ले़बि 21:8 - लिम्‍बु

⁸ निङ्‌वाॽफुसाम्‍बाहाॽ खिनिॽ सेसेबा लेःत्ताम्‍सिम्‍मे़ॽ, थेआङ्‌भे़ल्‍ले़ खे़ङ्‌हाॽरे़ खुन्‍छिॽ निङ्‌वाॽफुमाङ्‌ङिल्‍ले़ कुजान् तोःम्‍मा याःम्‍बक् मे़जोगुॽ, थेआङ्‌भे़ल्‍ले़ खिनिॽ सेसेबा के़जोःक्‍पा आङ्‌गाॽ, यहवे दाङ्‌बान्, सेसेबा चोःक्‍का॥

ले़बि 21:8 Referans Kwoze

ले़बि 19:2

“के़रे़क् इस्राइलि सङ्‌जुम्‍भोहाॽ अक्‍खे मे़त्ते़से़ॽ—‘खिनिॽ सेसे पोःक्‍खे़म्‍मे़ॽ, थेआङ्‌भे़ल्‍ले़ आङ्‌गाॽ, यहवे दाङ्‌बा खिनिॽ निङ्‌वाॽफुमाङ्‌ङिन्, सेसेबा चोःक्‍का॥

ले़बि 21:6

खुन्‍छिॽ निङ्‌वाॽफुमाङ्‌ङिल्‍ले़ कुलागि खे़ङ्‌हाॽ सेसे मे़युङ्‌ल, हे़क्‍क्‍याङ् खुन्‍छिॽ निङ्‌वाॽफुमाङ्‌ङिल्‍ले़ कुमिङ्‌ङिन् कुनामे़न्‍छाॽ पोङ्‌ल मे़न्‍जोगुन्‍ल, थेआङ्‌भे़ल्‍ले़ खे़ङ्‌हाॽरे़ यहवे दाङ्‌बे़ल्‍ले़ कुलागि मिओलाम्‍बा तोःम्‍मनाबा सिदुङ्‌जभा, इग्र निङ्‌वाॽफुमाङ्‌ङिल्‍ले़ कुजान् तोःम्‍मा याःम्‍बक् मे़जोगुॽ॥ कल्‍ले़चोगुल्‍ले़ खे़ङ्‌हाॽ सेसे मे़बोङ्‌ल॥

हिब्रु 7:26

खुने़ॽग आनिॽ चाहाबा के़जोःक्‍पा मानिङ्‌वाॽफुसाम्‍बारो, थेआङ्‌भे़ल्‍ले़ खुने़ॽग सेसे नु फोत्‍या मेःन्‍ने, लायोल्‍ले़ मे़दे़त्तुम्‍बा चोक्‍लो॥ खुने़ॽग लायोबाहाॽलाम् से़न्‍दे़आङ् वाॽ हे़क्‍क्‍याङ् साङ्‌ग्राम्‍पेदाङ्‌ङो काक्‍नुःल्‍ले़ यम्‍बा मिङ्‌सो इङ्‌धाङ्‌ले़ युक्‍नान् खोसुआङ् वाॽरो॥

युहुन्‍ना 17:19

खे़ङ्‌हाॽ से़क्‍खाए सेसेसाङ्‌साङ् मे़बोङ्‌ल फाॽआङ् इङ्‌गाॽ खे़ङ्‌हाॽरे़ खुनिॽ लागि सेसेसाङ्‌साङ् चोःक्‍सिङ्‌ङारो॥

हिब्रु 10:29

निङ्‌वाॽफुसान् कुनामे़न्‍छाॽ के़मे़प्‍पे़न्, आबाङे सेसे के़जोःक्‍पा माङ्‌हुप्‍पिल्‍ले़न् माक्‍खिॽइन् आसुत्‍थो के़जोक्‍पे़न् हे़क्‍क्‍याङ् लुङ्‌गुम् के़बिबा सेसेमाङ्‌ङिन् के़अप्‍पे़न् खे़न्‍नुःल्‍ले़आङ् के़साक्‍पा खुम्‍दिङ् खोमा लाॽरुरो॥

युहुन्‍ना 10:36

हे़क्‍केःल्‍ले़ पानुदिङ् पाःल्‍ले़ सेसे चोगुआङ् इक्‍सादिङ् खाम्‍बेःक्‍मो पाङ्‌घुबा मनाःल्‍ले़ इङ्‌गाॽ निङ्‌वाॽफुसाआ लॽरिक् पाःत्तुल्‍ले़ आक्‍खेलॽरिक् निङ्‌वाॽफुमाङ्‌ङिल्‍ले़ कुदक्‍ले़ङ्‌वाओ माङ् चे़ॽयापान् के़बाःत्तु फाॽआङ् याप्‍मि के़धिक्‍तिबाबे?

