कन् इङ्घङ्ङिन् इस्राइलबा हिम्सयङ्हाॽ मे़त्ते़से़ॽ, ‘मुक्साम्दाङ्बा यहवे दाङ्बे़ल्ले़ अक्खे पाःत्तुॽ—खिनिॽ कम्ब्राङ् मे़प्मालाम् नु खिनिॽ ने़बो पप्मा, खिनिॽ सिक्कुम् निङ्वाॽ सःप्मादे़न्, आङ्गाॽ आहिम्मिन् आसुत्थो चोगुङ्ॽ॥ यहुदाओ के़ले़रुम् के़धाम्सिम्बा खिनिॽ ये़म्बित्छासाहाॽ नु मे़न्छुमा साहाॽ ताभेःल्ले़ मे़से़रुसिॽ॥
मे़रिङ् साप्पन् 2:7 - लिम्बु7 दाङ्बे़ल्ले़ खुने़ॽओ ले़त्ति तोःम्मादे़न्निन् नाॽरुआङ् ने़रो, खुने़ॽ कुसेसेदे़न्निन् लाप्फेसुआङ् ने़रो॥ खुने़ॽ खे़प्मो के़ने़बा हाङ्हिम्मोबा लुङ्धाक्हाॽ निङ्मिहाॽरे़ खुन्छिॽ हुक्को पिरुसिआङ् ने़रो॥ खे़ङ्हाॽरे़ यहवे दाङ्बे़ल्ले़ कुहिम्मोए निःन्धो के़बोङ्बा तङ्नाम्मोबा ये़न् कुइसिक् मे़जोगुआङ् ने़रो॥ Gade chapit la |
मे़रिङ् साप्पन् 2:7
31 Referans Kwoze
यहवे दाङ्बे़न् निङ्मि कुइसिक् पोःक्खे़आङ् वाॽरो, खुने़ॽ इस्राइले़न् खाप्पुथ्यःङ् चोगुआङ् ने़रो॥ खुने़ॽ के़रे़क् हाङ्हिम्हाॽ फुत्लुम् थ्यःङ् चोगुरो, के़रे़क् यक्हाॽ थुप्सु लुःन्दुदेसुरो॥ खुने़ॽ यहुदाःल्ले़ कुस्सा मे़न्छुमाःल्ले़ कुनिङ्वाॽ तुक्खे चामे़न् नु कुमे़रिङ्ङे़न् फोसु पिरुरो॥
आयाक्को यहवे दाङ्बे़ल्ले़ कुसिक् पोःक्मो सियोनरे़ कुस्सा मे़न्छुमान् माक्सिःङ्ग्याःप्पा खामाक्मे़ल्ले़ सुःप्तुआङ् पत्लो! इस्राइलरे़ कुहाङ्वा कुमाङ्वान् खुने़ॽ ताङ्साङ्बोलाम् इक्सादिङ् खाम्बेःक्मो मक्थाःन्दुआङ् वाॽरो॥ खुने़ॽ कुसिक् पोगे़बा ये़न्नो आप्फेक् कुलाङ्तोॽभेत् सियोने़न्नाङ् खुने़ॽ निङ्वाॽ इःत्तुबा होप्लो॥
हे़क्क्याङ् बेबिलोन्बाहाॽ लुङ्धाक् लाःक्कात् कब्रिङ् मे़ये़प्, खे़ङ्हाॽ मे़लाःत्ताङ् कन् ये़क्यक्किन् खा मि फुल्लुम् मे़याक्तुॽ॥ मनाहाॽरे़ खुन्छिॽ हिम्मोबा आःम्भोॽओ बाल साम्माङ्हाॽओ ससिङ् सुक्पा मे़हाःन्दु हे़क्क्याङ् वेॽ साम्माङ्हाॽओ सेजःङ्वा सिदुङ्जभा मे़दोन्दुआङ् आङ्गाॽ आसिक् मे़भोक्खुआङ् वये़॥ खे़ल्ले़चोगुल्ले़ खे़न् हिम्हाॽआङ् कन् ये़क्यक्किन्नु सोरिक् बेबिलोनबा थक्सुबाहाॽरे़ मिमे़धिक्खुआङ् खाप्पुथ्यःङ् मे़जोगु॥
“हिजकियान् यहुदाबा हाङ् वये़ल्ले़ मोरेसेतलाम् के़दाबा माङ्निङ्वाॽपान् के़बाःप्पा मिकाःल्ले़ के़रे़क् मनाहाॽ कन् कुबाःन्जाक्किन् अक्खे मे़त्तुसि, मुक्साम्दाङ्बा यहवे दाङ्बे़ल्ले़ अक्खे पाःत्तुरो, “‘इक्ताप्पिन् के़क्चु थोङ्मनाबा हे़क्के सियोने़न् मे़दोःक्खुरो, यरुसले़ःम्मिन् लुःन्नाङ् लुङ्सिङ्हाॽ लुम्सिङ्लो हे़क्क्याङ् माङ्हिम्मोबा कोःक्मा फाङ्जङ्हाॽ ताम्भुङ् पोःक्ला के़बोबा के़धाङ्बा थुप्थाॽ कुइसिक् पोङ्लो॥’
खे़ङ्हाॽरे़ यहवे दाङ्बे़ल्ले़ कुहिम्मे़न् फुत्लुम् मिमे़धिक्खु मे़देसु हे़क्क्याङ् यरुसले़म ये़क्यक्कोबा लुङ्धाक्किन् मे़लुःन्दु मे़देसु॥ खे़ङ्हाॽरे़ ये़क्यक्कोबा यम्बयम्बा हिम्हाॽ के़रे़क् मिमे़धिक्खु मे़देसु खम्भ्याङ् खे़प्मोबा के़रे़क् कुमे़न् के़घिःक्पा चिगक्वा सामाहाॽ खाप्पुथ्यःङ् मे़जोगु॥
“यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, ‘लुङ्धाक् लाःक्कात् खे़ने़ॽ किर्गप् के़गप्पाआङ् के़ये़प्पा बेबिलोनबा हाङ्ङिन् नु थक्सुबाहाॽरे़ खुन्छिॽ तक्ले़ङ्वाओ थक्मारे़ लागि खे़ने़ॽ के़हुक्को के़गत्तुबा फे़जाफे़युम्हाॽ हाबा खे़ने़ॽ के़दक्ले़ङ्वाओ नुःक्तुङ्ॽ॥ आङ्गाॽ खे़ङ्हाॽ फुक्खुङ्सिङ्ङाङ् ये़क्यक् सिगाङ् तारुङ्सिङ्ॽ॥
निःन्धो के़बोङ्बा तङ्नाम्हाॽओ आत्तिन्नाङ् मे़दाने़न्बाल्ले़ चोगुल्ले़ सियोन के़बेःक्पा लाम्हाॽ हाःप् चिङ्ल ने़रो, खे़ल्ले़ के़रे़क् मा कुलाम्धेःत्हाॽ चिजि खक्खक् पोःक्खे़आङ् ने़रो, खे़ल्ले़ कुनिङ्वाॽफुसाम्बाहाॽ सक्मारक् मे़सोःन्छिङ्लो॥ खे़प्मोबा सिसागे़न् मे़न्छ्याहाॽ निङ्वाॽ तुक्खे चामो मे़ध्ये़आङ् मे़वाॽरो, खे़ब्याङ् खे़न् के़साक्पा तुक्मा याःप्मो थ्ये़आङ् ने़रो॥
Piblisite