खुने़ॽ खे़ङ्हाॽरे़ खुन्छिॽ तक्ले़ङ्वाओ बेबिलोनबा हाङ्ङिन् फे़त्तु, खे़ल्ले़ सेसेदे़न्नोए खे़ङ्हाॽरे़ खुन्छिॽ थाङ्बे़न् मनाहाॽ ताभेःल्ले़ च्ये़प्तु स्ये़रुसि, हे़क्क्याङ् नालिगे़न् थाङ्बे़न्, सिसागे़न् मे़न्छ्या, काप्पोबा इग्र तुम्भाक्सा आत्तिन्हाॽआङ् मे़दाङ्घुसिन्॥ निङ्वाॽफुमाङ्ङिल्ले़ खे़ङ्हाॽ खक्पे़त् नबुकदनेसरे़ल्ले़ कुहुक्को थासुसि॥
मे़रिङ् साप्पन् 2:21 - लिम्बु21 माराम् माराम्हाॽओबा खाम्हिःक्को काप्पोबा नु थाङ्बे़न् मनाहाॽ ले़रे़म्भे़ना मे़जोःन्दे़आङ् मे़ने़रो॥ थाङ्बे़न् नु मे़न्छ्या आमनाहाॽ ताभेःल्ले़ मे़सोःन्दुसिआङ् ने़रो के़सिक् पोगे़बा ये़न्नो आदाङ्बारे़ खे़ङ्हाॽ के़स्ये़रुसिआङ् वाॽरो, लुङ्माॽ स्याःत् मे़ल्लॽए खे़ङ्हाॽ के़स्ये़रुसिआङ् वाॽरो॥ Gade chapit la |
मे़रिङ् साप्पन् 2:21
33 Referans Kwoze
थेआङ्भे़ल्ले़ आल्लआङ्धो लाजेॽओबा मनाहाॽ आलुङ्माॽ स्याःत् मे़ल्लॽने़न्॥ से़क्खासाङ् आङ्गाॽ के़रे़क् खुन्छिॽ आप्फेक् हिम्बेसाङ्बाहाॽरे़ खुन्छिॽ हुक्को नु खुन्छिॽ आप्फेक् हाङ्ङिल्ले़ कुहुक्को थासुङ्सिङ्ॽ॥ खे़ङ्हाॽरे़ लाजेन् मे़युक्तुॽ, हे़क्क्याङ् खे़ङ्हाॽरे़ खुन्छिॽ हुक्कोलाम् आङ्गाॽ खे़ङ्हाॽ मे़से़ःप्तुङ्सिङ्ङिन्ॽ॥”
हे़क्क्याङ् खे़न् एगाङ् आङ्गाॽ खे़ङ्हाॽ काप्पोबा तुम्भाक्साहाॽ खे़ब्याङ् थाङ्बे़न्हाॽ के़रे़क् लत्थिक् परिक्ले़ आबाङे खुन्छिॽ लुम्मो थक्खुङ्सिङ्ङाङ् फे़क्खुङ्सिङ्॥ चबे़ःत्छिक् लुङ्गुम्ले़, लुङ्माॽ स्याःत् लॽमारे़ इग्र लुङ्माॽ तुक्मासिरे़ चोगुल्ले़ आङ्गाॽ स्वाःत् मे़वाॽआन्लो॥’”
यहवे दाङ्बे़ल्ले़ थेःन् चोःक्मा निङ्सेक् चोगुआङ् वये़, खुने़ॽ थेःन् उवा चोगुआङ् वये़, आम्भा खे़न् चोःक्मा इःत्तुबे़न् के़त्तुरो॥ कुलुङ्माॽ स्याःत् मे़ल्लॽए खे़ने़ॽ चिल्ले़क् के़ले़क्खे़ के़देसे़रो, खुने़ॽ निङ्मिहाॽ खे़ने़ॽ के़सम्धाङ् मे़सःत्ते़र याःन्दुसिरो, खम्भ्याङ् के़अत् के़बाङ्हाॽ पधुम् के़धुम्बा चोगुसिरो॥
