ले़बि 14:8 - लिम्बु8 “खे़न् सुत्थो पोङ्मा के़बोङ्बे़ल्ले़ खुने़ॽ कुजाङ्ङिन् वाहप्तुर, हे़क्क्याङ् के़रे़क् कुधे़गेक् इःन् लिगोॽ नःक्खुआङ् वारुःम्सिङ्ल, हे़क्क्याङ् खुने़ॽ सुत्थो पोङ्ॽ॥ खे़न् एगाङ् खुने़ॽ साःङ्गाहिम्हाॽओ पेःक्ल, कर नुसि ये़न् थारिक् खुने़ॽ कुसाःङ्गाहिम्मोलाम् लाःक्कात्ते युङ्मा पोङ्ॽ॥ Gade chapit la |
ले़बि 14:8
19 Referans Kwoze
कन् वादोःक्किले़न् च्वाःत्तिङ्ग ताङ्गे़से़ःप्तिबा बप्तिस्माल्ले़ कुबि हे़क्तङ्बारो, कङ्ग थक्कोलाम् माक्ख्रक्किन् वागे़हप्तुम्बा हे़क्केग मेःन्, कर सेसे खासिङ्लाम्बा निङ्वाॽफुमाङ्ङो चोःक्मनाबा माङ्हे़क्लो॥ हे़क्क्याङ् खे़न् सेसे खासिङ्ङिङ्ग ये़सु ख्रिस्ते़न् सिमे़न्लाम् याम्मो हिङे़बालाम् तारो॥
खे़ङ्हाॽ सुत्थो चोःक्मासिरे़ लागि खे़ने़ॽ अक्खे चोगे़ॽ—खे़ङ्हाॽरे़ खुन्छिॽ सम्धाङ् सुत्थो चोःक्सिङ्मा च्वाःत्तिन् साक्खे़ॽ, हे़क्क्याङ् खे़ङ्हाॽरे़ खुन्छिॽ थक्कोबा के़रे़क् मुरिक्हाॽ मे़नःक्सुआङ् खुन्छिॽ आप्फेक् आप्फेक् चाङ्हाॽ वामे़हप्तुर हे़क्क्याङ् खे़ङ्हाॽ सुत्थो मे़बोङ्ल॥
उज्जियाह हाङ्ङिन् खुने़ॽ कुसिमा ये़न् थे़म्बाए लोगेॽ तुक्मे़ल्ले़ तरु॥ खुने़ॽ लाःत्लाःत् हिम्मो लोगेॽ पारामा तुक्मे़ल्ले़ के़दम्बा पोःक्खे़आङ् युङ्मा हेःक्ते़॥ यहवे दाङ्बे़ल्ले़ कुहिम्मो खुने़ॽ लाःप्मा मे़घोसे़न्॥ हाङ्जुम्मोबा के़रे़क् याःम्बक्हाॽलाम् खुने़ॽ मे़से़न्दु॥ हे़क्क्याङ् खुने़ॽ कुस्सा योतामे़ल्ले़ हाङ्हिम्मिन् ओमे़प्मा याःम्बक् चोगुआङ् लाजेॽओ हाङ्युक् चोःक्मा हेःक्तु॥
Piblisite