12 यरुसले़ःम्मोबा मा लाम्धेःत्हाॽओलाम् निङ्मिहाॽ नु तक्ले़ङ्वाबाहाॽ मे़लात् फाॽआङ् इक्सादिङ् खाम्बेःक्मोबा कुभा हाङ्हाॽ इग्र योॽबा लाजेॽओबा आत्तिन् मनाहाॽरे़आङ् मे़न्इःत्ते मे़वये़रो॥
यरुसले़ःम्मे, खे़ने़ॽ ने़ने़बादे़न्नोलाम् थाःङ् के़युङ्लो, ते़म्बेॽओ के़ये़प्पा पयम् यम्बा याक्पेॽ कुइसिक् के़जोःक्लो॥ कर के़दक्ले़ङ्वाओ ते़न्धङ् चोगुङ्लो॥ के़बाःत्तुम्बिला आनिगे़ओ हाःत्ताङ् तामा मे़सुक्ने़न्लो, आनिगे यक्किन् आत्तिल्ले़आङ् लुःम्मा मे़सुक्तुन्लो॥
बेबिलोनबा नबुकदनेसर हाङ्ङिल्ले़ हाङ्युक् चोगुबा थिबोङ्ङाङ् फाङ्सिगेक्पा तङ्बे, ङासिगेक्पा ला, नुसिगेक्पा ये़न्नो बेबिलोनबा हाङ्ङिल्ले़ कुसुहाङ्युक्पा हाङ् कम्ब्राङ् के़मे़प्पाहाॽरे़ खुन्छिॽ थक्मोबा नबुजरदाने़न् यरुसले़म के़रे़भे़रे़॥