याकुबरे़ के़रे़क् कुवाॽमा कुयुङ्मादे़न्हाॽ यहवे दाङ्बे़ल्ले़ आक्खे़न्नाङ् कुलुङ्माॽ स्याःत् मे़ल्लॽए खाप्पुथ्यःङ् चोगुरो॥ खुने़ॽ कुसाक्के़न् पोगे़बाओ यहुदाःल्ले़ कुस्सा मे़न्छुमाःल्ले़ खुन्छिॽ यक्हाॽ फुत्लुम् थ्यःङ् लुःन्दु पिरुसिरो॥ खे़न् हाङ्जुम्मिन् नु खे़ल्ले़ कुलाम्लोबाहाॽ खुने़ॽ खाम्बाङ्ङो सोःन्दुसिआङ् कुनामे़न्छाॽ मे़त्तुसिरो॥
“दाङ्बे़ल्ले़ के़रे़क् आधक्सुबाहाॽ नाॽरुसिआङ् वाॽरो, आङ्गाॽ थाङ्बे़न् आमनाहाॽ तरःम्दरःम् लःम्मासिरे़ लागि आङ्गाॽ आदक्ले़ङ्वाओ के़धुम्बाहाॽ फुक्खुसिआङ् वाॽरो॥ खुने़ॽ चे़ल्ले़क्सेॽ एःम्मादे़न्नो, चे़ल्ले़क्सेॽ एःप्मनाबा हे़क्के यहवे दाङ्बे़ल्ले़ यहुदाःल्ले़ सिसागे़न् कुस्सा मे़न्छ्यान् युःत्तुआङ् वाॽरो॥
खे़ल्ले़चोगुल्ले़ आल्ल खे़ङ्हाॽरे़ खुन्छिॽ साहाॽ साक्मे़न्जाए मे़सिररो, खे़ङ्हाॽग हयङ् ते़न्धङ्ङो मे़से़रुसिररो, मे़न्छुमाहाॽरे़ खुन्छिॽ ये़म्बाहाॽ नु साहाॽ मे़मासुसिररो, ये़म्बित्छाहाॽ तुक्मा लाःक्मा मिङ्देल्ले़ मे़सिररो हे़क्क्याङ् नालिगे़न् थाङ्बे़न्हाॽ थङ्ङो मे़से़रुसिररो॥
“आङ्गाॽ खिनिॽ लुम्मो मिस्र लाजेॽओ चोगुङ्बा हे़क्के मिङ्देॽहाॽ पाङ्घुङ्लो॥ खिनिॽ थाङ्बे़न् मनाहाॽ ताभेःल्ले़ स्ये़रुङ्सिङ्लो, खिनिॽ अन्हाॽ तेॽरुङ्सिङ्ङाङ् पाङ्घुङ्देसुङ्सिङ्लो, हे़क्क्याङ् खिनिॽ थक्सुबा ने़त्ना साःङ्गाहिम्हाॽओबा कुगिःक्किन् खिनिॽ ने़बोओ थारिक्के थिम्सुङ्लो, हे़क्केसाङ् खिनिॽ आङ्गाॽ ले़प्माङ् मे़न्नुःङ्ङे के़वयिरो,” यहवे दाङ्बे़ल्ले़ उवा चोगुरो॥
“आङ्गाॽ कुहिङ्वे़त् वाॽआबा कुइसिक्, आङ्गाॽ मुक्साम्दाङ्बा यहवे दाङ्बे़ल्ले़ पाःत्तुॽ, आङ्गाॽ वरे़ङ्ले़ङ् खिनिॽ मिङ् मासुङ् पिनिङ्ॽ॥ सिक्के़ले़ःङ्बा खिनिॽ लायोहाॽ नु सिक् वयाक् के़मे़प्पा खिनिॽ चइःत्हाॽरे़ आङ्गाॽ आहिम्मिन् के़जिःन्दुम्बाल्ले़ चोगुल्ले़ चबे़ःत्छिक्काङ् आलुङ्माॽ स्याःत् के़ल्लॽरिन्ॽ॥
“यहवे दाङ्बे़न् साम्योबा चोक्लो, हे़क्केसाङ् कुदक्ले़ङ्वाओ पिफ्युङ्बा पोःक्खाङ्ङाङ् वयाङ्लो॥ के़रे़क् मे़न्छाम् सुवाङ्से, खे़प्से़म्मे़ॽओ हे़क्क्याङ् आङ्गाॽ आदुक्खेन् ओमे़त्ते़म्मे़ॽओ॥ सिसागे़न् मे़न्छ्या आमनाहाॽ नु थाङ्बे़न् आमनाहाॽ लाजेॽलाम् लाःक्कात् मे़लःत्तु मे़देॽरुसिआङ् मे़वाॽरो॥
