ले़बि 16:16 - लिम्बु16 कम्भलॽरिक् इस्राइलिहाॽरे़ खुन्छिॽ आसुत्थो, फे़न्याःम्बक् नु खे़ङ्हाॽरे़ खुन्छिॽ के़रे़क् लायोल्ले़ चोगुल्ले़ साॽरिक् सेसेबादे़न्निल्ले़ लागि खे़ल्ले़ लायोलाम् ले़प्मि नाःक्तुर॥ खे़ङ्हाॽरे़ खुन्छिॽ आसुत्थो लुम्मो तुम्मादे़न् साःङ्गाहिम्मिल्ले़ लागिआङ् खे़ल्ले़ हे़क्केए चोगुर॥ Gade chapit la |
ले़बि 16:16
12 Referans Kwoze
खे़ब्याङ् मोसाःल्ले़ खे़न् से़रु, खम्ब्याङ् खे़ल्ले़ कुभा माक्खिॽजि याङ्सिङ्ङाङ् कुहुक्चोःल्ले़ ले़त्ति तोःम्मादे़न्नोबा ताङ्हाॽओ हुःत्तु हे़क्क्याङ् ले़त्ति तोःम्मादे़न्निन् सेसेसाङ्साङ् चोगु॥ हे़क्क्याङ् के़नम्बा कुमाक्खिन् खे़ल्ले़ ले़त्ति तोःम्मादे़न्निल्ले़ कुबुङ्ङो हुक्खु॥ खे़ल्ले़ लागि लायोलाम् ले़प्मि नाःक्मारे़ लागि खे़ल्ले़ कम्भलॽरिक् ले़त्ति तोःम्मादे़न्निन् सेसेसाङ्साङ् चोगु॥
तङ्बेरे़ थिक्ले़ङ् हारुने़ल्ले़ लायोलाम् ले़प्मि नाःक्मा वयागे़न् सिदुङ्जभाःल्ले़ कुमाक्खिन् खे़प्मोबा कुदाङ्हाॽओ हुःत्तुॽ हे़क्क्याङ् ले़त्ति तोःम्मादे़न्निन् सुत्थो चोःक्मा थिम् चोगुआङ् सेसे सासाङ् चोगुर॥ के़दाबा ये़म्मो सदादिङ्ले़ लागि तङ्बे थक्मा अक्खे चोःक्मा पोङ्ॽ॥ कन् ले़त्ति तोःम्मादे़न्निन् के़रे़क् सेसेसाङ्साङ् पोङ्मा पोङ्ॽ हे़क्क्याङ् यहवे दाङ्बाओ तोःम्मा पोङ्लो॥”
आल्ल हारुने़न् लायोलाम् ले़प्मि नाःक्मारे़ लागि साॽरिक् सेसेबादे़न्नो लाःत्, हे़क्क्याङ् खुने़ॽ आबाङे लागि, खुने़ॽ आबाङे कुहिम्सयङ्ले़ लागि नु इस्राइलबा के़रे़क् सङ्जुम्भोहाॽरे़ लागि लायोलाम् ले़प्मि नाःक्तुआङ् मे़न्नुःङ् मे़ल्लःन्ने थारिक् तुम्मादे़न् साःङ्गाहिम्मो हाःत्ताङ् मे़लाःत्ने़न्ल॥
Piblisite