ले़बि 19:18 - लिम्‍बु

¹⁸ “‘आबाङे हिम्‍बेसाङ्‌बे़न्‍नु कुले़क्‌वा नुःक्‍मा मे़गेःत्ते़म्‍मिन्‍ने़ॽ हे़क्‍क्‍याङ् सिक् मे़गुये़म्‍मिन्‍ने़ॽ, कर आप्‍फेक् हिम्‍बेसाङ्‌बे़न् आप्‍फेक् कुइसिक् लुङ्‌माॽ तुक्‍ते़म्‍मे़ॽ॥ आङ्‌गाॽ यहवे दाङ्‌बाआ॥

ले़बि 19:18 Referans Kwoze

रोमि 13:9

साम्‌योथिम्‍मो, चाराम्‍मा याःम्‍बक् मे़जोगे़न्‍ने़ॽ, मना मे़से़रे़न्‍ने़ॽ, मे़घुःन्‍दे़न्‍ने़ॽ, मे़घिःप्‍से़न्‍ने़ॽ लॽरिक् साप्‍ते़बा इङ्‌जाङ्‌हाॽ नु वेॽ के़रे़क् इङ्‌जाङ्‌हाॽ आबाङे लुङ्‌माॽ के़दुक्‍सिङ्‌बा कुइसिक् के़बाङ्‌भेॽसाबाहाॽ लुङ्‌माॽ तुक्‍ते़से़ॽ के़लॽबा पाःन्‍निन् के़त्‍लो॥

गलाति 5:14

थेआङ्‌भे़ल्‍ले़ काक् साम्‌योथिम्‍मिन् लत्‍छा इङ्‌जाङ्‌ङो के़रे़आङ् वाॽरो, “आबाङे लुङ्‌माॽ के़दुक्‍सिङ्‌बा कुइसिक् के़बाङ्‌भेॽसाबान् लुङ्‌माॽ तुक्‍ते़ॽओ॥”

याकुब 2:8

से़क्‍खाए साम्‌योसाप्‍लाओबा सुहाङ्‌गे़न् थिम् “खिनिॽ पाङ्‌भेॽसाबाहाॽ आबाङे कुइसिःक्‍के लुङ्‌माॽ तुक्‍ते़म्‍सिम्‍मे़ॽओ” के़लॽबा पाःन्‍ने़न् के़इःत्तुम् के़नाःत्तुम्‍ने़ फाॽग्र खिनिॽ नुबाए के़जोगुम्‍लो॥

मत्ति 19:19

के़म्‍बा के़म्‍मासि इङ्‌धाङ् पिरे़से़ॽ॥ हे़क्‍क्‍याङ् आप्‍फेक् लुङ्‌माॽ के़दुक्‍सिङ्‌बा कुइसिःक्‍के के़बाङ्‌भेॽसाबाहाॽआङ् लुङ्‌माॽ तुक्‍ते़से़ॽओ॥”

रोमि 12:19

आमिःम् आन्‍जुम्‍से, फे़न् पाःन्‍निल्‍ले़ कुले़क्‌वा आप्‍फाल्‍ले़आङ् ताप्‍फे़ःम्‍बा मे़जोगे़म्‍मिन्‍ने़ॽओ, कर निङ्‌वाॽफुमाङ्‌ङिल्‍ले़ कुसाक्‍के़न्‍नो ले़रे़म्‍मे़ॽओ, थेआङ्‌भे़ल्‍ले़ साम्‌योसाप्‍लाओ अक्‍खे साप्‍ते़आङ् पत्, “ताप्‍फे़ःम्‍बा याःम्‍बक् के़जोक्‍पे़न् खुम्‍दिङ् पिमाग आलक्‍लो॥ इङ्‌गाॽए कुले़क्‌वा नुःक्‍तुङ् पिरुङ् लॽरिक् यहवे दाङ्‌बाल्‍ले़ पाःत्तुरो॥”

