मे़रिङ् साप्पन् 2:2 - लिम्बु2 याकुबरे़ के़रे़क् कुवाॽमा कुयुङ्मादे़न्हाॽ यहवे दाङ्बे़ल्ले़ आक्खे़न्नाङ् कुलुङ्माॽ स्याःत् मे़ल्लॽए खाप्पुथ्यःङ् चोगुरो॥ खुने़ॽ कुसाक्के़न् पोगे़बाओ यहुदाःल्ले़ कुस्सा मे़न्छुमाःल्ले़ खुन्छिॽ यक्हाॽ फुत्लुम् थ्यःङ् लुःन्दु पिरुसिरो॥ खे़न् हाङ्जुम्मिन् नु खे़ल्ले़ कुलाम्लोबाहाॽ खुने़ॽ खाम्बाङ्ङो सोःन्दुसिआङ् कुनामे़न्छाॽ मे़त्तुसिरो॥ Gade chapit la |
मे़रिङ् साप्पन् 2:2
32 Referans Kwoze
यहवे दाङ्बे़ल्ले़ थेःन् चोःक्मा निङ्सेक् चोगुआङ् वये़, खुने़ॽ थेःन् उवा चोगुआङ् वये़, आम्भा खे़न् चोःक्मा इःत्तुबे़न् के़त्तुरो॥ कुलुङ्माॽ स्याःत् मे़ल्लॽए खे़ने़ॽ चिल्ले़क् के़ले़क्खे़ के़देसे़रो, खुने़ॽ निङ्मिहाॽ खे़ने़ॽ के़सम्धाङ् मे़सःत्ते़र याःन्दुसिरो, खम्भ्याङ् के़अत् के़बाङ्हाॽ पधुम् के़धुम्बा चोगुसिरो॥
माराम् माराम्हाॽओबा खाम्हिःक्को काप्पोबा नु थाङ्बे़न् मनाहाॽ ले़रे़म्भे़ना मे़जोःन्दे़आङ् मे़ने़रो॥ थाङ्बे़न् नु मे़न्छ्या आमनाहाॽ ताभेःल्ले़ मे़सोःन्दुसिआङ् ने़रो के़सिक् पोगे़बा ये़न्नो आदाङ्बारे़ खे़ङ्हाॽ के़स्ये़रुसिआङ् वाॽरो, लुङ्माॽ स्याःत् मे़ल्लॽए खे़ङ्हाॽ के़स्ये़रुसिआङ् वाॽरो॥
यहवे दाङ्बे़न् निङ्मि कुइसिक् पोःक्खे़आङ् वाॽरो, खुने़ॽ इस्राइले़न् खाप्पुथ्यःङ् चोगुआङ् ने़रो॥ खुने़ॽ के़रे़क् हाङ्हिम्हाॽ फुत्लुम् थ्यःङ् चोगुरो, के़रे़क् यक्हाॽ थुप्सु लुःन्दुदेसुरो॥ खुने़ॽ यहुदाःल्ले़ कुस्सा मे़न्छुमाःल्ले़ कुनिङ्वाॽ तुक्खे चामे़न् नु कुमे़रिङ्ङे़न् फोसु पिरुरो॥
यहवे दाङ्बे़ल्ले़ आङ्दिङ् के़लॽबाआङ् यम्बा के़ले़ङ्सिङ्बाहाॽ मे़नःम्सिङ्ल याःन्दुसिरो॥ चन्जम्बादे़न्नो के़ने़बा ये़क्यक्हाॽ खुने़ॽ यो मे़धार याःन्दुसिरो, कोःक्माओ के़ने़बा खे़न् ये़क्यक्हाॽ खुने़ॽ यो खाम्बेःक्किन्नु तङ्ङाङ् ने़र मक्थाःन्दुसिरो हे़क्क्याङ् खुने़ॽ खे़ङ्हाॽ खाम्हिःक्को लाप्फुसुसिरो॥
