ले़बि 26:16 - लिम्बु16 आङ्गाॽ खिनिॽ लुम्मो किमा यङ्मा पोङ्ल चोगुङ्ॽ, खम्भ्याङ् थक्किन् के़मे़ङ्बार के़देॽबा, मिक्किन् मार के़जोःक्पा नु सक्मा मे़न्याक्मनाबा के़जोःक्पार के़देॽबा साॽरिक् किप्मा के़घुबा तुक्माहाॽ पाङ्घुङ् तासुङ्ॽ॥ खिनिॽ के़लेःत्तुम्बा याॽरिःम्बाहाॽ थेनाधेबा पोङ्ॽ, थेआङ्भे़ल्ले़ खिनिॽ निङ्मिहाॽरे़ कुजा के़दुम्बान् मे़जमे़देसु के़म्बिरिॽ॥ Gade chapit la |
ले़बि 26:16
35 Referans Kwoze
खे़ङ्हाॽरे़ खिनिॽ पोगुगे़न् कुजा नु चामा कुजाहाॽ मे़जमे़देसुरो खिनिॽ मे़न्छुमा ये़म्बित्छासाहाॽ मे़ज मे़देसुसिरो॥ खिनिॽ मे़ल्लुक् मे़ःन्दा नु पित्थक्साहाॽ मे़ज मे़देसुसिरो हे़क्क्याङ् खिनिॽ चे़ल्ले़क्सेॽइन् नु पःत्छेॽबुङ्माहाॽ मे़जमे़देसुरो॥ आधेःक्ल फाॽआङ् निङ्वाॽ के़इःत्तुम्बा लुङ्धाक्किल्ले़ मे़भाङुबा ये़क्यक्हाॽ मे़लुःन्दुरो॥”
हे़क्क्याङ् खे़ङ्हाॽरे़ खिनिॽ पित्थक्साहाॽओबा कुम्बाबा कुम्मामा पित्सात्हाॽ नु मे़ल्लुक् मे़ःन्दाहाॽओबा मे़ल्लुक् मे़ःन्दसाःत्हाॽ हे़क्क्याङ् खिनिॽ लाजेॽओबा कुजाहाॽ खिनिॽ के़मे़गिर यारिक् मे़जमे़देसुॽ॥ खिनिॽ खाप्पुथ्यःङ् के़बोःक्खिर यारिक् कुजा, कुबोक् चे़ल्ले़क्सेॽ सेजःङ्वा, चैतुन निःङ्गेॽ, पित्थक्साहाॽओबा कुम्बाबा कुम्मामा पित्सात्हाॽ इग्र मे़ल्लुक् मे़ःन्दाहाॽओबा कुम्बाबा कुम्मामा मे़ल्लुक् मे़ःन्दसाःत्हाॽओ कुभा थेआङ् मे़ल्ले़रुन्ॽ॥
यरुसले़ःम्मिल्ले़ कुदक्ले़ङ्वाओ थङ् के़जोःक्पा के़रे़क् मे़न्छाम् सुवाङ्हाॽ यहवे दाङ्बे़ल्ले़ अक्तङ्बा लत्छा माङ्दुक्मे़ल्ले़ तरुसिर याःन्दुसिॽ—खे़ङ्हाॽ लाङ्ङिल्ले़ मे़दक्सिङ्ङाङ् मे़ये़प्पा ते़न्नोए खुन्छिॽ ने़क्सान् हर्गिॽ किबेक्, खे़ङ्हाॽरे़ खुन्छिॽ मिक्किन् खुन्छिॽ मिक्हङ्ङोए हर्गिॽ किबेक्, हे़क्क्याङ् खे़ङ्हाॽरे़ खुन्छिॽ ले़सोःत्ते़न् खुन्छिॽ मुराओए किबेःक्लो॥
खिनिॽ लेःप्माग यरिक् के़लेःत्तुम्माङ् ने़रो, कर चबे़ःत्छिक्लक् के़सुप्सुम्माङ् युङ्ॽ॥ खिनिॽ चामाग के़जाम्, कर आभे़ल्ले़आङ् के़ङ्घासिन्ॽ॥ खिनिॽ थुङ्माग के़धुङुम्ॽ, कर आभे़ल्ले़आङ् खिनिॽ वामिःक्मा मे़जिप्तुन्ॽ॥ खिनिॽ चाङ्ग के़जाक्खुम्ॽ, कर के़ङ्गोसिन्ॽ॥ खिनिॽ याःम्बक् के़जोगुम्माङ् निम्याक् के़धगुम्ॽ, कर के़हङ्बा सुक्वाहाॽओ के़याक्तुम्ॽ॥”
थेआङ्भे़ल्ले़ यहवे दाङ्बे़ल्ले़ अक्खे पाःत्तुॽ, ‘आङ्गाॽ खे़ने़ॽ के़लागि नु के़न्जुम्हाॽरे़ खुन्छिॽ लागि किप्मागे़घुबा मना चोःक्ने़ हे़क्क्याङ् खे़ने़ॽ के़मिक्किल्ले़ कुदगि खे़ङ्हाॽ खुन्छिॽ निङ्मिहाॽरे़ ताभेःल्ले़ मे़ज्ये़प्तु मे़स्ये़रुसिॽ॥ यहुदाबा के़रे़क् यक्युङ्बाहाॽ आङ्गाॽ बेबिलोनबा हाङ्ङिल्ले़ कुहुक्को हुक्सुप्तुङ्सिङ्ॽ, खे़ल्ले़ यरिक्तङ्बा ते़म्सुसिआङ् बेबिलोनओ तेॽरुसि खे़ब्याङ् वेॽहाॽ ताभेःल्ले़ से़रुसिॽ॥
