ले़बि 18:3 - लिम्‍बु

³ खिनिॽ के़युङि के़वयिबा मिस्र लाजेॽबा मनाहाॽरे़ खुन्‍छिॽ थिम्‍बे साक्‍थिम्‍हाॽ मे़इःत्ते़म् मे़नाःत्ताम्‍मिन्‍ने़ॽ॥ हे़क्‍क्‍याङ् आल्‍ल आङ्‌गाॽ कनान लाजेॽओ खिनिॽ तेॽनिङ्‌ल पत्ता, कल्‍ले़चोगुल्‍ले़ खे़प्‍मोबा थिम्‍बे साक्‍थिम्‍हाॽआङ् मे़नाःत्ते़म्‍मिन्‍ने़ॽ॥

ले़बि 18:3 Referans Kwoze

ले़बि 20:23

खिनिॽ तगि आङ्‌गाॽ लःप्‍मादेमा इःत्तुङ्‌सिङ्‌बा मे़न्‍छाम् सुवाङ्‌हाॽरे़ खुन्‍छिॽ ये़प्‍ले़क्‍को खिनिॽ लाङ्‌मे़घेगे़म्‍मिन्‍ने़ॽ॥ खे़ङ्‌हाॽरे़ कन् के़रे़क् याःम्‍बक्‍हाॽ मे़जोगुआङ् मे़वये़, खे़ल्‍ले़चोगुल्‍ले़ आङ्‌गाॽ खे़ङ्‌हाॽ चिःत्तुङ्‌सिङ्॥

लाम्‍दिक् 23:24

खे़ङ्‌हाॽरे़ खुन्‍छिॽ माङ्‌हाॽ से़वा मे़मे़त्ते़म्‍सिम्‍मिन्‍ने़ॽ हे़क्‍क्‍याङ् खे़ङ्‌हाॽरे़ खुन्‍छिॽ साम्‌यो साक्‍थिम्‍हाॽ मे़इःत्ते़म् मे़नाःत्ते़म्‍मिन्‍ने़ॽ, कर खे़ङ्‌हाॽ वरे़ङ्‌ले़ङ् मे़क्‍खे़म्‍सिम्‍मे़ॽआङ् खे़ङ्‌हाॽरे़ खुन्‍छिॽ सेसे लुङ्‌हाॽ कुम्‍जिक्‍मा चोगे़म् पिरे़म्‍सिम्‍मे़ॽ॥

इजकिएल 23:8

खुने़ॽ मिस्रलाम् लःन्‍दे़थाङे़ल्‍ले़, खुने़ॽ के़त्‍निबा चोःक्‍मा कुयाःम्‍बक्‍किन् एगाङ् मे़ले़रुन् मे़धने़न्॥ मिस्रबा मनाहाॽ खे़न्‍नु मे़इप्‍से़ल्‍ले़, खुने़ॽ कुनुबक्‍हाॽरे़ खुन्‍छिॽ सिक्‍चिमे़बा नु खुने़ॽ के़त्‍निमा मे़गत्तुल्‍ले़बा कुइसिक् मे़न्‍छ्‌या वये़ल्‍ले़बा हे़क्‍केए खे़न् आल्‍लसाङ् चिःन्‍जिःन् के़घुमा चोगे़॥

रोमि 12:2

इक्‍सादिङ् खाम्‍बेःक्‍मोबा थिम्‍मिन्‍नु मे़दङ्‌ङासिम्‍मे़न्‍ने़ॽओ कर खिनिॽ निङ्‌वाॽबान् ले़क्‍खे़म्‍मे़ॽर कुसङ् पोःक्‍खे़म्‍मे़ॽर पेगे़म्‍मे़ॽओ॥ हे़क्‍केलॽरिक् निङ्‌वाॽफुमाङ्‌ङिल्‍ले़ नुबा, कुनिङ्‌वाॽ के़दाबा नु कुलिङ्‌दो के़गे़प्‍पा कुनिङ्‌वाॽइन् थे वाॽ खे़न् निङ्‌वाॽ खोमा के़सुक्‍तुम्‍लो॥

निङ्‌वाॽफु साम्‍लोसुम् 106:35

कर खे़ङ्‌हाॽ खे़न् सुवाङ्‌हाॽनु मेःक्‍खिम् मे़जोगे़रो, हे़क्‍क्‍याङ् खे़ङ्‌हाॽरे़ खुनिॽ ताप्‍फे़ःम्‍बा थिम्‍हाॽ मे़हुॽसिङ्‌लो॥

साम्‌योथिम् इङ् 12:4

खे़ङ्‌हाॽरे़ मे़जोगुबा परिक्‍ले़ यहवे दाङ्‌बा खिनिॽ निङ्‌वाॽफुमाङ्‌ङिन् माङ्‌से़वा मे़मे़त्ते़म्‍मिन्‍ने़ॽ॥

साम्‌योथिम् इङ् 9:4

यहवे दाङ्‌बे़ल्‍ले़ खिनिॽ तगिलाम् खे़ङ्‌हाॽ लःत्तुदेॽरुसि सुरुसिआङ् खिनिॽ निङ्‌वाॽओ अक्‍खे मे़बाःत्ते़म्‍मिन्‍ने़ॽ, “आनिॽ साम्‌योबा याःम्‍बक्‍किल्‍ले़ चोगुल्‍ले़ए कन् लाजेन् युक् चोःक्‍मारे़ लागि यहवे दाङ्‌बे़ल्‍ले़ आनिॽ आदारे़बारो॥” परुमाल्‍ले़ कन् मे़न्‍छाम् सुवाङ्‌हाॽरे़ खुन्‍छिॽ फे़न्‌याःम्‍बक्‍किल्‍ले़ चोगुल्‍ले़ए यहवे दाङ्‌बे़ल्‍ले़ खे़ङ्‌हाॽ आनिॽ तगिलाम् नाःत्तुदेसुसिॽ॥

२ हाङ् 17:8

हे़क्‍क्‍याङ् यहवे दाङ्‌बे़ल्‍ले़ खे़ङ्‌हाॽरे़ खुन्‍छिॽ तगिलाम् लःत्तुदेसुसिबा वेॽ मे़न्‍छाम् सुवाङ्‌हाॽ नु इस्राइलबा हाङ्‌हाॽरे़ मे़नाःत्तु मे़दिम्‍दुबा ये़प्‍ले़क्‍कोआङ् खुन्‍छिॽ लाङ्‌मे़घेगे़॥

साम्‌योथिम् इङ् 29:17

खे़ङ्‌हाॽरे़ खुनिॽ लुम्‍मो के़वाॽबा खे़ङ्‌हाॽरे़ खुन्‍छिॽ सिक्‍के़ले़ःङ्‌बा सिङ्, लुङ्, युप्‍पा नु साम्‍म्‍याङ् नावाइत्‍लाहाॽ खिनिॽ के़निसुम्‍माङ् वाॽ॥