एसाबरे़ कुमुॽइदाङ्सा ए़दोम लाजेॽओ के़युङ्बा एदोमिहाॽरे़ मे़बाःत्तुबिला, “आनिगे ये़क्यक्हाॽ खाप्पुथ्यःङ् पोःक्खे़आङ् ने़ःॽ, हे़क्केसाङ् के़धुप्पा के़यम्बा आनिगे ये़क्यक्हाॽ याम्मो चोगुम्बे़॥” कर मुक्साम्दाङ्बा यहवे दाङ्बे़ल्ले़ अक्खे पाःत्तुॽ, “खे़न्हाॽरे़ चोःक्माग मे़जोगुर, कर आङ्गाॽ यन्छुङ् पिरुङ्सिङ्ॽ॥ खे़न्हाॽरे़ खुनिॽ लाजेन् कुइगे़भे़म्बा मनाहाॽरे़ खुन्छिॽ लाजेॽसिङ्बुङ् फाॽआङ् कुसिङ् निःत्ते़त्, हे़क्क्याङ् खे़ॽयोबा मनाहाॽनु यहवे दाङ्बे़न् आभे़ल्ले़साङ् हाङ्गे़न् सिक्चा लोरो॥
“आङ्गाॽ कुहिङ्वे़त् वाॽआबा कुइसिक्, आङ्गाॽ मुक्साम्दाङ्बा यहवे दाङ्बे़ल्ले़ पाःत्तुॽ, आङ्गाॽ वरे़ङ्ले़ङ् खिनिॽ मिङ् मासुङ् पिनिङ्ॽ॥ सिक्के़ले़ःङ्बा खिनिॽ लायोहाॽ नु सिक् वयाक् के़मे़प्पा खिनिॽ चइःत्हाॽरे़ आङ्गाॽ आहिम्मिन् के़जिःन्दुम्बाल्ले़ चोगुल्ले़ चबे़ःत्छिक्काङ् आलुङ्माॽ स्याःत् के़ल्लॽरिन्ॽ॥
कर खे़ने़ॽ यहुदाबा हाङ् सिदकियाहःन्, खे़ने़ॽ के़युक्साबाहाॽ, हे़क्क्याङ् ते़न्धङ्, साक्वान् नु मिङ्देॽलाम् के़हिङ्बा मनाहाॽ खक्पे़त् आङ्गाॽ नबुकदनेसर हाङ्ङिन् नु के़निङ्मिहाॽ, खे़ब्याङ् खिनिॽ मे़ङ्मा निङ्वाॽ के़जोःक्पाहाॽरे़ के़म्दे़म्सि के़म्देॽरिर चोगुङ्ॽ॥ खे़ल्ले़ खिनिॽ आत्तिन्नाङ् कुहिङ्वे़त् के़न्ले़रिन्ॽ इग्र कुलुङ्माॽ स्याःत् के़ल्लॽरिन्, कुलुङ्माॽ फ्याःङ् के़ल्लॽरिन् हे़क्क्याङ् लुङ्माॽआङ् के़न्दुक्तिन्ॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥’
हे़क्क्याङ् खे़न् एगाङ् आङ्गाॽ खे़ङ्हाॽ काप्पोबा तुम्भाक्साहाॽ खे़ब्याङ् थाङ्बे़न्हाॽ के़रे़क् लत्थिक् परिक्ले़ आबाङे खुन्छिॽ लुम्मो थक्खुङ्सिङ्ङाङ् फे़क्खुङ्सिङ्॥ चबे़ःत्छिक् लुङ्गुम्ले़, लुङ्माॽ स्याःत् लॽमारे़ इग्र लुङ्माॽ तुक्मासिरे़ चोगुल्ले़ आङ्गाॽ स्वाःत् मे़वाॽआन्लो॥’”
आङ्गाॽ सेगुङ्सिङ्बा आमनाहाॽनु आयाक् ले़ॽरे़आङ् वयाङ्लो, हे़क्क्याङ् आङ्गाॽ खे़ङ्हाॽ आबाङे आमना हे़क्के नुरिक् मे़म्मे़प्पासिरो॥ आङ्गाॽ खे़ङ्हाॽ खे़ने़ॽ के़हुक्को थासुङ्सिङ्लो, कर खे़ङ्हाॽ खे़ने़ॽ लुङ्माॽ के़न्दुक्तुसिल्लो॥ काप्पोबा काप्मुमाहाॽआङ् खे़ने़ॽ साॽरिक् के़लिःप्पा के़गक्किन् के़गुःत्तुसिरो॥
