खे़ङ्हाॽ साॽरिक् तुक्खे मे़जा हे़क्क्याङ् साक्के़ल्ले़ तरुसिआङ् लाजेॽओ ताक्मे़गन्नाङ् मे़वाॽ॥ खे़ङ्हाॽ साॽरिक् साक्के़ल्ले़ तरुसिॽ खे़म्ब्याङ् खुन्छिॽ मिराङ्बा पिःङ्ङाङ् मे़वाॽइल्ले़ खुन्छिॽ याःक्ले़ॽ, खे़ब्याङ् थाःङ् ओमे़मआङ् खुन्छिॽ हाङ्ङिन् नु निङ्वाॽफुमाङ्ङिन् माङ् मे़देसुसि साङ्ग्रा मे़मे़त्तुसिॽ॥
ले़बि 24:11 - लिम्बु11 खे़न् इस्राइलि मे़न्छुमाःल्ले़ कुस्साःल्ले़ सेसे मिङ्ङिन् साङ्ग्रा मे़त्तुर चे़ॽया इङ्दो मे़प्मा हेःक्तु, हे़क्क्याङ् मनाहाॽरे़ खे़न् मोसाओ मे़दारु॥ खे़ल्ले़ कुम्मारे़ कुमिङ् सलोमित वये़॥ खे़न् दान थाःक्कोबा दिब्रिरे़ कुस्सा मे़न्छुमा वये़॥ Gade chapit la |
ले़बि 24:11
33 Referans Kwoze
खे़ङ्हाॽरे़ चक्मे़ल्लॽए मनाहाॽरे़ खुन्छिॽ लागि खासे़न्लोःम्बा याःम्बक् मे़जोगुर॥ खे़ङ्हाॽरे़ के़रे़क् के़साक्पा तुःन्देॽ पाःन्हाॽ खे़ने़ॽओ ताःप्मा मे़सुक्तुॽ, कर चुक्पा ताङ्बा पाःन्हाॽ खे़ङ्हाॽरे़ आबाङे तङ्मा मे़सुक्तुॽ॥ हे़क्के के़जोगुल्ले़ खे़ने़ॽ के़लागि याःम्बक् चोःक्मा उसुरु पोङ्ॽ थेआङ्भे़ल्ले़ खे़ङ्हाॽरे़आङ् खे़ने़ॽ याःम्बक् चोःक्मा के़म्भाॽ॥
निङ्वाॽफुमाङ्ङिल्ले़ मोसान् कन्नाङ् मे़त्तु, “इस्राइलिहाॽ मे़त्ते़से़ॽ, ‘खिनिॽ पा थे़बा अब्राहाम, इसहाक नु याकुबरे़ कुनिङ्वाॽफुमाङ् यहवे दाङ्बे़ल्ले़ आङ्गाॽ खिनिॽओ पाङ्घाङ्बारो॥’ “सदादिङ्ले़ लागि आङ्गाॽ आमिङ्ङिन् ‘आङ्गाॽएआ’ रो, हे़क्क्याङ् के़रे़क् थाःक्कोबा मनाहाॽरे़ आम्भा कन् आमिङ्ङिन् निङ्वाॽ मे़इःत्तुॽ॥
हे़क्क्याङ् मे़न्छाम् याप्मि सम्दाङ् ताङ्साक्पोलाम् यम्बयम्बा फःन् थ्ये़रो॥ खे़न् फःन्निङ्ग लिबोङ् (४०) लिबोङ् किलो थारिक् के़लिःप्पा चोगे़रो॥ हे़क्क्याङ् खे़न् मे़न्छाम् याप्मिहाॽरे़ग कन् फःन्निल्ले़न् मिन्देॽइल्ले़ चोगुल्ले़ निङ्वाॽफुमाङ्ङिन् साङ्ग्रा मे़मे़त्तुरो, थेआङ्भे़ल्ले़ खे़न् मिन्देॽइङ्ग साॽरिक् किप्मा के़घुबा चोगे़रो॥
इङ्गाॽ पेये़म्मोग निङ्वाॽफुमाङ्ङिल्ले़ कुदक्ले़ङ्वाओ माङ् चे़ॽयापान् पाराङ्, कुमनाहाॽ तुक्खे चाःत्तुङ्सिङ् हे़क्क्याङ् कुजाःत्थि तेसुङ्॥ हे़क्केसाङ् खुने़ॽ लुङ्माॽ तुक्ताङ्लो, थेआङ्भे़ल्ले़ इङ्गाॽ खुने़ॽ नसान् मे़न्जोःक्के वयाङ्बाल्ले़ चोगुल्ले़ थे चोगुङ्ल पत्छाङ् थेआङ् मे़न्निबान्लो॥
हे़क्क्याङ् मानिङ्वाॽफुसाम्बाल्ले़ कुसाक्के़न् ओसेःन्धाक्तुसिर आबाङे कुदेःत्तिन् थे़ःक्खुआङ् अक्खे पाःत्तु, “कल्ले़ग निङ्वाॽफुमाङ्ङिल्ले़ कुदक्ले़ङ्वाओ माङ् चे़ॽयापान् पाःत्तुरो! आल्ल आनिॽ वेॽ तोःन्दिहाॽ थेआङ् चाहाबा आजोगे़बे? कल्ले़ग निङ्वाॽफुमाङ्ङिल्ले़ कुदक्ले़ङ्वाओ माङ् चे़ॽयापान् पाःत्तुबान् खिनिॽ के़घे़प्सुम्लो॥
साभःङ्जा मे़जबा ये़न्निल्ले़ कुदाःन्दिक् तानाम्सा अयुबे़न् पोगे़आङ् आबाङे के़रे़क् कुस्साहाॽरे़ खुनिॽ मिङ्ङो मिधिङ्मनाबा सिदुङ्जभा तोःन्दुर यागे़॥ खुने़ॽ हे़क्केलॽरिक् आबाङे कुस्साहाॽ सेसेसुत्थो चोगुसिर वये़॥ कुस्साहाॽरे़ मे़न्नि मे़न्धाए निङ्वाॽफुमाङ्ङिल्ले़ कुजाःत्थि मे़देसुआङ् लायो लासोत् मे़जोगुबि फाॽआङ् खुने़ॽ सेसेसुत्थो चोगुसिर वये़॥
खे़ब्याङ् खे़न् ने़प्फु कुसुम् मे़न्दम्मनाबा मनाहाॽ त्ये़सिआङ् खुने़ॽ कुदोःप्मा युङ्ने़सि, हे़क्क्याङ् निङ्वाॽफुमाङ्ङिन् नु हाङ्ङिन् खुने़ॽ माङ्देसुसिआङ् वाॽ फाॽआङ् मनाहाॽरे़ खुन्छिॽ तगि खे़न् नादुम्दुम्बा आप्तिक् कुःत्ते़सु॥ कल्ले़चोगुल्ले़ खे़ङ्हाॽरे़ नाबोते़न् ये़क्यक् लाःक्कात् मे़लःत्तुआङ् लुङ्ङिल्ले़ मे़ले़प्तु मे़से़रु॥
Piblisite