आङ्गाॽ आमनाहाॽरे़ सि मे़हेॽरुरो, कर खे़ङ्हाॽरे़ कुदिङ् के़बप्पा याःन्हाॽ मे़सुप्सुरो॥ खे़ङ्हाॽरे़ स्याङ्मे़न्दाङ् याःम्बक् मे़जोगुरो कर खुन्छिॽ हुक्को थेआङ् मे़ध्ये़ने़न्लो॥ आङ्गाॽ साॽरिक् किप्मा के़घुबा आसिक्किल्ले़ हे़क्के पोःक्खे़बारो खे़ङ्हाॽरे़ खुन्छिॽ पोगुगे़न् कुजा मे़धोःक्ते़म्बाल्ले़ खे़ङ्हाॽ सिरिङ्ममो मे़ध्ये़रो॥”
मे़दे़म्सु मे़देॽरुसिबाहाॽनु सोसोरिक् सॽसिङ्मा हे़क्क्याङ् मे़से़रुसिबाहाॽरे़ खुनिॽ लुम्मो तोःक्माआङ् चोःम्मानुःल्ले़ वेॽ नुबा थेआङ् होप्लो॥ हे़क्केसाङ् यहवे दाङ्बे़ल्ले़ कुसिक्के़न् मे़जिःक्तुन्लो खे़ब्याङ् खुम्दिङ् पिमासिरे़ लागि खुने़ॽ कुहुक्किन् आल्लसाङ् फोःक्खुआङ्ङे पत्लो॥
हे़क्क्याङ् खुने़ॽ पाःत्तु, “यहवे दाङ्बा खिनिॽ आबाङे निङ्वाॽफुमाङ्ङिल्ले़ कुबाःन्निन् ये़क्ये़क्काङ् के़घे़प्सुम्, खुने़ॽ कुनिमो आत्तिन् पाःन्निन् कुदोःप्मा चोक् खे़न् के़जोगुम्, हे़क्क्याङ् खुने़ॽ कुइङ्जाङ्हाॽ निङ्वाॽ के़बिरुम्, खे़ब्याङ् खुने़ॽ कुधिम्हाॽ इःप्मा नाःप्मा के़दे़न्दिने़भग्र, आङ्गाॽ मिस्रिहाॽरे़ खुनिॽ सम्धाङ् तारुङ्बा तुक्मा लाःक्माहाॽ खिनिॽ सम्धाङ् लत्छाआङ् मे़दाःत्तान्, थेआङ्भे़ल्ले़ खिनिॽ के़वेःम्बा आङ्गाॽ यहवे दाङ्बाआरो॥”
“खे़न्हाॽरे़ खुन्छिॽ सम्धाङ् लिसि परिक्ले़न् मे़क्मासिमा तारुङ्ॽ फाॽआङ् आङ्गाॽ यहवे दाङ्बे़ल्ले़ पाःत्तुङ्ॽ॥ खे़ङ्हाॽ थङ्ङो मे़से़रुसिॽ, खे़ङ्हाॽरे़ खुन्छिॽ के़सिबा थक्हाॽ ख्याबाहाॽरे़ मे़जसिॽ हे़क्क्याङ् पुहाॽरे़ मे़अगु मे़जसिॽ खे़ब्याङ् के़नम्बा के़याःक्पाहाॽ ताम्भुङ् थक्साहाॽरे़ मे़हाॽरु मे़जसिॽ हे़क्क्याङ् मे़मे़क्खुसिॽ॥
खिनिॽ थे़गेक्पाहाॽ के़सुःप्तुम् के़भत्छुम्ॽ, हे़क्क्याङ् खिनिॽ लाङ्सुःप्हाॽ के़म्भे़न्दुम्मिन्ॽ॥ खिनिॽ मे़रिङ् के़न्धक्तिन् इग्र के़न्हाबिन्ॽ, कर खिनिॽ लायोहाॽरे़ चोगुल्ले़ खिनिॽ मुदोखाम्दो के़बोःक्खिॽ॥ खिनिॽ के़रे़क् फे़न्याःम्बक् के़जोगुम्माङ् के़वयिबाल्ले़ कुले़क्वा खिनिॽ स्वाःत्ताङ् मे़रिङ् के़धक्तिॽ॥
थेआङ् मे़ङ्गप्मनाबा याङ्गे़साॽबाहाॽ के़दोॽरुम्सिम्लो, हे़क्क्याङ् साक्के़ल्ले़क् चा के़म्बिरिर के़याःन्दुम्सिम्लो॥ कल्ले़चोगुल्ले़ खिनिॽ खोःम्मना लक्मनाबा लुङ् हिम्हाॽ के़जोगुम्साङ् खिनिॽ खे़ङ्हाॽओ युङ्मा के़ङ्घोसुम्मिन्लो, खिनिॽ चिनॽनॽ के़लॽबा चे़ल्ले़क्सेॽ इक्ताप्हाॽ के़लेःत्तुम्साङ् खिनिॽ खे़न् चे़ल्ले़क्सेॽ थि थुङ्मा के़ङ्घोसुम्मिन्लो॥
Piblisite