रोमि 12:17

ताप्‍फे़ःम्‍बा पाःन्‍निल्‍ले़ कुले़क्‌वा ताप्‍फे़ःम्‍बा पान् आत्तिन्‍नाङ्‌ मे़मे़त्ते़म्‍मिन्‍ने़ॽ॥ के़रे़क् मनाहाॽरे़ मे़निसुल्‍ले़ आत्तिन् पाःन्‍निन् नुबा चोक्, बा खे़न् पाःन्‍निन् चोःक्‍मा कोःत्ते़म्‍मे़ॽओ॥

कलस्‍सि 3:8

कर आल्‍लोग खिनिॽआङ् सिक्‍पोःक्‍मान्, साक्‍के़न्‍निन्, नाहे़म्‍मान्, हिनाःम् मे़त्‍छिङ्‌मान्, मे़न्‍छिक्‍क्रा पाःन्‍हाॽ काक् ले़प्‍मा तेमाए पोङ्‌लो॥

एफिसि 4:31

के़रे़क् सिक्‍कुमा, सिक्‍पोःक्‍मा, याःक् ले़ॽमा, हयङ्‌किल्‍लिङ् चोःक्‍मा, चे़ॽया इङ्‌दो पाःप्‍मा हे़क्‍क्‍याङ् काक् परिक्‍पा मना चिःप्‍मा ले़रे़म्‍मे़ॽओ॥

खाहुन् 20:22

अक्‍खे मे़ल्‍लॽए़ॽ, “के़भे़न्‌याःम्‍बक्‍किल्‍ले़ कुले़क्‌वा नुःक्‍तुङ्‌लो!” खे़ने़ॽ यहवे दाङ्‌बे़न् हाङ्‌घे़ॽ, हे़क्‍क्‍याङ् खुने़ॽ ताङ्‌गे़से़ःप्‍लो॥

१ पत्रुस 2:1

खे़ल्‍ले़चोगुल्‍ले़ खिनिॽग मना तुक्‍खे के़जाःप्‍पा काक् फे़न् याःम्‍बक्‍हाॽ ले़रे़म्‍देःसे़म्‍मे़ॽओ॥ इङ्‌ले़क् थेआङ् मे़बाःत्ते़म्‍मिन्‍ने़ॽ, साम्‌योबा मे़ले़ङ्‌ङासिम्‍मे़न्‍ने़ॽ, नाहे़म्‍मा याःम्‍बक् मे़जोगे़म्‍मिन्‍ने़ॽ हे़क्‍क्‍याङ् काक् परिक्‍पा चे़ॽयापान् मे़बारे़म्‍मिन्‍ने़ॽओ॥

हिब्रु 10:30

थेआङ्‌भे़ल्‍ले़ ताप्‍फे़ःम्‍बा याःम्‍बक् के़जोक्‍पे़न् खुम्‍दिङ् पिमा आलक्‍पे़न्‍लो, इङ्‌गाॽए कुले़क्‌वा नुःक्‍तुङ् पिरुङ् लॽरिक् निङ्‌वाॽफुमाङ्‌ङिल्‍ले़ पाःत्तुबान् आनिॽ कुसिङ् आनिःत्तुम्‍लो॥ अक्‍खेआङ् पाःत्तुआङ् वाॽरो, “यहवे दाङ्‌बाल्‍ले़ आबाङे कुमनाहाॽ खासे़न् लोःन्‍दुसिॽरो॥”

मत्ति 19:16

आल्‍ल मनाधिक् ये़सुरो फे़रे़आङ् सेःन्‍दोसु, “सिक्‍साम्‍बे, आक्‍तङ्‌बा नुबा याःम्‍बक् चोगुङ्‌ङिल्‍ले़ मे़न्‍नुप्‍मनाबा हिङ्‌मन् खोसुङ्‌बे?”

