ले़बि 19:19 - लिम्‍बु

¹⁹ “‘खिनिॽ आङ्‌गाॽ आसाम्‌यो थिम्‍हाॽ इःत्ते़म् नाःत्ते़म्‍मे़ॽ॥ “‘ने़त्‍छि वेॽ वेॽ परिक्‍पा थक्‍साहाॽ मे़लाम्‍सिङ्‌ल मे़याःन्‍दे़म्‍सिम्‍मिन्‍ने़ॽ॥ “‘खिनिॽ इक्‍ताप्‍पो ने़त्‍छि परिक्‍पा याॽरिःम्‍बाहाॽ मे़हेॽरे़म्‍मिन्‍ने़ॽ॥ “‘खिनिॽ ने़त्‍छि परिक्‍ले़न् खि के़बःम्‍बा चाङ् मे़जाक्‍खे़म्‍मिन्‍ने़ॽ॥

ले़बि 19:19 Referans Kwoze

२ सामुए़ल 13:29

हे़क्‍क्‍याङ् अब्‍सालोमरे़ कुमनाहाॽ मुरा मे़त्तुसिबा कुइसिक् अमनोने़न् मे़मे़त्तु॥ हे़क्‍केःल्‍ले़ के़रे़क् हाङ्‌साहाॽ हाराहारा खुन्‍छिॽ अदङ्‌हाॽओ मे़लासे़आङ् हिम्‍मो मे़बे॥

२ सामुए़ल 18:9

हे़क्‍क्‍याङ् दाउदरे़ कुमनाहाॽरे़ अब्‍सालोम्‍मिन् मे़निसु॥ खुने़ॽ कुअदङ्‌ङिन् युक्‍तुआङ् वये़, कर खे़न् अदङ्‌ङिन् यहिबा सिङ्‌बुङ्‌ङिल्‍ले़ कुसिगाङ्‌लाम् लाङ्‌घेगे़आङ् पे, हे़क्‍केःल्‍ले़ अब्‍सालोमरे़ कुधे़गेक् इःन् कुबोराक्‍को हाप्‍तुआङ् ते़ल्‍ले़म् फोःन्‍छिङ्, अदङ्‌ङिन् कुसिःक्‍तोलाम् पे॥

१ हाङ् 1:33

हाङ्‌ङिल्‍ले़ खे़ङ्‌हाॽ मे़त्तुसि, “खिनिॽ दाङ्‌बे़ल्‍ले़ कुसे़वारोबाहाॽ खिनिॽ तेॽरे़म्‍सिम्‍मे़ॽ हे़क्‍क्‍याङ् आङ्‌गाॽ आस्‍सा सोलोमने़न् आङ्‌गाॽ आअन्‌योक्‍को युक्‍खे़म्‍मे़ॽआङ् यो गिहोन वबुन्‍दाक्‍को थारिक् सोरिक् तेॽरे़म्‍मे़ॽ॥

रोमि 11:6

हे़क्‍क्‍याङ् कङ्‌ग खे़ङ्‌हाॽरे़ मे़जोगुबा याःम्‍बक्‍लाम् मेःन्, कर निङ्‌वाॽफुमाङ्‌ङिल्‍ले़ कुलुङ्‌माॽ तुक्‍मालाम् पोःक्‍खे़बारो॥ खुनिॽ याःम्‍बक्‍लाम् पोःक्‍खे़बाने़ फाॽग्र निङ्‌वाॽफुमाङ्‌ङिल्‍ले़ कुलुङ्‌माॽ तुक्‍मान् थेनाधे पोःक्‍खे़बारो॥

तोलिङ्‌सोमु 36:24

सिबोनरे़ कुस्‍साहाॽ— अय्‍या नु अना॥ हाबा कन् अनाःल्‍ले़ए कुम्‍बा सिबोनरे़ कुअदङ्‌हाॽ कमुसि कत्तुल्‍ले़ एःक्‍सादे़न्‍नो मक्‌वा च्‍वाःत्तिल्‍ले़ वबुन्‍दाक् खोसुआङ् वये़॥

