मे़रिङ् साप्‍पन् 4:15 - लिम्‍बु

¹⁵ “चिःन्‍जिःन्‍गे़घुबासे! खिनिॽ पेगे़म्‍मे़ॽओ!” मनाहाॽरे़ खे़ङ्‌हाॽ मे़भे़ःक्‍तुसिर मे़मे़त्तुसिरो॥ “माःङ्‌घा पेगे़म्‍मे़ॽ! माःङ्‌घा पेगे़म्‍मे़ॽ! आनिगे आन्‍छुसे़म्‍मिन्‍ने़ॽओ!” खे़ङ्‌हाॽ के़घे़त्‍छिङ्‌बा नु ताक्‍कन्‍निबा मे़बोःक्‍खे़ल्‍ले़, मे़न्‍छाम् सुवाङ्‌बा मनाहाॽरे़ अक्‍खे मे़मे़त्तुसिरो, “आल्‍ल खे़ङ्‌हाॽ आनिगे़नु कप्‍मो मे़न्‌युङ्‌ने़न्‍लरो॥”

मे़रिङ् साप्‍पन् 4:15 Referans Kwoze

यर्मिया 49:5

मुक्‍साम्‍दाङ्‌बा यहवे दाङ्‌बे़ल्‍ले़ अक्‍खे पाःत्तुरो, “कर ओमे़त्ते़म्‍मे़ॽ, खिनिॽ लुम्‍मो आङ्‌गाॽ किमा यङ्‌मा तारुङ्‌लो॥ खिनिॽ हिम्‍बेसाङ्‌बाहाॽरे़ आप्‍फेक् लाजेॽलाम् खिनिॽ के़म्‍नाःत्ति के़म्‍देसिरो, हे़क्‍क्‍याङ् खे़ङ्‌हाॽ मे़घे़त्‍छिङ्‌ङिल्‍ले़ खे़न् मे़दे़म्‍सु मे़देॽरुसिबाहाॽ हाःत्‍ले़आङ् मे़भुक्‍खुन् मे़दारुसिन्‍लो॥

मे़रिङ् साप्‍पन् 1:3

तुक्‍खे लाक्‍खे नु के़साक्‍पा योग्‍बा चोःक्‍मा एगाङ् यहुदान् लाजेॽलाम् मे़लःत्तु मे़देॽरुआङ् वाॽरो॥ आल्‍ल खे़न् थिम्‍मे़न्‍दङ् सुवाङ्‌हाॽरे़ खुन्‍छिॽ लुम्‍मो वाॽरो, खे़ल्‍ले़ कुभा नाःम्‍सिङ्‌मादे़न् मे़घोसुन्‍लो, खे़न् के़नाःप्‍पाहाॽ के़रे़क्‍ले़ चिभिःप्‍भिःप्‍पादे़न्‍नो खे़न् मे़दे़म्‍सुआङ् वाॽरो॥