निङ्वाॽफु माङ्हिम्मिन् नु नावाइत्लान् आक्खेलॽरिक् तङ्मा सुक्पे? थेआङ्भे़ल्ले़ आनिॽग आजुनि निङ्वाॽफुमाङ्ङिल्ले़ कुमाङ्हिम्सिरो॥ निङ्वाॽफुमाङ्ङिल्ले़ साम्योसाप्लाओ अक्खेलॽरिक् पाःत्तुआङ् पत्, “इङ्गाॽग खे़ङ्हाॽरे़ खुनिॽ लुम्मो वाॽआआङ् लाङ्घेःक्कारो॥ हे़क्क्याङ् इङ्गाॽ खुनिॽ निङ्वाॽफुमाङ् पोङ्ङा, हे़क्क्याङ् खे़ङ्हाॽ आमना मे़बोङ्लो॥”
ले़बि 26:12 - लिम्बु12 आङ्गाॽ खिनिॽ लुम्मो लाङ्घेःक्कार वाॽआ, हे़क्क्याङ् खिनिॽ निङ्वाॽफुमाङ् पोङ्ङा, खे़ब्याङ् खिनिॽग आङ्गाॽ आमना के़बोःक्खिॽ॥ Gade chapit la |
ले़बि 26:12
33 Referans Kwoze
थेआङ्भे़ल्ले़ यहवे दाङ्बा खिनिॽ निङ्वाॽफुमाङ्ङिन् खिनिॽ ताङ्से़ःप्मारे़ लागि नु निङ्मिहाॽ हुक्को थामासिरे़ लागि खिनिॽ साःङ्गाहिम्हाॽओ नाना कत्ना लाङ्घेःक्काङ् वाॽ॥ खिनिॽ लुम्मो आत्तिन् परिक्ले़न्नाङ् चिःन्जिःन् के़घुबा पाःन्हाॽ यहवे दाङ्बे़ल्ले़ कुदगि निमे़धाःप्ने़न्ल फाॽआङ् खिनिॽ थक्सुबा साःङ्गाहिम्मिन् सेसे पोङ्मा पोङ्ॽ, मेःन्ने़भग्र खुने़ॽ खिनिॽलाम् नुःङ्बेःक्लो॥
खे़ल्ले़ याःन्दिक् कुलक् थिक्हाॽ मिओ याक्तुङ्सिङ्लो, युप्पा साङ्मनाबा कुइसिक् खे़ङ्हाॽ योःन्दुङ्सिङ्लो, साम्म्याङ् योःम्मनाबा कुइसिक् साॽरुङ्सिङ्लो॥ खे़ङ्हाॽरे़ आङ्गाॽ आमिङ्ङो पेलि मे़भाक्कारो, खे़ब्याङ् आङ्गाॽ खे़ङ्हाॽ नुगप् पिरुङ्सिङ्लो॥ ‘खे़ङ्हाॽ आङ्गाॽ आमनासि’ फाॽआङ् मे़त्तुङ्सिङ्लो, हे़क्क्याङ् खे़ङ्हाॽरे़ अक्खे मे़बाःत्तुरो, ‘यहवे दाङ्बे़न् आनिगे निङ्वाॽफुमाङ्लो॥’”
खे़ङ्हाॽरे़ ये़त्तुक्खे मे़दुमुबा फे़न्जेॽ योःम्मादे़न् हे़क्तङ्बा मिस्र लाजेॽलाम्बा आङ्गाॽ खे़ङ्हाॽ लःत्तुङ् थाक्तुङ्सिङ्ङिल्ले़ कन् माङ्हुप्पिन् आङ्गाॽ खे़ङ्हाॽरे़ खुन्छिॽ पाधे़बाहाॽनु खे़न् ये़म्मो चोगुङ्ङाङ् वयाङ्॥ आङ्गाॽ आइङ्जाङ्ङिन् खे़ङ्हाॽ इःत्ते़म्मे़ नाःत्ते़म्मे़ॽ हे़क्क्याङ् खे़न् हे़क्के के़रे़क् याःम्बक्हाॽ चोगे़म्मे़ॽ मे़त्तुङ्सिङ्ङाङ् वयाङ्॥’ आङ्गाॽ खिनिॽ मे़त्निङ्, ‘आङ्गाॽ आइङ्जाङ्ङिन् के़इःत्तुम् के़नाःत्तुम्ने़भग्र खिनिॽ आमना के़बोःक्खिॽ खे़ब्याङ् आङ्गाॽ खिनिॽ निङ्वाॽफुमाङ् पोङ्ङा॥
“इस्राइलबा आमनाहाॽनु चोःक्मा इःत्तुङ्बा कुसङ् माङ्हुप्पिन् अक्तङ्बा पोङ्लो” यहवे दाङ्बे़ल्ले़ पाःत्तुरो “खे़ङ्हाॽरे़ खुन्छिॽ निङ्वाॽओ आसाम्योथिम् इङ्जाङ्ङिन् युक्खुङ् पिरुङ्सिङ्लो हे़क्क्याङ् खुन्छिॽ सिक्लुङ्मो साप्तुङ् पिरुङ्सिङ्लो॥ खे़ङ्हाॽरे़ खुन्छिॽ निङ्वाॽफुमाङ् पोङ्ङारो खे़ब्याङ् खे़ङ्हाॽ आमना मे़बोङ्लो॥
खे़ङ्हाॽ तङ्नाम्हाॽओबा ये़म्मो यरुसले़मबा माराम्हाॽ सिदुङ्जभा तोःम्मा सुत्थो मे़ल्लुक् मे़ःन्दा लुप्हाॽरे़ मे़धिम्सुबा कुइसिक् निःत्मे़न्दे़त् आत्तातान्ने यरिक् मे़बोङ्ॽ॥ खाप्पुथ्यःङ् के़बोङ्बा ये़क्यक्हाॽ याम्मो थिक्ले़ङ् मनाहाॽरे़ सधे़क् मे़धिम्सुॽ, खे़ब्याङ् आङ्गाॽए यहवे दाङ्बाआ फाॽआङ् के़रे़क्ले़ निङ्वाॽ मे़घोसुरो॥”
Piblisite