ये़त्तुक्खेःल्ले़ कुसम्धाङ् ये़त्तुक्खे तारो, हे़क्क्याङ् हयङ्किल्लिङ्ले़ कुजक् हयङ्किल्लिङ् पोङ्दारो॥ माङ्निङ्वाॽपान् के़बाःप्पाहाॽलाम् लत्छा सुफोरे़ लागि खे़ङ्हाॽरे़ थेनाधे लाम् ओमे़मे़त्तुरो॥ खे़ङ्हाॽरे़ निङ्वाॽफुसाम्बाहाॽलाम् निसाम् मे़ङ्घोसुन्लो हे़क्क्याङ् लाम्लोबाहाॽलाम् खे़ङ्हाॽरे़ सुजा मे़ङ्घोसुन्लो॥
मे़रिङ् साप्पन् 2:9 - लिम्बु9 यम्बा लाम्धेःत्हाॽ खाम्बाङ्ङो निमे़रो, खुने़ॽ खे़ल्ले़ कुए़प्माहाॽ यसुआङ् कुम्जिक्मा चोगुरो॥ हाङ्ङिन् नु लाम्लोबाहाॽ वेॽ मे़न्छाम् सुवाङ्हाॽरे़ खुन्छिॽ लुम्मो लाजेॽलाम् मे़लःत्तु मे़देॽरुसिआङ् मे़वाॽरो, हे़क्क्याङ् साम्योथिम् इङ्जाङ्ङिन् मे़न्हुॽरुन्सिन्लो॥ खे़ब्याङ् खे़ल्ले़ कुमाङ्निङ्वाॽपान् के़बाःप्पाहाॽरे़आङ् यहवे दाङ्बे़न्लाम् थे़माआङ् सुफो मे़ङ्घोसुन्लो॥ Gade chapit la |
मे़रिङ् साप्पन् 2:9
27 Referans Kwoze
खे़न् पुङ्लाहिम्लाम्बा के़हिङ्बाआङ् यहुदा ते़ङ्गप्पो के़नुःङ्बा के़भे़म्बा यहुदिहाॽ पयम् यम्बा सिरिङ्ममो मे़ध्ये़आङ् मे़याक्॥ यरुसले़ःम्बा लुङ्धाक्हाॽ लुःन्दे़आङ् ने़ःॽ हे़क्क्याङ् मिःल्ले़ खाप्पुथ्यःङ् पोःक्खे़बा ये़न्नाङ्धो आइन् थारिक् खे़ॽयोबा यम्बा लाम्धेःप्पाहाॽ मे़न्जोःक्के ने़रो फाॽआङ् खे़ङ्हाॽरे़ आङ्गाॽ मे़मे़त्ताङ्॥
खे़ल्ले़ मुक्कुम्बा कुधक्सुबाहाॽ याम्मो थङ् मे़न्जोःक्ने़न्लो॥ खे़ङ्हाॽ थक्सुबा यक्हाॽओ मे़युङ् मे़गन्लो, खे़ङ्हाॽरे़ खुन्छिॽ आःन्छिङ्मान् मये़बेरो॥ खे़ङ्हाॽ मे़न्छुमा हे़क्तङ्मा मे़बोःक्खे़आङ् मे़वाॽरो॥ लाजेॽ के़लिबाहाॽरे़ हिम्हाॽ मिमे़धिक्खुआङ् ने़रो हे़क्क्याङ् ये़क्यक्कोबा पयम् लाम्धेःप्पाहाॽ मे़लुःन्दुरो॥
“चिःन्जिःन्गे़घुबासे! खिनिॽ पेगे़म्मे़ॽओ!” मनाहाॽरे़ खे़ङ्हाॽ मे़भे़ःक्तुसिर मे़मे़त्तुसिरो॥ “माःङ्घा पेगे़म्मे़ॽ! माःङ्घा पेगे़म्मे़ॽ! आनिगे आन्छुसे़म्मिन्ने़ॽओ!” खे़ङ्हाॽ के़घे़त्छिङ्बा नु ताक्कन्निबा मे़बोःक्खे़ल्ले़, मे़न्छाम् सुवाङ्बा मनाहाॽरे़ अक्खे मे़मे़त्तुसिरो, “आल्ल खे़ङ्हाॽ आनिगे़नु कप्मो मे़न्युङ्ने़न्लरो॥”
कर यहवे दाङ्बे़ल्ले़ आङ्गाॽ नुगप् पिराङ्, “माङ्निङ्वाॽपान् के़बाःप्पाहाॽरे़ आमिङ्ङो इङ्ले़क् पान् मे़बाःत्तुर मे़बत्॥ खे़ङ्हाॽ आङ्गाॽ पाङ्घुङ्सिङ्बा मेःन्॥ खे़ङ्हाॽनु आङ्गाॽ लत्छा पाःन्नाङ् मे़म्बाःत्ते वाॽआ, हे़क्क्याङ् थेआङ् इङ्जाङ् पिरुङ्सिङ्बा होप्॥ खे़ङ्हाॽरे़ आङ्गाॽ मे़बिरुङ्सिङ्ङिम्बा इङ्ले़क् सुफो पाःन्हाॽरे़ कुयाःम्बेओ मे़बाःत्तुॽ॥ खे़ङ्हाॽरे़ खुन्छिॽ निङ्वाॽओबा हने़बा सुप्फो, नु खाइक्माहाॽरक् माङ्निङ्वाॽपान् मे़बाःत्तुॽ॥
मुक्साम्दाङ्बा यहवे दाङ्बे़ल्ले़ यरुसले़ःम्मोबा मनाहाॽ अक्खे मे़त्तुसिरो, “माङ्निङ्वाॽपान् के़बाःप्पाहाॽरे़ खुन्छिॽ पाःन्निन् खिनिॽ मे़घे़प्से़म्मिन्ने़ॽओ, खे़ङ्हाॽरे़ खिनिॽ इङ्ले़क् निङ्साङ् चोःक्मा के़म्बाङ्घिरो॥ खे़न् पाःन्हाॽ यहवे दाङ्बे़ल्ले़ पाःत्तुबा मेःन्लो कर खे़ङ्हाॽरे़ आबाङे मुरा नु निङ्वाॽओबा पाःन्हाॽ खिनिॽ के़म्जे़क्तिरो॥
Piblisite