खे़ङ्हाॽरे़ कन् लाजेन् याम्गे़सिङ्बा मे़जोगुआङ् ने़रो, खे़ब्याङ् सदादिङ्ले़ लागि कन् कुनामे़न्छाॽ मे़प्मा चाहाक् पोङ्लो, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, खे़ङ्हाॽरे़ खुन्छिॽ निङ्वाॽ माआङ् आबाङे थे़गेःक्किन् हिल्लिङ् हिल्लिङ् मे़हिक्खुरो॥
मे़रिङ् साप्पन् 2:15 - लिम्बु15 खे़ने़ॽ के़बेसाङ् के़बोङ्बाआङ् के़बेःक्पा के़रे़क्ले़ के़दुमुइ के़म्मे़त्ताङ् खुन्छिॽ हुक्हाॽ हिप्ला मे़हिप्तुरो॥ यरुसले़ःम्मिल्ले़ कुस्सा मे़न्छुमाःल्ले़ कुदक्ले़ङ्वाओ कुनामे़न्छाॽ मे़बाःत्तुर खुन्छिॽ थे़गेःक्हाॽ तघुम्तघुम् मे़मे़त्तुरो— “से़क्खा साॽरिक् पनुनुबा नु निङ्वाॽ के़सःप्पा इक्सादिङ् खाम्बेःक्कोबा ये़क्यक् फाॽआङ् कुमिङ् के़इङ्बान् हाबा कन् मेःन्बि?” Gade chapit la |
मे़रिङ् साप्पन् 2:15
38 Referans Kwoze
कङ्ग आम्भा खे़प्मो कुमिङ् के़इङ्बाआङ् के़ने़बा ये़क्यक्किन्लो खे़ल्ले़ कुनिङ्वाओ अक्खेलॽरिक् पाःत्तुआङ् वये़रो, “आङ्गाॽ पयम् यम्बा, आङ्गाॽनुःल्ले़ वेॽ हाःत्ताङ् होप्लो॥” खे़न् आक्तङ्बा चिजि खक्खक्पादे़न् पोःक्खे़बे, ताम्भुङ् थक्साहाॽरे़ खुन्छिॽ लुङ्फुक्कु पोःक्खे़रो॥ खे़त्नालाम् के़बोङ्बाआङ् के़बेःक्पा के़रे़क्ले़ कुनामे़न्छाॽ मे़मे़त्तुर खुन्छिॽ हुक्चोःक्किल्ले़ मे़सोःक्तुरो॥
कल्ले़चोगुल्ले़ खुने़ॽ कुदक्ले़ङ्वाओ यहवे दाङ्बे़ल्ले़ पाःत्तुबा पाःन्निन् हाबा कन्लो, “सियोने़ल्ले़ सिसागे़न् कुस्सा मे़न्छुमाःल्ले़ खे़ने़ॽ कुनामे़न्छाॽ के़म्मे़त्ताङ् एःत्लो॥ यरुसले़म ये़क्यक्किल्ले़ कुस्सा मे़न्छुमाःल्ले़ कुधे़गेःक्किन् तघुम्तघुम् मे़त्तुर लासाक् के़मे़त्लो॥
खे़ने़ॽ के़याङ्घेःक्किन् थेःल्ले़आङ् मे़वेःन्दुन्लो, हे़क्क्याङ् खे़ने़ॽ के़गाःन्दे़बान् आसिसिबा चोक्लो॥ खे़ने़ॽ के़याःम्बेओ के़घे़म्बाहाॽ मे़सःत्लो खे़ने़ॽ के़जोःन्दे़बाओ खे़ङ्हाॽरे़ हिप्ला मे़हिप्तुरो, थेआङ्भे़ल्ले़ आभे़ल्ले़आङ् मे़न्नुप्मनाबा खे़ने़ॽ के़गुॽइभे़म्मे़न् हाःत्ले़ तुमुबा होःप्पाङ्बे?
