ले़बि 15:13 - लिम्‍बु

¹³ “‘खे़न् मनाःन् वयामा तुक्‍मोलाम् वेःत्ते़ल्‍ले़ खुने़ॽ सुत्‍थो पोङ्‌मारे़ लागि नुसि ये़न् थारिक् निरुर, हे़क्‍क्‍याङ् कुजाङ्‌ङिन् वाहप्‍तुआङ् कुधक्‍किन् सेसेबा च्‍वाःत्तिल्‍ले़ वारुःप्‍सुर, खे़ब्‍याङ् खुने़ॽ सुत्‍थो पोङ्‌ॽ॥

ले़बि 15:13 Referans Kwoze

ले़बि 14:8

“खे़न् सुत्‍थो पोङ्‌मा के़बोङ्‌बे़ल्‍ले़ खुने़ॽ कुजाङ्‌ङिन् वाहप्‍तुर, हे़क्‍क्‍याङ् के़रे़क् कुधे़गेक् इःन् लिगोॽ नःक्‍खुआङ् वारुःम्‍सिङ्‌ल, हे़क्‍क्‍याङ् खुने़ॽ सुत्‍थो पोङ्‌ॽ॥ खे़न् एगाङ् खुने़ॽ साःङ्‌गाहिम्‍हाॽओ पेःक्‍ल, कर नुसि ये़न् थारिक् खुने़ॽ कुसाःङ्‌गाहिम्‍मोलाम् लाःक्‍कात्ते युङ्‌मा पोङ्‌ॽ॥

ले़बि 8:33

खिनिॽ के़दोःन्‍दुम्‍बा ये़न्‍निन् के़रे़क् मे़ङ्‌गे़त्ते थारिक् नुसि ये़न् थे़म्‍बा सेसे साःङ्‌गाहिम्‍मोलाम् लाःक्‍कात् खिनिॽ मे़बेगे़म्‍मिन्‍ने़ॽ, थेआङ्‌भे़ल्‍ले़ खिनिॽ के़दोःम्‍दुम्‍बान् नुसि ये़न् थारिक् पत्॥

ले़बि 15:28

“‘खे़ल्‍ले़ कुसिम् वाहप्‍मे़न् वाॽमा नाॽआङ् एगाङ् खुने़ॽ नुसि ये़न् थारिक् निरुर, हे़क्‍क्‍याङ् खे़न् एगाङ् खुने़ॽ सुत्‍थो पोङ्‌ॽ॥

ले़बि 15:5

आत्तिल्‍ले़ खे़ल्‍ले़ कुने़त्‍नान् सुसु, खे़न् के़सुबा मनाःल्‍ले़ कुजाङ्‌ङिन् वाहप्‍मा पोङ्‌ॽ, हे़क्‍क्‍याङ् आबाङेआङ् च्‍वाःत्तो वारुःम्‍सिङ्‌मा पोङ्‌ॽ, खे़ब्‍याङ् युःन्‍छिक् थारिक् आसुत्‍थो पोङ्‌मा पोङ्‌ॽ॥

याकुब 4:8

निङ्‌वाॽफुमाङ्‌ङिल्‍ले़ कुबेसाङ् त्‍ये़म्‍मे़ॽ, हे़क्‍क्‍याङ् खुने़ॽआङ् खिनिॽ पेसाङ् ताःरो॥ खिनिॽ लायोबासे, लायो चोःक्‍मा ले़रे़म्‍मे़ॽओ, हे़क्‍क्‍याङ् हिल्‍लिक्‍लिक्‍पा निङ्‌वाॽ के़गप्‍पासे, खिनिॽ सिक्‍लुङ्‌मान् सेसे चोगे़म्‍मे़ॽओ

२ कोरन्‍थि 7:1

आमिःम् आन्‍जुम्‍से, आनिॽग कन् माङ्‌हे़क्‍हाॽ आघोसुम्‍माङ् आवाॽबाल्‍ले़ चोगुल्‍ले़ आनिॽ नासिङ्‌गे़न् थक् नु याम्‍साम् के़जिःम्‍बा पाःन्‍हाॽलाम् सेसे चोःक्‍कासिरो॥ हे़क्‍क्‍याङ् निङ्‌वाॽफुमाङ्‌ङिल्‍ले़ मिङ्‌सो इङ्‌धाङ् खोसुर फाॽआङ् आनिॽ सेसे पोःक्‍खिर पिगिरो॥

