मे़रिङ् साप्पन् 2:14 - लिम्बु14 खे़ने़ॽ के़माङ्निङ्वाॽपान् के़बाःप्पाहाॽरे़ मे़निसुबा सुफोहाॽ इङ्ले़क्पा नु कुसुम् मे़न्दम्मनाबा वये़रो॥ खे़ने़ॽ ते़म्मा तेॽमा मे़म्भाःक्मारे़ लागि खे़ङ्हाॽरे़ खे़ने़ॽ के़भे़न् याःम्बक्हाॽ ओःन्गे़मे़न्धाक्ते़न्लो॥ खे़ङ्हाॽरे़ खे़ने़ॽ के़लागि मे़निसुबा सुफोन् इङ्ले़क्पा नु मिक्ले़ःङ्मा पाःन्लक् वये़रो॥ Gade chapit la |
मे़रिङ् साप्पन् 2:14
31 Referans Kwoze
निङ्वाॽफुसाम्बाहाॽरे़ अक्खेलॽरिक्काङ् पान् सेःन्मे़न्दोसुन्लो ‘यहवे दाङ्बान् आत्ता वाॽबे?’ साम्योइङ्जाङ् के़हुॽबाहाॽरे़ आबाङेआङ् कुसिङ् मे़न्निःत्ताङ्ङिल्लो युक्साबाहाॽरे़आङ् आङ्गाॽनु पिफ्युङ् मे़जोगुरो॥ माङ्निङ्वाॽपान् के़बाःप्पाहाॽरे़ग बाल साम्माङ्ङिल्ले़ कुमिङ्ङो माङ्निङ्वाॽपान् मे़बाःत्तुरो, हे़क्क्याङ् हने़बा नावाइत्लाहाॽ माङ्से़वा मे़मे़त्तुसिरो॥
खिनिॽ इङ्ले़क् पाःन्हाॽरे़ साम्योबाहाॽ खुन्छिॽ सावेःत् यङे़र के़याःन्दुम्सिम्माङ् वाॽ, कर खे़ङ्हाॽ खुन्छिॽ निङ्वाॽ तुक्खे चार के़लॽबा आनिङ्वाॽ होःप्ते़॥ ताक्के़भे़ॽबाहाॽरे़ खुन्छिॽ लायोहाॽ मे़ले़रुल्ले़ खे़ङ्हाॽ ताङ्मे़से़ःप्पि फाॽआङ् खिनिॽ खे़ङ्हाॽ लायो चोःक्माआङ् पप्मा आःन्छिङ्मा के़बिरुम्सिम्॥
कर खे़ङ्हाॽरे़ ‘यहवे दाङ्बे़ल्ले़ के़लिःप्पा कुगक्’ फाॽआङ् पेलिगे़न् पाःन्जाःन् आप्फाल्ले़आङ् ओगाप् मे़न्जोगुन्ल थेआङ्भे़ल्ले़ कुभारे़ खे़न् हे़क्के मे़जोगुने़भग्र आङ्गाॽ आइङ्घङ्ङिन् खे़ङ्हाॽरे़ खुन्छिॽ लागि से़क्खाए के़लिःप्पा कक् पोङ्ॽ॥ मनाहाॽरे़ कुहिङ्वे़त् निङ्वाॽफुमाङ्, मुक्साम्दाङ्बा यहवे दाङ्बे़ल्ले़ कुबाःन्जाक्किन् मे़इगुआङ् वाॽ॥
यहवे दाङ्बे़ल्ले़ कुमिङ्ङो खिनिॽ इङ्ले़क् पान् के़मे़प्पा कोलायाहःल्ले़ कुस्सा आहाबे़न् नु मासेयाहःल्ले़ कुस्सा सिदकियाहःल्ले़ खुन्छिॽ याःम्बेओ मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुआङ् वाॽ, “आङ्गाॽ खे़ङ्हाॽ बेबिलोनबा हाङ् नबुकदनेसरे़ल्ले़ कुहुक्को पिरुङ्सिङ्ॽ हे़क्क्याङ् नबुकदनेसरे़ल्ले़ खिनिॽ तगि मिक्किल्ले़ के़निसुम्ल खे़ङ्हाॽ से़रुसिॽ॥
खुम्दिङ् पिमा ये़न्हाॽ निःत्ताङ् त्ये़आङ् वाॽरो, कुले़क्वा नुःक्मा ये़न्हाॽ चिदुप् वाॽरो॥ कन् पाःन्हाॽ इस्राइलरे़ निङ्वाॽ खोसुररो॥ खिनिॽ लायोहाॽ यरिक् वाॽबा नु सिक्चोःक्मान् यम्बा चोःक्पे़ल्ले़ माङ्निङ्वाॽपान् के़बाःप्पे़न् अदङ् नु याम्साम्मिल्ले़ थुक्तुबा मनाःङ्ग के़नाङ्बा के़लेःत्तुम्लो॥
Piblisite