ले़बि 18:4

खिनिॽ आङ्‌गाॽ आसाम्‌यो थिम्‍हाॽ नु आधिम्‍हाॽ इःप्‍मा नाःप्‍माआङ् खे़न् कुइसिक् वाॽमा पोङ्‌ॽ॥ आङ्‌गाॽ यहवे दाङ्‌बा खिनिॽ निङ्‌वाॽफुमाङ्‌आ॥

ले़बि 19:37

“‘खिनिॽ आङ्‌गाॽ के़रे़क् आसाम्‌यो थिम्‍हाॽ नु आधिम्‍हाॽ इःत्ते़म् नाःत्ते़म्‍मे़ॽ॥ आङ्‌गाॽ यहवे दाङ्‌बाआरो॥’”

ले़बि 20:8

खिनिॽ आङ्‌गाॽ आसाम्‌यो थिम्‍हाॽ इःत्ते़म् नाःत्ते़म्‍मे़ॽ॥ आङ्‌गाॽए खिनिॽ सेसे के़जोःक्‍पा यहवे दाङ्‌बाआ॥

ले़बि 22:31

“आङ्‌गाॽ आइङ्‌जाङ्‌हाॽ खिनिॽ इःत्ते़म् नाःत्ते़म्‍मे़ॽ॥ आङ्‌गाॽ यहवे दाङ्‌बाआ॥

ले़बि 25:18

“‘खिनिॽ आङ्‌गाॽ आसाम्‌यो थिम्‍हाॽ नु आधिम्‍हाॽ इःत्ते़म् नाःत्ते़म्‍मे़ॽआङ् खे़ङ्‌हाॽ के़त्ते़म्‍मे़ॽ॥ खे़ब्‍याङ् खिनिॽ खे़न् लाजेॽओ ताप्‍थेक् याम्‍धेक् के़बोःक्‍खिॽ॥

साम्‌योथिम् इङ् 4:1

आल्‍ल, इस्राइलिसे, आङ्‌गाॽ खिनिॽ हुॽमा चोःक्‍निङ्‌बा साक्‍थिम्‍हाॽओ निङ्‌वाॽ पिरे़म्‍मे़ॽ॥ खे़ङ्‌हाॽ खिनिॽ इःत्ते़म् नाःत्ते़म्‍मे़ॽ, खे़ब्‍याङ् खिनिॽ के़हिङिॽ, खम्‍भ्‍याङ् खिनिॽ पाधे़बाहाॽरे़ खुनिॽ यहवे दाङ्‌बा निङ्‌वाॽफुमाङ्‌ङिल्‍ले़ खिनिॽ पिमा के़इःत्तिबा लाजेन् युक् के़जोगुम्‌ॽ॥

साम्‌योथिम् इङ् 4:5

ओमे़त्ते़म्‍मे़ॽ, यहवे दाङ्‌बा आङ्‌गाॽ माङ्‌से़वा मे़त्तुङ्‌बा निङ्‌वाॽफुमाङ्‌ङिल्‍ले़ इङ्‌जाङ् पिराङ्‌बा कुइसिक् खिनिॽ युक् चोःक्‍मा के़जोगुम्‍बा लाजेॽओ कन्‍हाॽ के़रे़क् इःप्‍मा नाःप्‍मारे़ लागिए आङ्‌गाॽ खिनिॽ कन् थिम्‍हाॽ हुॽनिङ्‌ङाङ् वाॽ॥

लुका 5:36

हे़क्‍क्‍याङ् याम्‍मो खुने़ॽ कन् खे़दाॽइन् खे़ङ्‌हाॽ मे़त्तुसि, “हाःत्‍ले़आङ् कुसङ् चाङ्‌ङिन् थे़ःक्‍खुआङ् कुद्रे़क् चाङ्‌ङिन् मे़ले़म्‍दुन्, ले़म्‍दुने़ फाॽग्र कुसङ् चाङ्‌ङिन् ते़ःङ्‌बेःक्‍लो, हे़क्‍क्‍याङ् कुसङ् चाङ्‌ङिल्‍ले़ कुद्रे़क् चाङ्‌ङिन् मे़घे़म्‍दुन्‍नाङ्‌लो॥