ले़बि 23:1
13 Referans Kwoze
यहवे दाङ्बे़ल्ले़ कुसिराॽ के़धाङ्बा कुनाम्गे़नुॽबा पोगुगे़न् कुजा सिदुङ्जभा कुइसिक् तोःन्दे़म्मे़ॽ॥ कन् सिदुङ्जभाहाॽओ मिधिङ्मनादेमनाबा सिदुङ्जभा, माङ्हुप् के़प्मा सिदुङ्जभा इग्र आबाङे निङ्वाॽरे़ तोःम्मनाबा सिदुङ्जभा, तङ्बेओबा तङ्नाम्हाॽओ तोःम्मा के़बोङ्बा सिदुङ्जभा तोःन्दे़म्मे़ॽ, हे़क्क्याङ् खिनिॽ पित्थक्सा इग्र मे़ल्लुक् मे़ःन्दाक्हाॽलाम् सिदुङ्जभाहाॽ तोःम्मा के़सुक्तुम्ॽ॥
इस्राइलबा हिम्सयङ्ङो तोमा निःन्धो के़बोङ्बा के़रे़क् साभःङ्जाहाॽओ के़रे़क् परिक्पा तङ्नाम्हाॽ लादुप्हाॽओ नु सबाथ तङ्नाम्हाॽओ मिधिङ्मनादेमनाबा वयागे़न् सिदुङ्जभाहाॽ, पोगुगे़न् कुजा सिदुङ्जभाहाॽ नु सेजःङ्वा सिदुङ्जभाहाॽ हिमा तङ्माग हाङ्ङिल्ले़ कुयाःम्बक्लो॥ इस्राइलबा हिम्सयङ्हाॽ सुत्थो चोःक्मासिरे़ लागि, यहवे दाङ्बे़न्नु तङ्जुम् पोङ्मारे़ लागि सुत्थो पोङ्मा वयागे़न् सिदुङ्जभाहाॽ, पोगुगे़न् कुजा सिदुङ्जभाहाॽ, मिधिङ्मनादेमनाबा वयागे़न् सिदुङ्जभाहाॽ नु तङ्जुम् वयागे़न् सिदुङ्जभाहाॽ खुने़ॽ तारुरो॥
आल्ल आङ्गाॽआङ् यहवे दाङ्बा आनिङ्वाॽफुमाङ्ङिल्ले़ कुमिङ्ङिल्ले़ लागि लत्छा माङ्हिम् चोःक्माआङ् तोःम्मा नु खुने़ॽ कुदगि कुनाम्गे़नुॽबा सुक्पा हाःम्मा, हे़क्क्याङ् तोःम्मनाबा खरे़ःङ्हाॽ चक्मे़ल्लॽए थे़ःक्पे़त् थे़ःक्पे़त् ने़माआङ् तोःम्मारे़ लागि, हे़क्क्याङ् तानाम्, युःन्छिक् थक्मा, सबाथ, लादुप्पो नु यहवे दाङ्बा आनिॽ निङ्वाॽफुमाङ्ङिल्ले़ निःन्धो चोगुबा तङ्नाम्हाॽओ मिधिङ्मनादेमनाबा वयागे़न् सिदुङ्जभा तोःम्मारे़ लागि खे़न् माङ्हिम्मिन् खुने़ॽ कुलागि तोःम्मा चोगुङ्ल पत्ता॥ इस्राइलरे़ कुलागि कन् लत्छा मे़न्नुप्मना सदादिङ्बा थिम्लो॥
मोसाःल्ले़ कुइङ्जाङ् कुइसिक् सबाथ, लादुप् नु तङ्बे थक्मा सुम्ले़ङ् सिदुङ्जभा तोमा के़बोङ्बा तङ्नाम्हाॽ, के़भङ्बा सिदाॽ मे़न्याक्केबा खरे़ःङ् चामा तङ्नाम्, ये़त्नाम्बा तङ्नाम् नु साःङ्गाहिम्मोबा तङ्नाम्मो थिक्याःन्धक् तोःम्मा के़बोङ्बा कुइसिक् मिधिङ्मनादेमनाबा वयागे़न् सिदुङ्जभाहाॽ खुने़ॽ तोःन्दु॥
“‘कुभा खे़माॽ पोःक्ने़भग्र, निङ्वाॽफुसाम्बाहाॽरे़ए खासे़न्लोःम्बा कुइसिक् याःम्बक् मे़जोगुर पोङ्ॽ, हे़क्क्याङ् आङ्गाॽ आधिम्हाॽ कुइसिक् तुःन्देॽहाॽ निःन्धो मे़जोगुर पोङ्ॽ॥ खे़ङ्हाॽरे़ आङ्गाॽ आसाम्यो थिम्हाॽ नु आङ्गाॽ आइङ्जाङ्हाॽ आङ्गाॽ निःन्धो चोगुङ्बा के़रे़क् तङ्नाम्हाॽरे़ लागि मे़इःत्तु मे़नाःत्तुर पोङ्ॽ हे़क्क्याङ् खे़ङ्हाॽरे़ आङ्गाॽ आसाबाथहाॽ सेसे मे़ने़त्तुर पोङ्ॽ॥
“‘तोमा के़बोङ्बा तङ्नाम्हाॽ नु तङ्नाम्हाॽओबा ये़न्हाॽओ पोगुगे़न् कुजा सिदुङ्जभान् लत्छा पित्सात् थिक्नु एपा थिक्, मे़ल्लुक् थिक्नु एपा थिक्, हे़क्क्याङ् थुःम्बा थिक्नु च्या लःप्मा निङ्वाॽ चोगुॽ खे़म्भ्यारिक्के लःत्तुर, खे़न्नु सोसोरिक् एपा थक्मा हिन् थिक् निःङ्गेॽ लःत्तुर पोङ्ॽ॥
Piblisite