रोमि 13:4

थेआङ्‌भे़ल्‍ले़ खे़न् युक् के़जोःक्‍पाङ्‌ग के़लागि नुबा पान् के़जोःक्‍पा निङ्‌वाॽफुमाङ्‌ङिल्‍ले़ कुसेवारोबारो॥ कर खे़ने़ॽ फे़न् याःम्‍बक् के़जोगुने़ फाॽग्र किसे़ॽओ, थेआङ्‌भे़ल्‍ले़ खे़ल्‍ले़ग हने़ ताभेन् मे़हेःसुन्‍लो॥ खे़ङ्‌ग फे़न् याःम्‍बक् के़जोःक्‍पाल्‍लो खुम्‍दिङ् के़दाःप्‍पा निङ्‌वाॽफुमाङ्‌ङिल्‍ले़ कुसेवारोबारो॥

२ सामुए़ल 13:28

अब्‍सालोमरे़ कुमनाहाॽ अक्‍तङ्‌बा इङ्‌जाङ् पिरुसि, “खे़प्‍से़म्‍मे़ॽ, अमनोने़न् सेजङ्‌वाःल्‍ले़ मयुॽ, हे़क्‍क्‍याङ् आङ्‌गाॽ ‘अमनोने़न् थगे़म्‍मे़ॽ’ मे़त्‍निङ्‌ङिल्‍ले़ खे़न् से़रे़म्‍मे़ॽ॥ मे़गिसे़म्‍मिन्‍ने़ॽ॥ कङ्‌ग आङ्‌गाॽ आइङ्‌जाङ्‌लो॥ थधप् मे़ल्‍लॽए हाङ्‌हाङ् लॽरे़म्‍मे़ॽ॥”

२ सामुए़ल 13:22

कर अब्‍सालोमरे़ अमनोने़न् थेआङ् पान् मे़मे़त्तुन्॥ खुने़ॽ कुन्‍साॽ मे़न्‍छुमान् कुजाःत्‍थि तेसु पिरुबाल्‍ले़ चोगुल्‍ले़ अमनोने़न् चिःप्‍मा हेःक्‍तुरो॥

साम्‌योथिम् इङ् 32:25

माराम्‍हाॽओ ताभेःल्‍ले़ खे़ङ्‌हाॽ लिगुक् मे़क्‍खुङ्‌सिङ्‌लो, खे़ङ्‌हाॽरे़ खुन्‍छिॽ हिम्‍हाॽ किमा यङ्‌मा इसेःङ् पोङ्‌लो॥ नालिगे़न् थाङ्‌बे़न् सिसागे़न् मे़न्‍छ्‌या सोसोरिक्, नुगे़धुङ्‌बा आम्‍ब्रे़ःङ्‌वा अङे़ःक्‌वा नु कुधे़गेक् के़भुप्‍पा काप्‍पो तुम्‍साहाॽआङ् मे़मे़क्‍लो॥

गलाति 5:20

नावाइत्‍लान् से़वा मे़जोगुॽ, कित्‍चाक् मे़जोगुॽ, मनाहाॽ मे़जिःत्तुसिॽ, खे़माॽ मे़भोःक्‍खुॽ, मनाहाॽ नामे़हे़त्तुसिॽ, खुनिॽ सिक् पोक्, आनिगे़रक् चोगुम्‍बे़ पाःत्तुम्‍बे़ के़लॽबा निङ्‌वाॽ मे़जोगुॽ, एःक् से़न्‍छिङ्‌मा निङ्‌वाॽ मे़जोगुॽ, थुक्‍सिङ्‌मा निङ्‌वाॽ मे़जोगुॽ,

निङ्‌वाॽफु साम्‍लोसुम् 103:9

खुने़ॽ आभे़ल्‍ले़साङ् पान् आन्‍धिक्‍ने़न्‍नाङ् मे़बत्‍ने़ल्‍लो, हे़क्‍क्‍याङ् सदादिङ् कुयाःक्‍काङ् मे़ले़ॽने़न्‍नाङ् मे़वाॽने़ल्‍लो॥

