ले़बि 22:10 - लिम्‍बु

¹⁰ “‘निङ्‌वाॽफुसाम्‍बे़ल्‍ले़ कुहिम्‍सयङ्‌नुःल्‍ले़ वेॽ आत्तिन् मनाःल्‍ले़आङ् सुत्‍थोबा सिदुङ्‌जभान् मे़जने़न्‍ल, खे़ब्‍याङ् निङ्‌वाॽफुसाम्‍बे़ल्‍ले़ कुदरे़बा इग्र कुयाःल्‍ले़क् से़वारोबाल्‍ले़आङ् सुत्‍थोबा सिदुङ्‌जभान् मे़जने़न्‍ल॥

ले़बि 22:10 Referans Kwoze

मत्ति 12:4

दाउद हाङ्‌ङिन् निङ्‌वाॽफु साःङ्‌गाहिम्‍मो लासे़आङ् खुने़ॽ नु कुन्‍जुम्‍हाॽरे़ निङ्‌वाॽफुमाङ्‌ङिन् तोःम्‍मनाबा सेसे खरे़ःङ्‌ङिन् मे़जरो॥ खे़ङ्‌ग साम्‌योथिम् कुइसिक् निङ्‌वाॽफुसाम्‍बाहाॽरे़रक् चामा के़नुॽबा वये़, कर वेॽहाॽरे़ चामा मे़न्‍नुॽमनाबा वये़रो॥

१ सामुए़ल 21:6

खे़प्‍मो वेॽ खरे़ःङ् होःप्‍ते़बाल्‍ले़ चोगुल्‍ले़ खे़न् निङ्‌वाॽफुसाम्‍बे़ल्‍ले़ दाउदे़न् निङ्‌वाॽफुमाङ्‌ङो तोःम्‍मनाबा खरे़ःङ्‌ङिन् पिरु, खे़न् सेसे खरे़ःङ्‌ङिन् चप्‍ते़न्‍नोलाम् मे़लःत्तुआङ् के़गोबा खरे़ःङ्‌ङिल्‍ले़ मे़ले़क्‍तुआङ् ने़स्‍से़॥

लाम्‍दिक् 29:33

खे़ङ्‌हाॽ युक्‍तिङ् नु सेसे चोःक्‍मासिरे़ लागि आत्तिन् आत्तिन् कुजाहाॽलाम् ले़प्‍मि मे़नाःक्‍तुआङ् मे़वये़, खे़न् कुजान् खे़ङ्‌हाॽरे़ मे़जर॥ कर कुभा वेॽ मनाहाॽरे़ खे़न् मे़न्‍जने़न्‍ल, थेआङ्‌भे़ल्‍ले़ खे़न् कुजाहाॽ सेसेबा चोक्॥

लाम्‍दिक् 12:45

नाम्‌याक् के़दाःक्‍पाआङ् याःम्‍बक् के़जोःक्‍पा नु कुभा ये़न्‍ले़ लागि याङ्‌गे़धोःक्‍पा मनाहाॽरे़ खे़न् मे़न्‍जने़ल्‍ल॥

ले़बि 22:13

कर कुभा निङ्‌वाॽफुसाम्‍बे़ल्‍ले़ कुस्‍सा मे़न्‍छुमान् कुये़म्‍बा के़सिमा मेमेदुमा इग्र मे़नाॽरुमा नु खे़ल्‍ले़ कुस्‍सा मे़न्‌वाॽए खुने़ॽ आप्‍फेक् कुम्‍बारे़ कुहिम्‍मो वाॽने़भग्र, खुने़ॽ हिन्‍जाॽ वये़बा हे़क्‍केए खे़ल्‍ले़ कुम्‍बा निङ्‌वाॽफुसाम्‍बा पोःक्‍खे़आङ् खोसुबा कुलक्‍कोलाम् चररो॥ चामा खोमा युक् के़गप्‍पाहाॽरे़रक् खे़न् मे़जर॥

खानिःत् 3:10

खे़ने़ॽ हारुने़न् नु कुस्‍साहाॽ निङ्‌वाॽफुसाम्‍बा ताक्‍फाओ युक्‍तिङ् चोगे़से़ॽ॥ खे़ङ्‌हाॽआङ्‌धो सेसेदे़न्‍निल्‍ले़ कुबेसाङ् के़दाबा कुभा वेॽ मनाहाॽ से़प्‍मासि पोङ्‌ॽ॥”

लाम्‍दिक् 12:43

यहवे दाङ्‌बे़ल्‍ले़ मोसान् नु हारुने़न् मे़त्तुसि, “काःक्‍माआङ् ले़प्‍मनाबा तङ्‌नाम् तोमा थिम्‍हाॽ हाबा कन्‍हाॽरो— “कुभा वेॽ लाजेॽबा मनाःल्‍ले़ काःक्‍माआङ् ले़प्‍मनाबा तङ्‌नाम्‍बा कुजान् मे़जने़न्‍ल,

ले़बि 21:22

खुने़ॽ कुनिङ्‌वाॽफुमाङ्‌ङिल्‍ले़ सेसेबा नु साॽरिक् सेसेबा कुजान् खे़ल्‍ले़ चामा सुक्‍तुॽ॥

१ सामुए़ल 21:7

आल्‍ल खे़ल्‍ले़ याःन्‍दिक् सावलरे़ कुसे़वारोबाधिक् यहवे दाङ्‌बाल्‍ले़ कुदगि खे़प्‍मो याःक्‍ते़आङ् वये़॥ खे़ल्‍ले़ कुमिङ् एदोमि दोएग वये़, हे़क्‍क्‍याङ् खे़न् सावलरे़ कुसे़वारोबाहाॽओ कुधे़गेक् वये़॥

ए़ज्रा 2:63

उरिम नु तुम्‍मिम्‍मे़न् याङ्‌मा के़सुक्‍पा निङ्‌वाॽफुसाम्‍बाधिक् मे़न्‍दाए थारिक् खे़ङ्‌हाॽरे़ निङ्‌वाॽफुमाङ्‌ङो तोःम्‍मनाबा कुजान् चामा मे़न्‍छुक्‍तुन् फाॽआङ् यहुदि तुम् सुहाङ्‌युक्‍पाल्‍ले़ खे़ङ्‌हाॽ मे़त्तुसिरो॥

इजकिएल 44:8

आङ्‌गाॽ आसेसे थिम्‍हाॽरे़ कुयाःम्‍बेओ चोःक्‍मा के़बोङ्‌बा याःम्‍बक्‍हाॽ खिनिॽ चोःक्‍मारे़ कुले़क्‌वा, आङ्‌गाॽ आसेसेदे़न्‍निन् ओमे़प्‍मारे़ लागि खिनिॽ वेॽहाॽ हुक्‍के़सुप्‍तुम्‍सिम्॥