मे़रिङ् साप्पन् 2:18 - लिम्बु18 मनाहाॽरे़ खुन्छिॽ सिक्लुङ्मे़ल्ले़ यहवे दाङ्बे़न् पेलि मे़भाक्तुरो, सियोनरे़ कुस्सा मे़न्छुमाःल्ले़ कुलुङ्धाक्के, वहःङ् हे़क्के से़न्दिक् ले़न्दिक् के़मिक्वा थासे़ॽओ॥ चबे़ःत्छिक्काङ् खे़ने़ॽ मे़नाःम्सिङ्ङे़न्ने़ॽओ, खे़ने़ॽ के़मिक्के़न् चिराप् लॽरिक् मे़नाःप्से़न्ने़ॽओ॥ Gade chapit la |
मे़रिङ् साप्पन् 2:18
14 Referans Kwoze
यहवे दाङ्बे़ल्ले़ सियोनरे़ कुस्सा मे़न्छुमाःल्ले़ कुलुङ्धाक्हाॽ लुःम्मादेमा निङ्वाॽ निःन्धो चोगुरो॥ खुने़ॽ खे़न् कुसिःक्मा खाॽनाम्मिल्ले़ सिःक्तुरो, खे़न् खाप्पुथ्यःङ् चोःक्मालाम् कुहुक्किन् मे़नुःक्तुन्लो॥ खुने़ॽ हाङ्यक् नु लुङ्धाक् ने़प्माङ् मे़रिङ् थक्ते़र याःन्दुरो, खे़ङ्हाॽ ने़प्माङ् थिक्ले़ङ्ले़ पुरुःङ् लुःन्दे़बेरो॥
“कन् के़रे़क् पाःन्हाॽरे़ चोगुल्ले़ आङ्गाॽ हाःप्मार वाॽआरो, आङ्गाॽ आमिक्कोलाम् आमिक्वा ते़रे़रे़ थाप्लो॥ आङ्गाॽ हाङ्हाङ् मे़प्मारे़ लागि आबेसाङ् हाःत्ताङ् होप्लो, आयाम्साम्मिन् याम्मो कुहिङ्वे़त् के़जोःक्पा आसाःत्ताङ् होप्लो॥ आङ्गाॽ अङे़ःक्वा आस्सा ये़म्बित्छाहाॽ एःक्से़त्छा मे़वाॽरो, थेआङ्भे़ल्ले़ निङ्मिन् थङ् के़नाःम्बा पोःक्खे़आङ् वाॽरो॥
से़न्दिक् नाम्दाःत्तात् खे़न् उःक्काङ् उःक् हाःप्लो, खे़ल्ले़ कुने़दे़ङ्बो मिक्वा चक् चक् थाआङ् पत्लो॥ खे़ल्ले़ लुङ्माॽ हिःप्तुसिबाहाॽओलाम्, खे़न् आःन्छिङ्मा के़बिबा हाःत्ताङ् होप्लो॥ खे़ल्ले़ के़रे़क् कुन्जुम्हाॽरे़ खुने़ॽ इङ्ले़क्को मे़धासुआङ् ने़रो, हे़क्क्याङ् खे़ङ्हाॽ खे़ल्ले़ कुनिङ्मि मे़बोःक्खे़आङ् मे़वाॽरो॥
खे़ङ्हाॽ अक्खे मे़प्मासि इङ्जाङ् पिराङ्लो, “आङ्गाॽ आमिक्कोलाम् से़न्दिक् ले़न्दिक् आमिक्वा ते़रे़रे़ थाप्लो॥ खे़न् आप्फाल्ले़आङ् चक्मे़लॽने़ल्लरो थेआङ्भे़ल्ले़ सिसागे़न् मे़न्छ्या आस्सा इस्राइलरे़ साॽरिक् तुक्खे तुमुआङ् वाॽरो खे़ब्याङ् आमनाहाॽ यम्बा तुक्खेओ मे़ध्ये़आङ् मे़वाॽरो॥
सागप्मा तुङ्ङिल्ले़ तरुमा सावामान् याःप्पा हे़क्तङ्बा इक्लाधिक् खे़प्सुङ्लो के़रे़क्नुःल्ले़ तगि अङे़ःक्वा सागे़गप्मा मे़न्छुमान् फिःक्पा हे़क्के खे़प्सुङ्लो॥ हे़ङ्गे़ःक्काङ् हे़ङ्गे़क् लॽर सक्मा सोःन्छिङ्लो हे़क्क्याङ् कुहुक्किन् सन्छुरो खे़ब्याङ् नुमासुक्मा यरुसले़ःम्मिल्ले़ अक्खे पाःत्तुर फिःक्लो “चिःत्ते़स्ये़रो, आङ्गाॽ आसक्मा पुॽरे़आङ् वाॽरो! खे़ङ्हाॽ आङ्गाॽ आसे़त्छे़ मे़दार मे़बत्लो!”
Piblisite