कर खे़ने़ॽ यहुदाबा हाङ् सिदकियाहःन्, खे़ने़ॽ के़युक्साबाहाॽ, हे़क्क्याङ् ते़न्धङ्, साक्वान् नु मिङ्देॽलाम् के़हिङ्बा मनाहाॽ खक्पे़त् आङ्गाॽ नबुकदनेसर हाङ्ङिन् नु के़निङ्मिहाॽ, खे़ब्याङ् खिनिॽ मे़ङ्मा निङ्वाॽ के़जोःक्पाहाॽरे़ के़म्दे़म्सि के़म्देॽरिर चोगुङ्ॽ॥ खे़ल्ले़ खिनिॽ आत्तिन्नाङ् कुहिङ्वे़त् के़न्ले़रिन्ॽ इग्र कुलुङ्माॽ स्याःत् के़ल्लॽरिन्, कुलुङ्माॽ फ्याःङ् के़ल्लॽरिन् हे़क्क्याङ् लुङ्माॽआङ् के़न्दुक्तिन्ॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥’
यहवे दाङ्बाए, खे़ने़ॽ के़साक्के़न्निल्ले़ आङ्गाॽ मि हे़क्के थुक्कारो, आल्ल आङ्गाॽ खे़न् थम्माआङ् कप्मा मे़सुक्कान्लो॥” हे़क्क्याङ् यहवे दाङ्बे़ल्ले़ आङ्गाॽ अक्खे मे़त्ताङ्लो, “खे़न् आसिक् पोःक्मान् लाम्मो के़वाॽबा हिन्जाॽबित्छाॽहाॽ हे़क्क्याङ् थाङ्बे़न्हाॽ मे़जुम्बादे़न्नो थासे़ॽओ॥ ये़म्बा नु मेःत्हाॽ के़रे़क् मे़दे़म्सु मे़देॽरुसिरो, कुधे़गेक् के़भुप्पा काप्पोबाआङ् मे़ल्ले़रुन्छिन्लो॥
हे़क्केलॽरिक् खे़ॽयोबा चुजुक्सा सिङ्बोराःक्हाॽ हेआङ् मे़ए़क्खुरो, खे़ब्याङ् मे़न्छुमाहाॽ मे़दाआङ् मिओ सिङ् मे़हाःन्दुरो॥ थेआङ्भे़ल्ले़ कङ्हाॽग सिक्कुम् निङ्वाॽ के़होप्पा लत्छा सुवाङ्सिरो खे़ल्ले़चोगुल्ले़ खुन्छिॽ के़जोःक्पा निङ्वाॽफुमाङ्ङिल्ले़ खे़ङ्हाॽ लुङ्माॽ मे़दुक्तुसिन्लो खे़ब्याङ् खुन्छिॽ नावागे़न् चइःत् के़जोक्पे़न् खे़ङ्हाॽओ कुलुङ्मास्याःत् मे़लॽने़न्लो॥
कम्भलॽरिक् अदार मे़प्मनाबा थिबोङ्ङाङ् ने़त्छिगेक्पा ला थिबोङ्ङाङ् सुम्सिगेक्पा ये़न्नो के़रे़क् यहुदिहाॽ, थाङ्बे़न्, काप्पोबा, मे़न्छुमा नु हिन्जाॽबित्छाॽहाॽ खक्पे़त् थिक्याःन्ले़ से़प्मासि हे़क्क्याङ् वरे़ङ्ले़ङ् खुन्छिॽ मिङ्ङे मामा पिमासि नु खे़ङ्हाॽरे़ खुन्छिॽ याङ्साकुन्धेहाॽ नाप्मासि इङ्जाङ् हाङ्जुम्मोबा के़रे़क् ते़ङ्गप्हाॽओ हाङ् इङ्साबाहाॽ मे़बाङ्घु मे़देसुसि॥
