मे़रिङ् साप्पन् 4:16 - लिम्बु16 यहवे दाङ्बे़ल्ले़ए खे़ङ्हाॽ फुत्लुम् से़सुदेसुसिआङ् मे़वाॽरो, खुने़ॽ आल्ल याम्मो आभे़ल्ले़आङ् खे़ङ्हाॽ निनि मे़लाप्तुसिन्लो॥ निङ्वाॽफुसाम्बाहाॽ मिङ्सो इङ्धाङ् ओसेःन्मे़धाक्तुसिन्लो, हे़क्क्याङ् लाम्लोबाहाॽआङ् लुङ्माॽ मे़दुक्तुसिन्लो॥ Gade chapit la |
मे़रिङ् साप्पन् 4:16
20 Referans Kwoze
कन् कुसङ् माङ्हुप्पिङ्ग मिस्रलाम् आहुक्किल्ले़ ते़म्सुङ्सिङ्ङाङ् लाम्लोसुङ् लःत्तुङ्सिङ्बाहाॽरे़ खुनिॽ थाःक्थे़बाहाॽनु चोगुङ्बा माङ्हुप्पिन् कुइसिक् मे़बोङ्ने़ल्लो॥ थेआङ्भे़ल्ले़ खे़ङ्हाॽग इङ्गाॽ चोगुङ्बा माङ्हुप्पो नसाःन्साबा मे़म्बोःक्खे़न् हे़क्क्याङ् कम्ब्राङ् मे़प्मा ले़रुङ्सिङ्लो लॽरिक् यहवे दाङ्बाल्ले़ पाःत्तुॽरो॥
खुने़ॽ खे़ङ्हाॽरे़ खुन्छिॽ तक्ले़ङ्वाओ बेबिलोनबा हाङ्ङिन् फे़त्तु, खे़ल्ले़ सेसेदे़न्नोए खे़ङ्हाॽरे़ खुन्छिॽ थाङ्बे़न् मनाहाॽ ताभेःल्ले़ च्ये़प्तु स्ये़रुसि, हे़क्क्याङ् नालिगे़न् थाङ्बे़न्, सिसागे़न् मे़न्छ्या, काप्पोबा इग्र तुम्भाक्सा आत्तिन्हाॽआङ् मे़दाङ्घुसिन्॥ निङ्वाॽफुमाङ्ङिल्ले़ खे़ङ्हाॽ खक्पे़त् नबुकदनेसरे़ल्ले़ कुहुक्को थासुसि॥
खे़ङ्हाॽरे़ खुन्छिॽ सिक्पोःक्मो साङ्ग्राःल्ले़ ते़त्तुसिररो, थेआङ्भे़ल्ले़ खे़न् किप्मा के़घुबा चोक्लो, खे़ङ्हाॽरे़ खुन्छिॽ साक्के़न् चम्मो, थेआङ्भे़ल्ले़ खे़ङ्हाॽ सिक्तोःक्ना चोःक्सिरो॥ खे़ङ्हाॽ आङ्गाॽ याकुबरे़ओ से़सुङ्देसुसिङ्ॽ, हे़क्क्याङ् इस्राइलओ खे़ङ्हाॽ फुत्छिङ्छ्याःङ् से़सुसिङ्ॽ॥
खुने़ॽ माङ्से़वा मे़प्मा साःङ्गाहिम्मिन् इक्ताप्पोबा तक्तक्वा हिम् कुइसिक् थ्यःङ् यन्छुदेसुरो, खुने़ॽ कुदुम्मादे़न्निन् खाप्पुथ्यःङ् चोगुरो॥ यहवे दाङ्बे़ल्ले़ सियोनओ निःन्धो के़बोङ्बा तङ्नाम् नु सबाथहाॽ के़रे़क् निङ्वाॽसोक्किल्ले़ कुमिङ् मासुरो॥ खुने़ॽ चाॽरिक् किप्मागे़घुबा कुसिक् पोःक्मो खुने़ॽ हाङ्ङिन् नु निङ्वाॽफुसाम्बे़न् ने़प्माङ् नाॽरुसिरो॥
मनाहाॽरे़ मे़दुमुबा तुक्खे हे़क्तङ्बाए निङ्वाॽफुसाम्बाहाॽरे़आङ् मे़दुमुरो, से़वारोबाहाॽरे़ मे़दुमुबा कुइसिक् खुन्छिॽ दाङ्बाहाॽरे़आङ् मे़दुमुरो, सेवारोमाल्ले़ तुमुबा हे़क्केए कुन्दाङ्मे़ल्ले़आङ् तुमुरो, हे़क्क्याङ् चिगक्वा के़इङ्बाहाॽरे़ मे़दुमुबा हे़क्केए के़सङ्बाहाॽरे़आङ् मे़दुमुरो, थे़त्लङ् के़लक्पे़ल्ले़ तुमुबा कुइसिःक्के थे़त्लङ् के़बिबे़ल्ले़आङ् तुमुरो॥ सिङ्नात् के़देॽबाहाॽरे़ मे़दुमुबा हे़क्केए सिङ्नात् के़बिबाहाॽरे़आङ् तुक्खे मे़दुमुरो॥
आङ्गाॽ सेगुङ्सिङ्बा आमनाहाॽनु आयाक् ले़ॽरे़आङ् वयाङ्लो, हे़क्क्याङ् आङ्गाॽ खे़ङ्हाॽ आबाङे आमना हे़क्के नुरिक् मे़म्मे़प्पासिरो॥ आङ्गाॽ खे़ङ्हाॽ खे़ने़ॽ के़हुक्को थासुङ्सिङ्लो, कर खे़ङ्हाॽ खे़ने़ॽ लुङ्माॽ के़न्दुक्तुसिल्लो॥ काप्पोबा काप्मुमाहाॽआङ् खे़ने़ॽ साॽरिक् के़लिःप्पा के़गक्किन् के़गुःत्तुसिरो॥
यहवे दाङ्बाए, ओमे़त्ते़ॽओ, हे़क्क्याङ् निङ्वाॽ इःत्ते़ॽओ, आदाङ्बारे़ अक्तङ्बा तुक्खे हात् के़जाःत्तुआङ् वाॽबे? थे मे़न्छुमाहाॽरे़ खुन्छिॽ आप्फेक् फक्थुङ्मो मे़ने़स्सुसिबा, खुन्छिॽ आप्फेक् मे़गत्तुसिबा आम्ब्रे़ःङ्वा साहाॽ मे़जसिरबि? निङ्वाॽफुसाम्बाहाॽ नु माङ्निङ्वाॽपान् के़बाःप्पाहाॽ यहवे दाङ्बे़ल्ले़ कुसेसेदे़न्नो मे़स्ये़रुसिरबि?
Piblisite