याकुबरे़ के़रे़क् कुवाॽमा कुयुङ्मादे़न्हाॽ यहवे दाङ्बे़ल्ले़ आक्खे़न्नाङ् कुलुङ्माॽ स्याःत् मे़ल्लॽए खाप्पुथ्यःङ् चोगुरो॥ खुने़ॽ कुसाक्के़न् पोगे़बाओ यहुदाःल्ले़ कुस्सा मे़न्छुमाःल्ले़ खुन्छिॽ यक्हाॽ फुत्लुम् थ्यःङ् लुःन्दु पिरुसिरो॥ खे़न् हाङ्जुम्मिन् नु खे़ल्ले़ कुलाम्लोबाहाॽ खुने़ॽ खाम्बाङ्ङो सोःन्दुसिआङ् कुनामे़न्छाॽ मे़त्तुसिरो॥
मे़रिङ् साप्पन् 2:5 - लिम्बु5 यहवे दाङ्बे़न् निङ्मि कुइसिक् पोःक्खे़आङ् वाॽरो, खुने़ॽ इस्राइले़न् खाप्पुथ्यःङ् चोगुआङ् ने़रो॥ खुने़ॽ के़रे़क् हाङ्हिम्हाॽ फुत्लुम् थ्यःङ् चोगुरो, के़रे़क् यक्हाॽ थुप्सु लुःन्दुदेसुरो॥ खुने़ॽ यहुदाःल्ले़ कुस्सा मे़न्छुमाःल्ले़ कुनिङ्वाॽ तुक्खे चामे़न् नु कुमे़रिङ्ङे़न् फोसु पिरुरो॥ Gade chapit la |
मे़रिङ् साप्पन् 2:5
17 Referans Kwoze
खिनिॽ लुङ्माॽ के़दुक्पा के़रे़क्ले़ खिनिॽ निङ्वाॽ के़म्भेःत्छिरो, खे़ङ्हाॽरे़ खिनिॽ थेआङ् कम्ब्राङ् के़मे़म्मे़त्तिन्लो॥ आङ्गाॽ निङ्मिहाॽ कुइसिक् खिनिॽ तुक्खे चाःत्निङ्लो॥ खिनिॽ सम्धाङ् के़साक्पा खुम्दिङ्ङिन् चुक्ते़आङ् वाॽरो थेआङ्भे़ल्ले़ खिनिॽ लायोहाॽ यरिक् वाॽरो हे़क्क्याङ् खिनिॽ कुॽइभे़म्मे़न् साॽरिक् यम्बा चोक्लो॥
निङ्मि कुइसिक् खुने़ॽ लिओ पे़रे़ःन्जोःन् फत्छुआङ् पत्लो, आअत्अप्पा कुइसिक् खुने़ॽ तक्पे़त् ये़म्सिङ्ङाङ् ये़प्लो॥ मिक्के़ल्ले़ निसुल्ले़ के़वाॽबा सिराॽगे़धाङ्बा पाःन्हाॽ खुने़ॽ निङ्मि हे़क्के के़रे़क् वरे़ङ्ले़ङ् मे़क्खुरो॥ सियोनरे़ कुस्सा मे़न्छुमाःल्ले़ कुसाःङ्गाहिम्मो खुने़ॽ कुसाक्के़न्निन् मि हे़क्के थासुआङ् वाॽरो॥
“यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, ‘लुङ्धाक् लाःक्कात् खे़ने़ॽ किर्गप् के़गप्पाआङ् के़ये़प्पा बेबिलोनबा हाङ्ङिन् नु थक्सुबाहाॽरे़ खुन्छिॽ तक्ले़ङ्वाओ थक्मारे़ लागि खे़ने़ॽ के़हुक्को के़गत्तुबा फे़जाफे़युम्हाॽ हाबा खे़ने़ॽ के़दक्ले़ङ्वाओ नुःक्तुङ्ॽ॥ आङ्गाॽ खे़ङ्हाॽ फुक्खुङ्सिङ्ङाङ् ये़क्यक् सिगाङ् तारुङ्सिङ्ॽ॥
Piblisite