मे़रिङ् साप्‍पन् 5:2 - लिम्‍बु

² आनिगे याङ्‌साकुन्‍धेहाॽ वेॽहाॽरे़न् पोःक्‍खे़आङ् वाॽरो, आनिगे हिम्‍हाॽ वेॽ लाजेॽबाहाॽरे़न् पोःक्‍खे़आङ् ने़रो॥

मे़रिङ् साप्‍पन् 5:2 Referans Kwoze

सपन्‍याह 1:13

खे़ङ्‌हाॽरे़ खुन्‍छिॽ याङ्‌साकुन्‍धेहाॽ मे़नाप्‍तुसिरो, खे़ङ्‌हाॽरे़ खुन्‍छिॽ हिम्‍हाॽ मे़लुःन्‍दुरो॥ खे़ङ्‌हाॽरे़ हिम्‍हाॽ मे़जोगुॽ कर खे़प्‍मो युङ्‌मा मे़ङ्‌घोने़न्‍लो खे़ङ्‌हाॽरे़ चे़ल्‍ले़क्‍सेॽ इक्‍ताप्‍हाॽ मे़लेःत्तुरो कर खे़न् लाम्‍बा चे़ल्‍ले़क्‍सेॽ थि थुङ्‌मा मे़ङ्‌घोसुन्‍लो॥”

यसैया 1:7

खिनिॽ लाजेन् चिजि खक्‍खक् पोःक्‍खे़आङ् ने़रो, खिनिॽ पाङ्‌जुम्‍हाॽग आम्‍भा खे़निॽ तगिए वेॽ लाजेॽबा मनाहाॽरे़ मिमे़धिक्‍खुआङ् ने़रो॥ वेॽ लाजेॽबा मनाहाॽरे़ मे़मे़क्‍सुबा कुइसिक् खे़न् ते़न्‍निन् चिजि खक्‍खक् पोःक्‍खे़आङ् ने़रो॥

इजकिएल 7:24

खे़ङ्‌हाॽरे़ खुन्‍छिॽ हिम्‍धाःङ्‌हाॽ युक्‍मारे़ लागि के़रे़क्‍नुःल्‍ले़ कुॽइगे़भे़म्‍बा मे़न्‍छाम् सुवाङ्‌हाॽ तारुङ्‌सिङ्‌लो॥ खे़ङ्‌हाॽरे़ मे़हे़न्‍दुबा खुन्‍छिॽ मुक्‍साम्‍मिन् मे़क्‍खुङ्‌लो खम्‍भ्‍याङ् खे़ङ्‌हाॽरे़ खुन्‍छिॽ सेसेदे़न्‍हाॽ आसुत्‍थो चोगुङ्‌लो॥

इजकिएल 7:21

साॽरिक् कुॽइगे़भे़म्‍बा वेॽ लाजेॽबा सुवाङ्‌हाॽरे़ चिगक्‌वा हे़क्‍के आङ्‌गाॽ कन् मे़नाप्‍तुर याःन्‍दुङ्‌लो, हे़क्‍क्‍याङ् खे़ङ्‌हाॽरे़ कन् आसुत्‍थो मे़जोगुरो॥

यर्मिया 6:12

खे़ङ्‌हाॽरे़ खुन्‍छिॽ हिम्‍धाःङ्‌हाॽ वेॽहाॽरे़ मे़देॽरुरो हे़क्‍क्‍याङ् खुन्‍छिॽ इक्‍ताप्‍हाॽ नु मेःत्‍हाॽआङ् वेॽहाॽरे़ मे़देॽरु मे़बिरुसिरो॥ आङ्‌गाॽ मुक्‍साम्‍साबा आहुक्‍किन् सन्‍छुङ्‌लो हे़क्‍केःल्‍ले़ कन् के़रे़क् पाःन्‍हाॽ लाजेॽओ के़युङ्‌बा मनाहाॽओ के़त्‍लो॥ आङ्‌गाॽ यहवे दाङ्‌बे़ल्‍ले़ कन् पाःन्‍निन् पाःत्तुङ्‌लो॥

यसैया 63:18

खे़ने़ॽ के़सेसे मनाहाॽरे़ सप्‍फारे़ लागिरक् के़सेसेदे़न्‍निन् लक् मे़घोसुरो, कर आल्‍लोग आनिगे निङ्‌मिहाॽरे़ खे़न् खाप्‍पुथ्‍यःङ् मे़जोगुरो॥

यसैया 5:17

खे़ब्‍याङ् मे़ल्‍लुक्‍हाॽ आबाङे चाराम्‍दे़न्‍नो हे़क्‍के चारामे़राम्‍लो, हे़क्‍क्‍याङ् थुःम्‍बाहाॽरे़ग याङ्‌साकुन्‍धेसाबाहाॽरे़ खुन्‍छिॽ के़लुःम्‍बा नु के़यम्‍बा के़याःक्‍पा लुम्‍मो मे़जरो॥

निङ्‌वाॽफु साम्‍लोसुम् 109:11

खे़ल्‍ले़ कत्तुबा काक् याङ्‌साकुन्‍धेन् सिङ्‌नात् के़बिबाल्‍ले़ तेॽरुनिरो, खे़ल्‍ले़ स्‍याङ्‌मे़न्‍दाङ् चोगुबा पाःन्‍हाॽ याप्‍मिहाॽरे़ मे़नाप्‍तुनिरो॥

यर्मिया 17:4

आङ्‌गाॽ खे़निॽ खोमा लक् हे़क्‍के पिनिङ्‌बा लाजेन् खे़निॽ ले़प्‍मा पोङ्‌लो हे़क्‍क्‍याङ् कुसिङ् के़न्‍निःत्तुम्‍मिन्‍बा लाजेॽओ खे़निॽ निङ्‌मिहाॽरे़ खुन्‍छिॽ याःम्‍बक् चोःक्‍मा पाङ्‌निङ्‌लो थेआङ्‌भे़ल्‍ले़ आङ्‌गाॽ आसिक्‍के़न् मि पोःक्‍खे़आङ् वाॽरो हे़क्‍क्‍याङ् खे़न् हुरुहुरुना सदादिङ् तिःत्‍लो॥”

होसे 8:7

“खे़ङ्‌हाॽरे़ साम्‍मित् केजङ्‌ङिन् मे़हेॽरुरो, हे़क्‍क्‍याङ् के़इक्‍सिङ्‌बा सुरित् केजङ्‌ङिन् मे़सुप्‍सुसिरो॥ इक्‍ताप्‍पोबा चालाङ्‌ङो कुदाप्‍मा मे़धोःक्‍ने़न्‍लो, खे़ल्‍ले़ थेआङ् कुजाॽआङ् मे़धोःक्‍ने़न्‍लो थोःक्‍साङ् वेॽ लाजेॽबाहाॽरे़ खे़न् मे़लरु मे़देसुरो॥

होसे 8:8

इस्राइले़न् मे़लरु मे़देसुआङ् ने़रो, आल्‍ल खे़न् मे़न्‍छाम् सुवाङ्‌हाॽरे़ खुन्‍छिॽ लुम्‍मो हने़बा खप्‍प्‍या हे़क्‍तङ्‌बा पोःक्‍खे़आङ् ने़रो॥