यर्मिया 33:8

आङ्‌गाॽ आदक्‍ले़ङ्‌वाओ खे़ङ्‌हाॽरे़ मे़जोगुबा लायोलाम् खे़ङ्‌हाॽ सुत्‍थो चोगुङ्‌सिङ्‌ॽ हे़क्‍क्‍याङ् खे़ङ्‌हाॽ पान् मे़ङ्‌घे़म्‍मनाबा मे़बोःक्‍खे़आङ् खे़ङ्‌हाॽरे़ मे़जोगुबा खुन्‍छिॽ लायोन् नु पिफ्‍युङ्‌ङिन् ले़प्‍मि पिरुङ्‌सिङ्‌ॽ॥

खानिःत् 12:14

खे़ब्‍याङ् यहवे दाङ्‌बे़ल्‍ले़ मोसान् मे़त्तु, “खे़न् खुने़ॽ कुम्‍बारे़ कुनाराओ थ्‍याःत् थोःक्‍तुबा हे़क्‍केःल्‍ले़, थे खे़न् ये़त्‍नाम् थारिक् कुना मे़ध्‍ये़ने़म्‍बाबि? खे़न् ये़त्‍नाम् थारिक् साःङ्‌गाहिम्‍हाॽलाम् लाःक्‍कात् साक्‍ते़ युक्‍खे़ॽ, खे़न् एगाङ्‌लक् खुने़ॽ सिगाङ् तारे़ॽ॥”

ले़बि 14:10

“ये़त्‍छिगेक्‍पा ये़न्‍नो खे़ल्‍ले़ मे़ङ्‌गाःम्‍मनाबा ने़न्‍छि मे़ल्‍लुक्‍साःत् नु तङ्‌बे थिक् के़गे़प्‍मा मे़ङ्‌गाःम्‍नाबा कुम्‍मामा लत्‍छा मे़ल्‍लुक्‍साःत्, हे़क्‍क्‍याङ् पोगुगे़न् कुजा सिदुङ्‌जभारे़ लागि चैतुन निःङ्‌गेॽओ सॽमनाबा किलो तुक्‍सि फेॽरुम् नु माना कुभ्रे़ःङ् चैतुन निःङ्‌गेॽ तारुर॥

ले़बि 9:1

माङ्‌थोःक्‍ना पिरुसिबा थिम् ये़त्‍छिगेक्‍पा ये़न् के़रे़ल्‍ले़ मोसाःल्‍ले़ हारुने़न्, खे़ल्‍ले़ कुस्‍साहाॽ नु इस्राइलबा लाम्‍लोबाहाॽ उःत्तुसि॥

लाम्‍दिक् 29:37

नुसि ये़न् थारिक् ले़त्ति तोःम्‍मादे़न्‍निन्‍ले़ लागि खे़ने़ॽ लायोलाम् ले़प्‍मि नाःक्‍मा याःम्‍बक् चोगे़ॽर पत्‍छे़ॽ, हे़क्‍क्‍याङ् खे़न् सेसे चोगे़ॽ॥ अक्‍खेलॽरिक् ले़त्ति तोःम्‍मादे़न्‍निन् साॽरिक् सेसे पोङ्‌ॽ॥ थे़मा थे़माहाॽरे़ खे़न् ले़त्ति तोःम्‍मादे़न्‍निन् मे़सुसु खे़ङ्‌हाॽ सेसे मे़बोङ्‌लो॥

लाम्‍दिक् 29:35

“खे़ने़ॽ आङ्‌गाॽ पिने़बा के़रे़क् इङ्‌जाङ्‌हाॽ कुइसिक् हारुने़न् नु खुने़ॽ कुस्‍साहाॽरे़ लागि चोगे़ॽ॥ नुसि ये़न् थारिक्‍ले़ खे़ङ्‌हाॽ युक्‍तिङ् चोगे़से़ॽ॥