आल्ल अमाले़किहाॽनु थङ् चोःक्से़ पेगे़ॽ॥ खे़ङ्हाॽरे़ मे़गत्तुबा के़रे़क् चिगक्वा सामाहाॽ थेधिक्काङ् मे़ल्ले़त्ते के़रे़क् खाप्पुथ्यःङ् चोगे़ॽ॥ खे़ङ्हाॽरे़ खुनिॽ ये़म्बित्छा, मे़न्छुमा, अङे़ःक्वाहाॽ हे़क्क्याङ् नुगे़धुङ्बा अङे़ःक्वा साहाॽ, कुम्बाबा पित्, मे़ःन्दा मे़ल्लुक्, उमे नु अदङ्हाॽ के़रे़क् मे़क्खे़से़ॽ॥”
निःन्धो के़बोङ्बा तङ्नाम्हाॽओ आत्तिन्नाङ् मे़दाने़न्बाल्ले़ चोगुल्ले़ सियोन के़बेःक्पा लाम्हाॽ हाःप् चिङ्ल ने़रो, खे़ल्ले़ के़रे़क् मा कुलाम्धेःत्हाॽ चिजि खक्खक् पोःक्खे़आङ् ने़रो, खे़ल्ले़ कुनिङ्वाॽफुसाम्बाहाॽ सक्मारक् मे़सोःन्छिङ्लो॥ खे़प्मोबा सिसागे़न् मे़न्छ्याहाॽ निङ्वाॽ तुक्खे चामो मे़ध्ये़आङ् मे़वाॽरो, खे़ब्याङ् खे़न् के़साक्पा तुक्मा याःप्मो थ्ये़आङ् ने़रो॥
सागप्मा तुङ्ङिल्ले़ तरुमा सावामान् याःप्पा हे़क्तङ्बा इक्लाधिक् खे़प्सुङ्लो के़रे़क्नुःल्ले़ तगि अङे़ःक्वा सागे़गप्मा मे़न्छुमान् फिःक्पा हे़क्के खे़प्सुङ्लो॥ हे़ङ्गे़ःक्काङ् हे़ङ्गे़क् लॽर सक्मा सोःन्छिङ्लो हे़क्क्याङ् कुहुक्किन् सन्छुरो खे़ब्याङ् नुमासुक्मा यरुसले़ःम्मिल्ले़ अक्खे पाःत्तुर फिःक्लो “चिःत्ते़स्ये़रो, आङ्गाॽ आसक्मा पुॽरे़आङ् वाॽरो! खे़ङ्हाॽ आङ्गाॽ आसे़त्छे़ मे़दार मे़बत्लो!”
आङ्गाॽ अक्खे मे़त्तुङ्सिङ्लो, “मे़न्छुमासे, यहवे दाङ्बे़ल्ले़ कुइङ्घङ्ङिन् खे़प्से़म्मे़ॽओ हे़क्क्याङ् खुने़ॽ पाःत्तुबा पाःन्हाॽ सिङ्सिङ्ङाङ् खे़प्से़म्मे़ॽओ॥ खिनिॽ मे़न्छुमा साहाॽ मे़रिङ् थक्मा हुॽरे़म्सिम्मे़ॽओ खे़म्ब्याङ् खे़ने़ॽ के़न्देःङ् के़न्जुम्हाॽ निङ्वाॽ तुक्खे चामाओ साम्लोमा हुॽरे़म्सिम्मे़ॽओ॥
कन् इङ्घङ्ङिन् इस्राइलबा हिम्सयङ्हाॽ मे़त्ते़से़ॽ, ‘मुक्साम्दाङ्बा यहवे दाङ्बे़ल्ले़ अक्खे पाःत्तुॽ—खिनिॽ कम्ब्राङ् मे़प्मालाम् नु खिनिॽ ने़बो पप्मा, खिनिॽ सिक्कुम् निङ्वाॽ सःप्मादे़न्, आङ्गाॽ आहिम्मिन् आसुत्थो चोगुङ्ॽ॥ यहुदाओ के़ले़रुम् के़धाम्सिम्बा खिनिॽ ये़म्बित्छासाहाॽ नु मे़न्छुमा साहाॽ ताभेःल्ले़ मे़से़रुसिॽ॥
Piblisite