हे़क्केलॽरिक् खे़ॽयोबा चुजुक्सा सिङ्बोराःक्हाॽ हेआङ् मे़ए़क्खुरो, खे़ब्याङ् मे़न्छुमाहाॽ मे़दाआङ् मिओ सिङ् मे़हाःन्दुरो॥ थेआङ्भे़ल्ले़ कङ्हाॽग सिक्कुम् निङ्वाॽ के़होप्पा लत्छा सुवाङ्सिरो खे़ल्ले़चोगुल्ले़ खुन्छिॽ के़जोःक्पा निङ्वाॽफुमाङ्ङिल्ले़ खे़ङ्हाॽ लुङ्माॽ मे़दुक्तुसिन्लो खे़ब्याङ् खुन्छिॽ नावागे़न् चइःत् के़जोक्पे़न् खे़ङ्हाॽओ कुलुङ्मास्याःत् मे़लॽने़न्लो॥
हे़क्केःल्ले़ यहवे दाङ्बे़ल्ले़ सेःन्लाप्तु, “थे आङ्गाॽ आसे़वारोबा अयुबे़न् के़निसुबि? इक्सादिङ् खाम्बेःक्मो खे़न् हे़क्तङ्बा कुदोःप्मा नु नुबा मे़न्छाम् याप्मि हाःत्ताङ् होप्॥ खे़ल्ले़ आङ्गाॽ मिङ्सो इङ्धाङ् पिआ हे़क्क्याङ् ताप्फे़ःम्बा याःम्बक्लाम् सिङ्सिङ् ये़क्ये़क्काङ् से़ःप्सिङ्ङाङ् वाॽ॥ थेनाधे खे़न् मे़ङ्मा फाःक्ताङ्ङे़ॽ फाॽआङ् आङ्गाॽ के़मे़त्ताङ्॥ कर अयुबे़न् आरधारिक् कुदोःप्माए पोःक्खे़आङ् वाॽ॥”
सुफो निमा ने़ने़बा ते़म्बेॽओ यहवे दाङ्बा, मुक्साम्दाङ्बा यहवे दाङ्बान्लाम् पोःक्खे़बा कन् हयङ् किल्लिङ् हे़क्क्याङ् चिदोॽ चिदोॽ तोॽमा नु किमा यङ्मा ये़न्लो, खे़ब्याङ् लुङ्धाक्हाॽ लुःम्मा, नु आभाॽरे़ फाॽआङ् पेलि फाक्मनाबा इक्लान् कोःक्मा फाङ्जङ् थे़गु माङ्वाहाॽओ तोःक्काङ् लोःक्खुबा ये़न्लो॥
खिनिॽ के़रे़क् ये़क्यक्हाॽ किर्गप् मे़गबु मे़ने़स्सुॽ, हे़क्क्याङ् खिनिॽ ताःक्पो के़युक्खुम्बा लाजेॽ के़रे़क्पा केःम्बा लुङ्धाक्हाॽ खे़ङ्हाॽरे़ मे़लुःन्दुॽ॥ यहवे दाङ्बा खिनिॽ निङ्वाॽफुमाङ्ङिल्ले़ पिमा के़इःत्तिबा के़रे़क् लाजेॽ कुले़ःम् खे़ङ्हाॽरे़ ये़क्यक्हाॽ थक्मा खिनिॽ किर्गप् के़म्गबिॽ॥
“मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, ‘आङ्गाॽ कन् ये़क्यक्किन् नु कुबेसाङ्बा के़रे़क् चुजुक्सा ये़क्यक्हाॽओ आबाङे पाःत्तुङ्बा के़रे़क् खुम्दिङ्हाॽ तारुङ्ॽ थेआङ्भे़ल्ले़ खिनिॽ हादिङ् के़धक्पा के़जोगि हे़क्क्याङ् आबाःन्जाःक्किन् के़ङ्घे़प्सुम्मिन्लो॥’”
Piblisite