लाम्‍दिक् 29:1

“खे़ङ्‌हाॽरे़ निङ्‌वाॽफुसाम्‍बा ताक्‍फाओ आङ्‌गाॽ आलागि माङ्‌से़वा याःम्‍बक् मे़जोगुर फाॽआङ् खे़ङ्‌हाॽ सेसे चोःक्‍मासि खे़ङ्‌हाॽरे़ खुन्‍छिॽ लागि चोःक्‍मा के़बोङ्‌बा याःम्‍बक्‍किन् आम्‍भा कन्‍लो—लत्‍छा पित्‍सात् नु ने़त्‍छि वरिक्‍लिक्‍पा मे़ल्‍लुक्‍हाॽ तारे़से़ॽआङ् त्‍ये़ॽ,

लाम्‍दिक् 28:41

खे़न् चाङ्‌वाःन्‍हाॽ खे़ने़ॽ के़म्‍भुॽ नु कुस्‍साहाॽ चाक्‍ते़से़ॽ हे़क्‍क्‍याङ् खे़ङ्‌हाॽ माङ्‌थोःक्‍ना पिरे़से़ॽआङ् युक्‍तिङ् चोगे़से़ॽ॥ खे़ङ्‌हाॽ सेसे चोगे़से़ॽ, खम्‍भ्‍याङ् खे़ङ्‌हाॽरे़ निङ्‌वाॽफुसाम्‍बा ताक्‍फाओ आङ्‌गाॽ आलागि माङ्‌से़वा याःम्‍बक् मे़जोगुर॥

लाम्‍दिक् 19:14

खे़ब्‍याङ् मोसान् कोःक्‍माओनु यो थासिङ् ये़ हे़क्‍क्‍याङ् निङ्‌वाॽफुमाङ्‌ङिन् माङ्‌से़वा मे़प्‍मारे़ लागि मनाहाॽ यारिप् पोःक्‍खे़म्‍मे़ॽ फाॽआङ् इङ्‌जाङ् पिरुसि॥ खे़ङ्‌हाॽरे़ खुन्‍छिॽ चाङ्‌हाॽ वामे़हप्‍तु॥

लाम्‍दिक् 19:10

यहवे दाङ्‌बे़ल्‍ले़ मोसान् मे़त्तु, “आङ्‌गाॽ माङ्‌से़वा मे़प्‍मारे़ लागि आइन् नु ताःन्‍दिक् मनाहाॽ आबाङे सुत्‍थो मे़जोक्‍सिङ्‌लो फाॽआङ् खे़ङ्‌हाॽ मे़त्ते़से़ॽ॥ खे़ङ्‌हाॽरे़ खुन्‍छिॽ तेःप्‍फुङ्‌हाॽ आबाङे मे़हप्‍तुर,

ले़बि 3:11

निङ्‌वाॽफुसाम्‍बाल्‍ले़ खे़न् यहवे दाङ्‌बाओ मिओलाम् तोःम्‍मनाबा सिदुङ्‌जभान् ले़त्ति तोःम्‍मादे़न्‍नो कुजा सिदुङ्‌जभा कुइसिक् मिधिक्‍खुदेसुर॥

मलाकि 1:7

“मनाहाॽरे़ आङ्‌गाॽ आलागि ले़त्ति मे़दोन्‍दुबा ते़न्‍नो खे़निॽ आजिःन्‍जिःम्‍बा चामा थुङ्‌माहाॽ के़दोन्‍दुम्‌ॽ॥ “कर खे़निॽ अक्‍खेलॽरिक् आङ्‌गाॽ याप्‍मि से़ःन्‍गे़दोसि, ‘आनिगे आक्‍खेलॽरिक् चिःन्‍नासिगे़बे?’” कर आङ्‌गाॽ पाःत्तुङ्‌ॽ, “आङ्‌गाॽ कुनामे़न्‍छाॽ याप्‍मि के़मे़त्तिआङ् याप्‍मि के़जिःन्‍दि॥

ले़बि 22:16

निङ्‌वाॽफुसाम्‍बाहाॽरे़ सेसे सिदुङ्‌जभान् मनाहाॽ मे़म्‍बिरुन्‍छिन्‍ल, मेःन्‍ने़फग्र खे़न्‍हाॽरे़ आप्‍फेक् खुन्‍छि आप्‍तिक् नु खुम्‍दिङ् मे़दारुरो॥ सिदुङ्‌जभाहाॽ सेसे के़जोःक्‍पा आङ्‌गाॽ यहवे दाङ्‌बाआरो॥’”

खानिःत् 28:2

“खे़ने़ॽ इस्राइलिहाॽ अक्‍खे मे़त्ते़से़ॽआङ् इङ्‌जाङ् पिरे़से़ॽ—‘आङ्‌गाॽ आसिराॽ के़धाङ्‌बा कुनाम्‍गे़नुॽबा पोगुगे़न् कुजा सिदुङ्‌जभाहाॽ आङ्‌गाॽओ तोःम्‍मा के़बोङ्‌बा ये़म्‍मो खिनिॽ इःत्ते़म्‍मे़ॽआङ् निङ्‌वाॽ निःन्‍धो चोगे़म्‍मे़ॽ॥’

नहेम्‍याह 13:29

आनिङ्‌वाॽफुमाङ्‌ङे! निङ्‌वाॽफुसाम्‍बा मिङ्‌सो युक्‍ना के़जिःम्‍बाहाॽ हे़क्‍क्‍याङ् ले़बि नु निङ्‌वाॽफुसाम्‍बा माङ्‌हे़क् के़भेःम्‍बा मनाहाॽ निङ्‌वाॽ इःत्ते़से़ॽओ!