ले़बि 22:6 - लिम्‍बु

⁶ खे़न् मनान् युःन्‍छिक् थारिक् आसुत्‍थो पोङ्‌ल पोङ्‌ॽ॥ खुने़ॽ वामे़ल्‍लुःम्‍सिङ्‌ङे थारिक् सुत्‍थोबा सिदुङ्‌जभाहाॽ मे़जने़न्‍ल॥

ले़बि 22:6 Referans Kwoze

हिब्रु 10:22

आनिॽ तोःन्‍दोम्‍बा सेसे सिक्‍लुङ्‌मान्‍नु हे़क्‍क्‍याङ् हाङ्‌हाङ्‌बा नसाःन्‍निन्‍नु निङ्‌वाॽफुमाङ्‌ङिल्‍ले़ कुबेसाङ् पेगिरो॥ थेआङ्‌भे़ल्‍ले़ आनिॽ सेसे चोःक्‍से़ ख्रिस्‍तरे़ कुमाक्‍खिॽइल्‍ले़ आनिॽ ताप्‍फे़ःम्‍बा खासिङ्‌ङिन् साक्‍खुआङ् वाॽ हे़क्‍क्‍याङ् आनिॽ नासिङ्‌गे़न् थक्‍किन् सेसेबा च्‍वाःत्तिल्‍ले़ वाहप्‍तुआङ् वाॽरो॥

ले़बि 15:5

आत्तिल्‍ले़ खे़ल्‍ले़ कुने़त्‍नान् सुसु, खे़न् के़सुबा मनाःल्‍ले़ कुजाङ्‌ङिन् वाहप्‍मा पोङ्‌ॽ, हे़क्‍क्‍याङ् आबाङेआङ् च्‍वाःत्तो वारुःम्‍सिङ्‌मा पोङ्‌ॽ, खे़ब्‍याङ् युःन्‍छिक् थारिक् आसुत्‍थो पोङ्‌मा पोङ्‌ॽ॥

१ कोरन्‍थि 6:11

खिनिॽआङ् कुभाग बा अक्‍तङ्‌बा के़वयि, कर वागे़म्‍हप्‍ति, सेसे के़बोःक्‍खि हे़क्‍क्‍याङ् दाङ्‌बा ये़सु ख्रिस्‍तरे़ कुमिङ्‌ङो आनिॽ निङ्‌वाॽफुमाङ्‌ङिल्‍ले़ कुसेसेमाङ्‌लाम्‍बा आप्‍तिक् मेःन्‍नेबा के़बोक्‍खिरो॥

हाग्‍गै 2:13

खे़ब्‍याङ् हाग्‍गैःल्‍ले़ खे़ङ्‌हाॽ सेःन्‍दोसुसि, “चे के़सुबाआङ् आसुत्‍थो के़बोङ्‌बा मनाःल्‍ले़ अक्‍तङ्‌बा कुभा कुजाहाॽ सुसुने़भग्र थे खे़न् आसुत्‍थो पोङ्‌बि?” खे़न् निङ्‌वाॽफुसाम्‍बाहाॽरे़ नुगप् मे़बिरुआङ् मे़मे़त्तु, “खे़ङ्‌ग आसुत्‍थो पोङ्‌लो॥”

ले़बि 22:5

इग्र के़उःङ्‌सिङ्‌बा मुन्‍जिङ् वयाक् के़लॽबा थक्‍सान् इग्र आसुत्‍थो मना इग्र आसुत्‍थो पान् थेःल्‍ले़साङ् खुने़ॽ आसुत्‍थो चोगुॽ॥

ले़बि 22:7

नाम्‍धाआङ्‌लक् खुने़ॽ सुत्‍थो पोङ्‌ॽ॥ खे़न् एगाङ् खुने़ॽ सुत्‍थो सिदुङ्‌जभाहाॽ चामा सुक्‍तुॽ, थेआङ्‌भे़ल्‍ले़ खे़ङ्‌ग खुने़ॽ कुजामारो॥

खानिःत् 19:22

आसुत्‍थो मनाःल्‍ले़ सुसुबा थे़माःन्‍छाङ् आसुत्‍थो पोङ्‌ॽ, हे़क्‍क्‍याङ् खे़न् सुसुबा पाःन्‍हाॽ के़सुबे़न्‍नाङ् युःन्‍छिक् थारिक् आसुत्‍थो पोङ्‌लो॥”

ले़बि 11:27

खुन्‍छिॽ लाङ् तोॽभेःत्तिल्‍ले़ के़दक्‍सिङ्‌बाआङ् लिसि लाङ्‌ङिल्‍ले़ लाङ्‌गे़घेःक्‍पा के़रे़क् थक्‍साहाॽ खिनिॽ लागि आसुत्‍थो मे़जोक्॥ खे़न् कुसिवे़त् थक्‍सा के़सुबाहाॽ के़रे़क् युःन्‍छिक् थारिक् आसुत्‍थो मे़बोङ्‌ॽ॥

ले़बि 11:28

खे़न् कुसिवे़त्‍हाॽ के़बङ्‌बे़ल्‍ले़ कुजाङ्‌ङिन् वाहप्‍तुर पोङ्‌ॽ, हे़क्‍क्‍याङ् खे़न् युःन्‍छिक् थारिक् आसुत्‍थो पोङ्‌ॽ॥ खे़ङ्‌हाॽ खिनिॽ लागि आसुत्‍थो मे़जोक्॥

ले़बि 11:31

मुन्‍जिङ् वयाक् के़लॽबाहाॽओ आसुत्‍थो कन्‍हाॽरो॥ कल्‍ले़ कुसिवे़त्‍हाॽ हाःत्‍ले़ सुसुसि, खे़न् युःन्‍छिक् थारिक् आसुत्‍थो पोङ्‌ॽ॥

ले़बि 11:32

कन्‍हाॽओबा कुसिवे़त् थिक् कुभा आत्तिन् सामाओसाङ् लाःत्‍ने़भग्र, खे़न् पाःन्‍निन् आसुत्‍थो पोङ्‌ॽ॥ खे़न् सिङ्‌ले़ चिगक्‌वा, इग्र चाङ्, सिहोॽबा, सागिसाङ् आसुत्‍थो पोङ्‌ॽ॥ खे़न् च्‍वाःत्तो हुम्‍मा पोङ्‌ॽ, हे़क्‍क्‍याङ् खे़न् युःन्‍छिक् थारिक् आसुत्‍थो पोङ्‌ॽ, खे़न् एगाङ्‌लक् खे़न् सुत्‍थो पोङ्‌ॽ॥

ले़बि 11:39

“‘खिनिॽ साजामा कुभा थक्‍सान् स्‍ये़ने़भग्र खे़न् कुसिवे़त् थक्‍सा के़सुबे़न् युःन्‍छिक् थारिक् आसुत्‍थो पोङ्‌ॽ॥

ले़बि 11:40

कुसिवे़त् सा के़जाबा इग्र के़बङ्‌बे़ल्‍ले़ कुजाङ्‌ङिन् वाहप्‍मा पोङ्‌ॽ, हे़क्‍क्‍याङ् खे़न् युःन्‍छिक् थारिक् आसुत्‍थो पोङ्‌ॽ॥