युहुन्‍ना 13:34

“खे़ल्‍ले़चोगुल्‍ले़ आल्‍ल खिनिॽ लुङ्‌माॽ तुक्‍कासिम्‍मे़ॽ फाॽआङ् इङ्‌गाॽ कुसङ् इङ्‌जाङ् पिनिङ्‌लो॥ खिनिॽ इङ्‌गाॽ लुङ्‌माॽ तुक्‍निङ्‌बा कुइसिःक्‍के लुङ्‌माॽ तुक्‍कासिम्‍मे़ॽओ॥

१ युहुन्‍ना 4:21

आत्तिल्‍ले़ निङ्‌वाॽफुमाङ्‌ङिन् मिःम्‍जि मे़त्तुॽ, खे़ल्‍ले़ नसानिबा फुॽनुसाॽ नु ने़ॽनुसाॽहाॽआङ् लुङ्‌माॽ तुक्‍मासिए पोङ्‌लो लॽरिक् निङ्‌वाॽफुमाङ्‌ङिल्‍ले़ कन् इङ्‌जाङ् आबिरे़आङ् आवाॽरो॥

तोलिङ्‌सोमु 4:23

ले़मे़क्‍के़ल्‍ले़ मे़ल्‍लिङ्‌गे़न् कुमेःत्‍हाॽ मे़त्तुसि, “आदा नु सिल्‍लाए, आबाःन्‍निन् खे़प्‍से़त्‍छे़ॽ, खिन्‍छिॽ ले़मे़क्‍के़ल्‍ले़ कुमेःत्‍छे, आङ्‌गाॽ पाःत्तुङ्‌बा पाःन्‍निन् नुरिक्‍काङ् खे़प्‍से़त्‍छे़ॽ, आङ्‌गाॽ याप्‍मि के़घाःम्‍बा थाङ्‌बे़न् मनान् से़रुङ्‌लो॥

लाम्‍दिक् 20:16

“खिनिॽ हिम्‍बेसाङ्‌बे़न् मे़न्‌वाॽमनाबा आप्‍तिक् मे़गुते़म्‍मिन्‍ने़ॽ॥

ले़बि 19:34

खे़न् खिनिॽ आबाङे लाजेॽओ सागे़वाःन्‍छिङ्‌बा मना हे़क्‍के लेःत्ते़म्‍मे़ॽ॥ खिनिॽ खे़न् आबाङे कुसिङ् लुङ्‌माॽ तुक्‍ताम्‍मे़ॽ, थेआङ्‌भे़ल्‍ले़ खिनिॽआङ् मिस्र लाजेॽओ वेॽ लाजेॽबा के़वयि॥ आङ्‌गाॽ यहवे दाङ्‌बा खिनिॽ निङ्‌वाॽफुमाङ्‌आ॥

साम्‌योथिम् इङ् 32:35

कुले़क्‌वा नुःक्‍माग आङ्‌गाॽ आयाःम्‍बक्‍लो, आङ्‌गाॽए कुले़क्‌वा हुङुङ्‌लो॥ के़लाॽबा ये़म्‍मो खे़ङ्‌हाॽरे़ खुन्‍छिॽ लाङ्‌ङिन् ले़ःङ्‌लो, खे़ङ्‌हाॽरे़ खुन्‍छिॽ मे़क्‍मा ये़न्‍निन् निःत्ताङ् के़रे़आङ् वाॽरो॥ खे़ङ्‌हाॽ खाप्‍पुथ्‍यःङ् मे़बोङ्‌ल मे़बत्‍लो॥”

सेःक्‌युक्‍मिबाहाॽ 16:28

कर पावलरे़ अःक्‍ते़र अक्‍खे मे़त्तु, “आदाङ्‌बाए, थेआङ् मे़मे़त्‍छिङे़न्‍ने़ॽओ! आनिगे़ग खा कप्‍मोए यागिगे़ॽरो॥”