मे़रिङ् साप्पन् 2:6 - लिम्बु6 खुने़ॽ माङ्से़वा मे़प्मा साःङ्गाहिम्मिन् इक्ताप्पोबा तक्तक्वा हिम् कुइसिक् थ्यःङ् यन्छुदेसुरो, खुने़ॽ कुदुम्मादे़न्निन् खाप्पुथ्यःङ् चोगुरो॥ यहवे दाङ्बे़ल्ले़ सियोनओ निःन्धो के़बोङ्बा तङ्नाम् नु सबाथहाॽ के़रे़क् निङ्वाॽसोक्किल्ले़ कुमिङ् मासुरो॥ खुने़ॽ चाॽरिक् किप्मागे़घुबा कुसिक् पोःक्मो खुने़ॽ हाङ्ङिन् नु निङ्वाॽफुसाम्बे़न् ने़प्माङ् नाॽरुसिरो॥ Gade chapit la |
मे़रिङ् साप्पन् 2:6
25 Referans Kwoze
निःन्धो के़बोङ्बा तङ्नाम्हाॽओ आत्तिन्नाङ् मे़दाने़न्बाल्ले़ चोगुल्ले़ सियोन के़बेःक्पा लाम्हाॽ हाःप् चिङ्ल ने़रो, खे़ल्ले़ के़रे़क् मा कुलाम्धेःत्हाॽ चिजि खक्खक् पोःक्खे़आङ् ने़रो, खे़ल्ले़ कुनिङ्वाॽफुसाम्बाहाॽ सक्मारक् मे़सोःन्छिङ्लो॥ खे़प्मोबा सिसागे़न् मे़न्छ्याहाॽ निङ्वाॽ तुक्खे चामो मे़ध्ये़आङ् मे़वाॽरो, खे़ब्याङ् खे़न् के़साक्पा तुक्मा याःप्मो थ्ये़आङ् ने़रो॥
आल्ल आङ्गाॽ आजे़ल्ले़क्सेॽ इक्किन् थे़मा चोगुङ्ॽ, आङ्गाॽ खे़ल्ले़ कुयाःम्बेओ खे़निॽ मे़त्निङ्लो— आङ्गाॽ खे़ॽयो फाङ्मनाआङ् के़बप्पा कुधेःक्माहाॽ हाॽयाक् वयाक् आःक्खुङ्देसुङ्लो, हे़क्क्याङ् खे़न् खाप्पुथ्यःङ् पोङ्लो॥ खे़न् चे़ल्ले़क्सेॽ इक्किन् थेःक्मारे़ लागि से़प्मनाबा लुङ्धाक्हाॽ लुःन्दुङ्देसुङ्लो, खे़म्ब्याङ् खे़न् चे़ल्ले़क्सेॽ इक्किन् चिराक् चिराक् मे़लाःक्तुरो॥
“कर खे़ङ्हाॽ आङ्गाॽ आइङ्जाङ्ङिन् इःप्मा नाःप्मा मे़न्दे़न्ने़न् हे़क्क्याङ् खे़न् ये़न्नो खे़ङ्हाॽ कुभा के़लिःप्पा कक् मे़गुःत्छिङ्ङाङ् यरुसले़ःम्मोबा मा लाम्धेःप्पाहाॽओलाम् सिगाङ् नु लाःक्कात् मे़लॽ हे़क्क्याङ् खे़ङ्हाॽरे़ नाःम्सिङ्मा ये़न्निन् सेसे ये़न् फाॽआङ् मे़न्ने़त्तुन्ने़भग्र आङ्गाॽ यरुसले़ःम्मोबा मालाम्धेःत्हाॽओ मि केःत्तुङ्ॽ॥ यरुसले़ःम्मोबा हाङ्यक्हाॽ मिःल्ले़ खाप्पुथ्यःङ् पोङ्ॽ हे़क्क्याङ् मिन् आत्तिल्ले़आङ् से़प्मा मे़सुक्तुन्लो॥”
“मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, ‘आक्खेलॽरिक् आङ्गाॽ आसिक् पोःक्मे़न् नु साॽरिक् आयाःक्ले़ॽमान् यरुसले़ःम्बा मनाहाॽरे़ खुन्छिॽ सम्धाङ् थ्ये़आङ् वये़, हे़क्केलॽरिक्के खिनिॽ मिस्र लाजेॽओ के़लासिल्ले़ खे़न् आङ्गाॽ साॽरिक् आसिक् पोःक्मे़न् नु आयाःक्ले़ॽमान् खिनिॽ सम्धाङ् थारो॥ मे़क्मासिमा, किप्मागे़घुबा, माङ्दे साङ्ग्रा नु चे़क्या इङ्दो पाःन्निल्ले़ आप्तिक् चाहाक् के़बोःक्खिॽ॥ हे़क्क्याङ् खिनिॽ आबाङे लाजेन् खिनिॽ याम्मो आभे़ल्ले़आङ् के़न्निसुम्मिन्ॽ॥’
Piblisite