खे़ने़ॽ ओम्रिरे़ कुधिम्हाॽ नु आहाबरे़ के़रे़क् कुयाःम्बक्हाॽ खे़ने़ॽ के़इःत्तु के़नाःत्तुआङ् के़वाॽरो, हे़क्क्याङ् खे़ङ्हाॽरे़ खुन्छिॽ साक्थिम्हाॽ खे़ने़ॽ के़दिम्दु के़नाःत्तुआङ् के़वाॽरो॥ कल्ले़चोगुल्ले़ आङ्गाॽ खे़ने़ॽ मे़ङ्ने़रो, हे़क्क्याङ् आङ्गाॽ खे़ने़ॽ के़मनाहाॽ कुनामे़न्छाॽ मे़प्मा चाहाक् चोगुङ्सिङ्लो, आङ्गाॽ आमनाहाॽरे़ कुनामे़न्छाॽ के़म्मे़प्पान् खे़ने़ॽ नासिथःप्मा के़बोङ्बा पोङ्लो॥”
खुने़ॽ माङ्से़वा मे़प्मा साःङ्गाहिम्मिन् इक्ताप्पोबा तक्तक्वा हिम् कुइसिक् थ्यःङ् यन्छुदेसुरो, खुने़ॽ कुदुम्मादे़न्निन् खाप्पुथ्यःङ् चोगुरो॥ यहवे दाङ्बे़ल्ले़ सियोनओ निःन्धो के़बोङ्बा तङ्नाम् नु सबाथहाॽ के़रे़क् निङ्वाॽसोक्किल्ले़ कुमिङ् मासुरो॥ खुने़ॽ चाॽरिक् किप्मागे़घुबा कुसिक् पोःक्मो खुने़ॽ हाङ्ङिन् नु निङ्वाॽफुसाम्बे़न् ने़प्माङ् नाॽरुसिरो॥
आङ्गाॽ खे़ङ्हाॽ ते़न्धङ्, साक्वान् नु मिङ्देल्ले़ पुबेलाप्सा नाःत्तुङ्सिङ्ॽ हे़क्क्याङ् खाम्बेःक्मोबा के़रे़क् मे़न्छाम् सुवाङ्हाॽरे़ खे़न् मे़निसुआङ् यङ्मा किमाओ मे़धारो॥ फुत्छिङ्ज्याङ् चोगुङ्सिङ्ङाङ् आङ्गाॽ आत्तातान् इमे़न्नि खामे़न्नि खे़ङ्हाॽ पाङ्घुङ्सिङ्ॽ, खे़ङ्हाॽरे़ मे़दुमुबा याक्नाम्मिन् मे़निसुआङ् मनाहाॽ हाब् मे़ले़क्काङ् पगि मे़गिरो॥ मनाहाॽरे़ खे़ङ्हाॽ किनाःन्दि मे़बिरुसि हे़क्क्याङ् खे़ङ्हाॽ मिङ् मे़लोःक्तुसिआङ् माङ्दे साक्मुरा मे़मे़त्तुसिॽ॥
खे़न् ते़न्हाॽ चिजि खक्खक् नु ओमे़प्मा सुक्मे़न्दे़प्मनाबा मुरे़क् खारे़क्पा ये़ःङ्घादे़न् हे़क्तङ्बा पोङ्ल हे़क्क्याङ् खे़ङ्हाॽरे़ खुन्छिॽ मिङ्ङिन् मे़बाःत्तुआङ् मनाहाॽरे़ साक्मुरा माङ्दे मे़मे़त्तुसिर फाॽआङ् यरुसले़म नु यहुदाबा के़रे़क् ये़क्यक्हाॽ, खे़प्मोबा हाङ्ङिन् नु लाम्लोबाहाॽ के़रे़क् खे़न् खोर्याओलाम्बा आङ्गाॽ थुङ्मा पाङ्घुङ्सिङ्॥ आइन् थारिक्साङ् मनाहाॽरे़ हे़क्केलॽरिक्के साक्मुरा मे़मे़त्तुसिॽ॥
थो पिसाङ्बा के़रे़क् मे़न्छाम् सुवाङ्हाॽ नु बेबिलोनबा हाङ् आसे़वारोबा नबुकदनेसरे़ल्ले़ कुउःत्छे़ आङ्गाॽ पाङ्घुङ्सिङ्ल पत्ता॥ कन् लाजेन् नु कप्मोबा यक्युङ्बाहाॽ हे़क्क्याङ् हिम्बेसाङ्बा वेॽ के़रे़क् मे़न्छाम् सुवाङ्हाॽनु थङ् चोःक्मारे़ लागि आङ्गाॽ खे़ङ्हाॽ तारुसिङ्ल पत्ता॥ कन् मे़न्छाम् सुवाङ्ङिन् नु कल्ले़ कुहिम्बेसाङ्बा मे़न्छाम् सुवाङ्हाॽ आङ्गाॽ मे़क्खुङ्सिङ्ॽ हे़क्क्याङ् खाप्पुथ्यःङ् चोगुङ्सिङ्ङाङ् ले़रुङ्सिङ्ॽ, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, हे़क्क्याङ् खे़न् ये़क्यक्किन् कुनामे़न्छाॽ मे़प्मा चाहाक् चोगुङ्ॽ॥ आङ्गाॽ यहवे दाङ्बान् पाराङ्ङाङ् वाॽ॥
कम्भलॽरिक् कन् माङ्हिम्मिन् आल्लो कुहाङ्वा कुमाङ्वा के़याक्पा चोःक्साङ् के़बेःक्पा के़दाबा के़रे़क् मनाहाॽरे़ कन् मे़निसुॽ हे़क्क्याङ् खुन्छिॽ निङ्ले़ॽले़ॽ लॽआङ् अक्खे मे़लॽर पान् सेःन्दो मे़जोगुॽ, ‘यहवे दाङ्बे़ल्ले़ थेआङ् कन् लाजेन् हे़क्क्याङ् कन् माङ्हिम्मिन्नु अक्तङ्बा याःम्बक् चोगुबाबे?’
