निङ्मि कुइसिक् खुने़ॽ लिओ पे़रे़ःन्जोःन् फत्छुआङ् पत्लो, आअत्अप्पा कुइसिक् खुने़ॽ तक्पे़त् ये़म्सिङ्ङाङ् ये़प्लो॥ मिक्के़ल्ले़ निसुल्ले़ के़वाॽबा सिराॽगे़धाङ्बा पाःन्हाॽ खुने़ॽ निङ्मि हे़क्के के़रे़क् वरे़ङ्ले़ङ् मे़क्खुरो॥ सियोनरे़ कुस्सा मे़न्छुमाःल्ले़ कुसाःङ्गाहिम्मो खुने़ॽ कुसाक्के़न्निन् मि हे़क्के थासुआङ् वाॽरो॥
Piblisite