ले़बि 19:2 - लिम्‍बु

² “के़रे़क् इस्राइलि सङ्‌जुम्‍भोहाॽ अक्‍खे मे़त्ते़से़ॽ—‘खिनिॽ सेसे पोःक्‍खे़म्‍मे़ॽ, थेआङ्‌भे़ल्‍ले़ आङ्‌गाॽ, यहवे दाङ्‌बा खिनिॽ निङ्‌वाॽफुमाङ्‌ङिन्, सेसेबा चोःक्‍का॥

ले़बि 19:2 Referans Kwoze

ले़बि 20:7

“‘आबाङे तोःन्‍नासिम्‍मे़ॽआङ् सेसे पोःक्‍खे़म्‍मे़ॽ॥ थेआङ्‌भे़ल्‍ले़ आङ्‌गाॽ यहवे दाङ्‌बा खिनिॽ निङ्‌वाॽफुमाङ्‌आ॥

मत्ति 5:48

खे़ल्‍ले़चोगुल्‍ले़ खिनिॽ साङ्‌ग्राम्‍पेदाङ्‌ङोबा पानुदिङ् पा निङ्‌वाॽफुमाङ्‌ङिन् के़रे़क् पाःन्‍नो कुलिङ्‌दो के़गे़प्‍पा चोःक्‍पा कुइसिक् खिनिॽआङ् हे़क्‍तङ्‌बा पोङ्‌माए पोङ्‌लो॥”

ले़बि 20:26

खिनिॽ आङ्‌गाॽ आलागि सेसेबा पोःक्‍खे़म्‍मे़ॽ, थेआङ्‌भे़ल्‍ले़ आङ्‌गाॽ, यहवे दाङ्‌बान्, सेसेबा चोःक्‍का, हे़क्‍क्‍याङ् खिनिॽ आङ्‌गाॽ आमना पोङ्‌मारे़ लागि आङ्‌गाॽ खिनिॽ वेॽ मे़न्‍छाम् सुवाङ्‌हाॽलाम् लाःत्‍लाःत् एःक् से़न्‍निङ्‌बारो॥

लाम्‍दिक् 19:6

खिनिॽ आङ्‌गाॽ आलागि निङ्‌वाॽफुसाम्‍बा हाङ्‌जुम् नु सेसे सुवाङ् के़बोःक्‍खिॽ॥’ इस्राइलिहाॽ खे़ने़ॽ मे़प्‍मासि के़बोङ्‌बा पाःन्‍निन् हाबा कन्‍लो॥”

ले़बि 21:8

निङ्‌वाॽफुसाम्‍बाहाॽ खिनिॽ सेसेबा लेःत्ताम्‍सिम्‍मे़ॽ, थेआङ्‌भे़ल्‍ले़ खे़ङ्‌हाॽरे़ खुन्‍छिॽ निङ्‌वाॽफुमाङ्‌ङिल्‍ले़ कुजान् तोःम्‍मा याःम्‍बक् मे़जोगुॽ, थेआङ्‌भे़ल्‍ले़ खिनिॽ सेसेबा के़जोःक्‍पा आङ्‌गाॽ, यहवे दाङ्‌बान्, सेसेबा चोःक्‍का॥

२ कोरन्‍थि 7:1

आमिःम् आन्‍जुम्‍से, आनिॽग कन् माङ्‌हे़क्‍हाॽ आघोसुम्‍माङ् आवाॽबाल्‍ले़ चोगुल्‍ले़ आनिॽ नासिङ्‌गे़न् थक् नु याम्‍साम् के़जिःम्‍बा पाःन्‍हाॽलाम् सेसे चोःक्‍कासिरो॥ हे़क्‍क्‍याङ् निङ्‌वाॽफुमाङ्‌ङिल्‍ले़ मिङ्‌सो इङ्‌धाङ् खोसुर फाॽआङ् आनिॽ सेसे पोःक्‍खिर पिगिरो॥

आमोस 3:3

थे ने़त्‍छि मनाहाॽ खुन्‍छिॽ लुम्‍मो पाःन्‍मे़न्‍दङ्‌ङे थे़म्‍बा खुन्‍छिॽ सोसोरिक् लाङ्‌घेःक्‍सिआङ्‌बि?