खे़ल्ले़ कुदक्ले़ङ्वाओ यहवे दाङ्बे़ल्ले़ पाःत्तुबा पाःन्जाःक्किन् हाबा कन्लो— “‘सियोनरे़ कुस्सा सिसागे़न् मे़न्छ्याःल्ले़ खे़ने़ॽ चे़क्या इङ्दो के़मे़त्लो, हे़क्क्याङ् खे़ने़ॽ कुनामे़न्छाॽ के़मे़त्लो॥ खे़ने़ॽ के़घे़त्छिङ्ङाङ् के़बेःक्किल्ले़ यरुसले़ःम्मिल्ले़ कुस्सा मे़न्छुमाःल्ले़ खुने़ॽ कुधे़गेःक्किन् तघुम्तघुम् मे़त्तुरो॥
“मनाहाॽरे़ आङ्गाॽ याःत्ताबान् मे़घे़प्सुआङ् वाॽरो, कर आङ्गाॽ हाङ्हाङ् के़मे़प्पा आत्तिन्नाङ् होप्लो॥ आङ्गाॽ के़रे़क् आनिङ्मिहाॽरे़ आये़त्तुक्खेन् मे़घे़प्सुआङ् वाॽरो, आदाङ्बारे़ अक्खे के़जोगुबाओ खे़ङ्हाॽ मे़सःत्लो॥ आदाङ्बारे़ उवा के़जोगुबा ये़न्निन् के़दारुरो, खम्भ्याङ् खे़ङ्हाॽआङ् आङ्गाॽ कुसिङ्बाए मे़बोङ्लरो॥
खिनिॽ किप्मा के़घुबा नु यङ्मा आसिसिबा हे़क्क्याङ् कुनामे़न्छाॽ मे़प्मा चाहाक् के़बोःक्खिॽ॥ खे़निॽ खिरिबा के़रे़क् मे़न्छाम् सुवाङ्हाॽरे़ लागि खिनिॽ साम्दिङ् के़बोःक्खिॽ॥ आङ्गाॽ यहवे दाङ्बे़ल्ले़ मे़न्छाम् सुवाङ्हाॽ आसिक् पोःक्मो खुम्दिङ् पिरुङ्सिङ्ङिल्ले़ हे़क्क्याङ् फे़ःक्तुङ्सिङ्ङिल्ले़ थे़मा पोङ्ॽ के़लॽबान् खे़ङ्हाॽरे़ मे़निसुॽ, आङ्गाॽ यहवे दाङ्बे़ल्ले़ कन् पाःत्तुङ्ङाङ् वाॽ!
हे़क्क्याङ् अक्खेलॽरिक् खे़ने़ॽ साम्म्याङ् नु युप्पाःल्ले़ के़ले़ःक्सिङ्॥ खे़ने़ॽ के़जाङ्हाॽ चुन्जुम्बा नैनासुत् हे़क्क्याङ् कुमे़न् के़घिःक्पा चिरिक् नु पघे़म् के़घे़म्बा कुभुङ् इसेःङ्बा वये़॥ थङ्मनाबा फेॽरुम्, सक्वाघु, पे़ःङ्वालिःत्छेॽ निःङ्गेॽ नु काक्नुःल्ले़ नुबा कुजाहाॽ के़ज, हे़क्क्याङ् तगिनुःल्ले़ साॽरिक् पनुनुमा के़बोःक्खे़, खे़ने़ॽ हाङ्मा हे़क्तङ्मा निगे़दे़त्ते़, खे़ब्याङ् हे़क्केलॽरिक्के खे़ने़ॽ के़वये़!
दाङ्बे, खे़ने़ॽ साम्योबा के़याःम्बक् कुइसिक् खे़ने़ॽ के़साक्के़न्निन् नु के़सिक् पोःक्मान् खे़ने़ॽ के़ये़क्यक्, के़सेसे कोःक्मा यरुसले़मलाम् खे़त्ते़देसे़ॽओ॥ आनिगे लायो नु आनिगे पाधे़बाहाॽरे़ खुन्छिॽ फे़न्याःम्बक्किल्ले़ चोगुल्ले़ आनिगे कब्रिङ् पिसाङ्बा मनाहाॽरे़ खुन्छिॽ तगि यरुसले़म नु खे़ने़ॽ के़मनाहाॽ कुनामे़न्छाॽ मे़प्मा चाहाक् पोःक्खिगे़आङ् वयिगे़रो॥
Piblisite