ले़बि 17:11 - लिम्बु11 थेआङ्भे़ल्ले़ कुसक्मा के़याक्पा थक्सा पुसाहाॽरे़ खुन्छिॽ सक्मान् माक्खिॽओ याक्॥ आङ्गाॽ माक्खिन् चाहे ले़त्ति तोःम्मादे़न्नो खिनिॽ लागि लायोलाम् ले़प्मि नाःक्मारे़ लागि पिनिङ्ङाङ् वाॽ, थेआङ्भे़ल्ले़ माक्खिॽलाम्बाए मे़न्छाम् याप्मि हिङ्मन्ले़ लागि ले़प्मि नाःक्मा पोङ्ॽ॥ Gade chapit la |
ले़बि 17:11
24 Referans Kwoze
थेआङ्भे़ल्ले़ निङ्वाॽफुमाङ्ङिल्ले़ आनिॽ खोमा के़बोङ्बा खुम्दिङ्लाम् ताङ्गे़से़ःप्पा सिदुङ्जभा पोङ्से़ ख्रिस्ते़न् पाङ्घुयुसु॥ खुने़ॽ कुमाक्खिॽइन् आनिॽ लागि वादेःन्दुबा फाॽआङ् नसान् के़जोःक्पा के़रे़क्ले़ लायोलाम् ले़प्मि मे़घोसुॽरो॥ निङ्वाॽफुमाङ्ङिल्ले़ कन् याःम्बक्किन् चोगुआङ् आबाङे खुने़ॽ कुदोःप्मा खासे़न् के़जोःक्पा चोक् फाॽआङ् ओसेःन्धाक्सिङ्, थेआङ्भे़ल्ले़ ख्रिस्ते़न् युमानुःल्ले़ तगि खुने़ॽ कुसिक्किन् थरुआङ् मे़न्छाम् याप्मिहाॽरे़ मे़जोगुबा लायोल्ले़न् खुम्दिङ् मे़बिरुन्छिन्लो॥
थेआङ्भे़ल्ले़ के़रे़क् कुसक्मा के़याक्पा मुन्जिङ् वयाक् के़लॽबा थक्सा पुसाहाॽरे़ खुन्छिॽ सक्मान् खे़ङ्हाॽरे़ खुन्छिॽ माक्खिॽओ याःक्॥ कल्ले़चोगुल्ले़ आङ्गाॽ इस्राइलिहाॽ मे़त्तुङ्सिङ्ङाङ् वाॽ—“आत्तिन् कुहिङ्वे़त् थक्सा पुसाःल्ले़ कुमाक्खिन्नाङ् मे़जे़म्मिन्ने़ॽ, थेआङ्भे़ल्ले़ के़रे़क् कुहिङ्वे़त् थक्सा पुसाहाॽरे़ खुन्छिॽ सक्मान् खुन्छिॽ माक्खिॽओ याक्॥ खे़न् माक्खिॽ के़जाबा आत्तिन्छाङ् लःप्मादेमा पोङ्ॽ॥”
निङ्वाॽफुपाःल्ले़ तगिसा कुसिङ् के़निःत्तिबा कुइसिक् कुमना पोङ्से़ के़सेगिआङ् सेसेमाङ्ङिल्ले़ सुत्थो के़जोगिरो॥ हे़क्केःल्ले़ खिनिॽ ये़सु ख्रिस्तरे़ कुइङ्जाङ्गे़म्बा के़बोःक्खिआङ् कुमाक्खिॽइल्ले़ सेसेसाङ्साङ् के़जोगिरो॥ हाराॽ पानुदिङ् पाः निङ्वाॽफुमाङ्ङिल्ले़ कुलुङ्गुम् नु कुसनारुङ्ङिन् आल्लसाङ् यरिक् खिनिॽओ वाॽररो॥
खे़ब्याङ् मोसाःल्ले़ खे़न् से़रु, खम्ब्याङ् खे़ल्ले़ कुभा माक्खिॽजि याङ्सिङ्ङाङ् कुहुक्चोःल्ले़ ले़त्ति तोःम्मादे़न्नोबा ताङ्हाॽओ हुःत्तु हे़क्क्याङ् ले़त्ति तोःम्मादे़न्निन् सेसेसाङ्साङ् चोगु॥ हे़क्क्याङ् के़नम्बा कुमाक्खिन् खे़ल्ले़ ले़त्ति तोःम्मादे़न्निल्ले़ कुबुङ्ङो हुक्खु॥ खे़ल्ले़ लागि लायोलाम् ले़प्मि नाःक्मारे़ लागि खे़ल्ले़ कम्भलॽरिक् ले़त्ति तोःम्मादे़न्निन् सेसेसाङ्साङ् चोगु॥
खे़ल्ले़ खे़न् पित्सात्तिन् यहवे दाङ्बे़ल्ले़ कुदगि च्ये़प्तुआङ् स्ये़रुर॥ हे़क्क्याङ् हारुने़ल्ले़ कुस्सा निङ्वाॽफुसाम्बाहाॽरे़ सामाक्खिन् निःत्ताङ् मे़देॽरुर हे़क्क्याङ् तुम्मादे़न् साःङ्गाहिम्मोबा लाम्धेःत्तिल्ले़ कुबेसाङ्बा ले़त्ति तोःम्मादे़न्निल्ले़ कुयाम्ले़ङ्बो छ्वाःक् मे़हुक्खु मे़देसुर॥
खे़ल्ले़ के़रे़क् कुसोःत्तिन्नाङ् तङ्जुम् वयागे़न् सिदुङ्जभाःल्ले़ कुसोःत्तिन् कुइसिक् ले़त्ति तोःम्मादे़न्नो खे़ल्ले़ मिधिक्खुर॥ कम्भलॽरिक् निङ्वाॽफुसाम्बाल्ले़ खे़न् युक्साबे़ल्ले़ कुलायोल्ले़ लागि ले़प्मि नाःक्मा हे़क्क्याङ् निङ्वाॽफुमाङ्ङिन्नु नादङ् चोःक्मा पिमा याःम्बक् चोगु पिरुॽ, हे़क्क्याङ् खे़ल्ले़ लायोलाम् ले़प्मि खोसुॽ॥
Piblisite