ले़बि 17:7 - लिम्बु7 खे़ङ्हाॽरे़ आल्ल मे़ःन्दा नारा नावाइत्लाहाॽ से़वा मे़म्मे़त्तुसिन्ल हे़क्क्याङ् खुन्छिॽ मे़दोन्दुबा सिदुङ्जभाःल्ले़ आङ्गाॽनु नसान् के़ले़ङ्बा चोगुसिआङ् याम्बोःप्मा याःम्बक् के़जोःक्पा हे़क्तङ्बा मे़जोगुसिन्ल॥ खे़ङ्हाॽ नु खे़ङ्हाॽरे़ खुन्छिॽ थाःक्थाःक्ले़ लागि कन् सदादिङ्बा थिम् पोङ्ल॥’ Gade chapit la |
ले़बि 17:7
23 Referans Kwoze
“सिङ्सिङ् ये़क्ये़क् लॽरे़म्मे़ॽ, खे़न् लाजेॽओबा मनाहाॽनु खिनिॽ तङ्मे मे़जोगे़म्मिन्ने़ॽ, मेःन्ने़भग्र खे़ङ्हाॽ खुन्छिॽ आबाङे माङ्हाॽ मे़दिम्दु मे़नाःत्तुसिआङ् निङ्वाॽओ याम्बोःप्मा याःम्बक् हे़क्तङ्बा मे़जोगुल्ले़ हे़क्क्याङ् खुन्छिॽ माङ्हाॽरे़ लागि वयागे़न् सिदुङ्सभा मे़जोगुल्ले़, खे़ङ्हाॽरे़ खिनिॽ के़म्उःत्तिॽ खे़ब्याङ् खिनिॽ खे़ङ्हाॽरे़ खुन्छिॽ सिदुङ्जभाहाॽ के़जाम्ॽ॥
हे़क्क्याङ् कन् मिन्देॽलाम् मे़न्छिःम्ना वेॽ मनाहाॽ आबाङे मे़जोगुबा फे़न्याःम्बक्कोलाम् मे़न्हिन्दे़न्लो॥ आल्लसाङ् खे़ङ्हाॽरे़ फे़न्साम्हाॽ नु मे़म्बाःप्मना, मे़न्निःम्ना हे़क्क्याङ् लाङ्मे़ङ्घेःक्मना साम्म्याङ्, युप्पा, थथनाबा, लुङ् नु सिङ्ङिल्ले़न् नावाइत्लाहाॽ से़वा चोःक्मा मे़ल्ले़रुन्लो॥
खुने़ॽ मिस्रलाम् लःन्दे़थाङे़ल्ले़, खुने़ॽ के़त्निबा चोःक्मा कुयाःम्बक्किन् एगाङ् मे़ले़रुन् मे़धने़न्॥ मिस्रबा मनाहाॽ खे़न्नु मे़इप्से़ल्ले़, खुने़ॽ कुनुबक्हाॽरे़ खुन्छिॽ सिक्चिमे़बा नु खुने़ॽ के़त्निमा मे़गत्तुल्ले़बा कुइसिक् मे़न्छ्या वये़ल्ले़बा हे़क्केए खे़न् आल्लसाङ् चिःन्जिःन् के़घुमा चोगे़॥
हे़क्क्याङ् यहवे दाङ्बे़ल्ले़ मोसान् मे़त्तु, “खे़ने़ॽ के़म्बा के़धाःक्थे़बाहाॽ कुइसिक् खे़ने़ॽ सिमा के़जोक्॥ खे़ने़ॽ के़सिआङ् एगाङ् खे़ङ्हाॽ मे़लाःप्पा लाजेॽओ मे़गे़त्ताङ् कन् मनाहाॽरे़ हाराए वेॽ लाजेॽबा माङ्हाॽ ले़प्माङ् मे़लात् हे़क्क्याङ् याम्साम्मो याम्बोःप्मा याःम्बक् मे़जोगुॽ॥ आङ्गाॽ मे़ले़त्ताआङ् खे़ङ्हाॽनु चोगुङ्बा माङ्हुप्पिन् खे़ङ्हाॽरे़ मे़भेःन्दुॽ॥
आङ्गाॽ खे़ङ्हाॽ आत्तिन् लाम्मो लाङ्घेःक्मा इङ्जाङ् पिरुङ्सिङ्ङाङ् वये़, खे़ङ्हाॽरे़ खे़न् लाम्मिन् साॽरिक् हारा मे़ले़रुआङ् थिक्नाहाङ् मे़बेआङ् मे़वाॽ॥ खे़ङ्हाॽरे़ खुनिॽ लागि साम्म्याङ्ङिन् मे़योन्दुआङ् पित्सात्तिल्ले़ कुजइःत्तो नावाइत्ला मे़धगु हे़क्क्याङ् खे़न् माङ्से़वा मे़मे़त्तुआङ् मे़वा, खे़ब्याङ् खे़ल्ले़ए कुलागि सिदुङ्जभा मे़दोन्दुआङ् अक्खे मे़बाःत्तुआङ् मे़वाॽ, ‘इस्राइलिसे, मिस्रलाम् खिनिॽ के़लःप्पा के़भे़प्पा खिनिॽ माङ्ङिन् आम्भा कन्लो॥’”
यहवे दाङ्बे़ल्ले़ अक्खे पाःत्तुॽ, “कुभा मनाःल्ले़ आबाङे कुमेःत्तिन् नाॽरुरो हे़क्क्याङ् खे़न् मे़न्छुमाःल्ले़ खुने़ॽ ले़रुआङ् वेॽ ये़म्बित्छाःन्नु मेःक्खिम् चोगुरो हे़क्केने़भग्र खे़न् मनाःल्ले़ याम्मो खे़न् मे़न्छुमान् हिम्मो नुःक्मा ताःप्मा मे़सुक्तुन्लो॥ हे़क्के चोःक्माल्ले़ के़रे़क् लाजेन् चिःन्जिन् के़घुबा पोङ्लो॥ कर इस्राइलए, खे़ने़ॽ यरिक् के़धाङ्बे़न्हाॽनु के़बोःत्ते़रो हे़क्क्याङ् याम्मो आङ्गाॽओ नुःङ्मा तामा निङ्वाॽ के़जोगुरो!”
तुम्मादे़न् साःङ्गाहिम्मो माङ्हुप् सन्दोक्किल्ले़ कुदगि के़बप्पा फोःन्दा लाःक्कात् हारुने़न् नु कुस्साहाॽरे़ खे़न् सेमिहाॽ युःन्छिक्काङ्धो तानाम् थारिक् यहवे दाङ्बे़ल्ले़ कुदगि मे़हाःन्दुआङ् मे़याक्ल॥ इस्राइलिहाॽरे़ खुन्छिॽ लागि थाःक्थाःक्को थारिक् कन् सदादिङ्बा थिम् पोङ्लरो॥”
Piblisite