एफिसि 1:4

खुने़ॽ कुनिमाओ सेसे नु आप्‍तिक् मेःन्‍नेबा आबोङ्‌ल फाॽआङ् ख्रिस्‍ते़ल्‍ले़ चोगुल्‍ले़ इक्‍सा खाम्‍बेक् पोङ्‌मानुःल्‍ले़ तगिसा आसेगे़आङ् वये़॥ खुने़ॽ लुङ्‌माॽ आदुक्‍ते़बाल्‍ले़ चोगुल्‍ले़

लाम्‍दिक् 22:31

“खिनिॽ आङ्‌गाॽ आलागि सेसे मना पोङ्‌मा पोङ्‌ॽ॥ कल्‍ले़चोगुल्‍ले़ ताम्‍भुङ्‌ङोबा थक्‍साहाॽरे़ मे़भुयुसिबा थक्‍सा सान् खिनिॽ मे़जे़म्‍मिन्‍ने़ॽ॥ खे़न् सान् कोःत्‍चोहाॽ लाप्‍फुसे़म् पिरे़म्‍सिम्‍मे़ॽओ॥”

ले़बि 19:1

यहवे दाङ्‌बे़ल्‍ले़ मोसान् मे़त्तु,

यहोसु 24:19

यहोसुःल्‍ले़ मनाहाॽ मे़त्तुसि, “यहवे दाङ्‌बाओ खिनिॽ माङ्‌से़वा चोःक्‍मा के़न्‍छुक्‍तुम्‍मिन्॥ खुने़ॽ सेसे निङ्‌वाॽफुमाङ् नु कुनागे़हे़म्‍बा निङ्‌वाॽफुमाङ् चोःक्‍पाल्‍ले़ चोगुल्‍ले़ खिनिॽ फे़न्‌याःम्‍बक्‍हाॽ नु खिनिॽ लायोहाॽलाम् ले़प्‍मि के़म्‍बिरिन्‌ॽ॥

१ सामुए़ल 2:2

यहवे दाङ्‌बान् हे़क्‍तङ्‌बा सेसेबा हाःत्ताङ् होप्, खे़ने़ॽ कुसिङ्‌ताङ्‌बा वेॽ आत्तिन्‍नाङ्‌ होप्, आनिॽ निङ्‌वाॽफुमाङ्‌ङिन् हे़क्‍तङ्‌बा याक्‍पेॽ वेॽ एःन्‍नाङ् होप्॥

निङ्‌वाॽफु साम्‍लोसुम् 99:3

के़रे़क्‍ले़ पयम् यम्‍बा नु मिङ्‌सो इङ्‌धाङ् पिमा के़लाॽबा कुमिङ्‌ङिन् मिमिदिङ् मे़बिरुरो, थेआङ्‌भे़ल्‍ले़ खुने़ॽ सेसेबा चोक्‍लो॥

ले़बि 21:15

खे़ल्‍ले़चोगुल्‍ले़ खुने़ॽ आबाङे कुमनाहाॽरे़ खुन्‍छिॽ लुम्‍मो आबाङे कुस्‍सा कुएहाॽ आसुत्‍थो मे़जोगुसिन्‍ल॥ खुने़ॽ सेसे के़जोःक्‍पा आङ्‌गाॽए यहवे दाङ्‌बाआ॥’”

ले़बि 21:23

कर खे़प्‍मो के़गाःम्‍बा पप्‍पाल्‍ले़ चोगुल्‍ले़ खुने़ॽ फोःन्‍दा नु ले़त्ति तोःम्‍मादे़न्‍निल्‍ले़ निःत्ताङ् ताआङ् आङ्‌गाॽ आसेसेदे़न्‍निन् आसुत्‍थो मे़जोगुन्‍ल॥ खे़ङ्‌हाॽ सेसे के़जोःक्‍पा आङ्‌गाॽए यहवे दाङ्‌बाआ॥’”

साम्‌योथिम् इङ् 27:10

आङ्‌गाॽ आइन् इङ्‌जाङ् पिनिङ्‌बा कुइसिक् यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ कुइङ्‌जाङ् नु कुधिम्‍हाॽ इःप्‍मा नाःप्‍मा ते़न्‍दे़म्‍मे़ॽआङ् खुने़ॽ कुबाःन्‍जाक्‍किन् इःत्ते़म् नाःत्ते़म्‍मे़ॽओ॥”