मे़रिङ् साप्पन् 1:9 - लिम्बु9 खे़ल्ले़ कुजिःन्जिःन्घुमान् कुसिम्मो खिप्तुरो, खे़ल्ले़ के़दाबा ताप्फे़ःम्बा कुये़न्निन् निङ्वाॽ मे़इःत्तुन्लो॥ खे़ल्ले़ कुमे़क्मे़न् किप्मा के़घुबा चोगे़रो, खे़न् हाङ्हाङ् के़मे़प्पा हाःत्ताङ् होःप्ते़रो॥ “यहवे दाङ्बाए, आङ्गाॽ तुक्खे तुमुङ्बे़न् ओमे़त्ते़ॽओ, थेआङ्भे़ल्ले़ निङ्मिहाॽ के़नाःम्बा मे़बोःक्खे़आङ् वाॽरो॥” Gade chapit la |
मे़रिङ् साप्पन् 1:9
46 Referans Kwoze
“पेलि फाक्मारे़ लागि सियोनरे़ कुहुक्किन् सल्लिक् सन्छुरो, कर खे़न् आःन्छिङ्मा के़बिबा आत्तिन्नाङ् होप्लो॥ यहवे दाङ्बे़ल्ले़ याकुबरे़ कुदक्ले़ङ्वाओ कुहिम्बेसाङ्बाहाॽ कुनिङ्मि मे़बोङ्ल फाॽआङ् इङ्जाङ् पिरुसिआङ् वाॽरो॥ खे़ङ्हाॽरे़ खुन्छिॽ लुम्मो यरुसले़ःम्मिन् लत्छा आसुत्थो पान् पोःक्खे़आङ् ने़रो॥
याम्मो आङ्गाॽ ओमे़त्तुङ्, हे़क्क्याङ् नाम्मिल्ले़ कुसिगाङ् के़बोङ्बार के़बप्पा के़रे़क् मे़न्वाॽमनाबा पाःन्हाॽ निसुङ्लो— तुक्खे चाःप्मा याःम्बक्हाॽरे़ मिक्वान् निसुङ्लो, हे़क्क्याङ् खे़ङ्हाॽ हाङ्हाङ् के़मे़प्पा हाःत्ताङ् होप्लो॥ के़युक्पाहाॽरे़ खुन्छिॽ ले़प्माङ् मुक्साम् वये़रो, हे़क्क्याङ् मे़युक्तुसिबाहाॽ हाङ्हाङ् के़मे़प्पा हाःत्ताङ् होःप्ते़रो॥
यरुसले़ःम्मिल्ले़ कुस्सा मे़न्छुमाए, खे़ने़ॽ के़लागि आङ्गाॽ थे पाःप्तुङ्बाबे? आङ्गाॽ खे़ने़ॽ थेःन्नु कुदङ्बा तङ्ने़बाबे? सियोनरे़ कुस्सा मे़न्छ्याए, हाङ्हाङ् मे़प्मारे़ लागि खे़ने़ॽ थेःन्नु तङ्ने़बाबे? के़याङ्घेःक्किन् वरःङ् हे़क्के कुदिम्बे केःम्बा चोक्लो, हाःत्ले़ खे़ने़ॽ के़नुॽर याःम्मा के़सुक्काङ्बे?
“मनाहाॽरे़ आङ्गाॽ याःत्ताबान् मे़घे़प्सुआङ् वाॽरो, कर आङ्गाॽ हाङ्हाङ् के़मे़प्पा आत्तिन्नाङ् होप्लो॥ आङ्गाॽ के़रे़क् आनिङ्मिहाॽरे़ आये़त्तुक्खेन् मे़घे़प्सुआङ् वाॽरो, आदाङ्बारे़ अक्खे के़जोगुबाओ खे़ङ्हाॽ मे़सःत्लो॥ आदाङ्बारे़ उवा के़जोगुबा ये़न्निन् के़दारुरो, खम्भ्याङ् खे़ङ्हाॽआङ् आङ्गाॽ कुसिङ्बाए मे़बोङ्लरो॥
“तोङ् लि के़याङ्बाहाॽ बेबिलोन मे़दार फाॽआङ् खिनिॽ इङ्घङ् हाक्ते़म्सिम्मे़ॽओ॥ ये़क्यक्किन् कब्रिङ् किर्गप् कबे़म्मे़ॽओ हे़क्केलॽरिक् आत्तिन्नाङ् खे़त्छिङ्मा मे़न्छुक्ने़न्लरो॥ खे़ल्ले़ वेॽहाॽ मे़त्तुसिआङ् वये़बा हे़क्केए खिनिॽआङ् खे़न् ताप्फे़ःल्लिक् मे़त्ते़म्मे़ॽओ, थेआङ्भे़ल्ले़ खे़ल्ले़ इस्राइलबा सेसे निङ्वाॽफुमाङ्, यहवे दाङ्बे़ल्ले़ कुदक्ले़ङ्वाओ आसुत्थो चोगुआङ् वाॽरो॥
आङ्गाॽ चिःत्तुङ्बा पाःन्निन् खे़ने़ॽ के़जोगुर के़वाॽरो खे़न् आङ्गाॽए निसुङ्ङाङ् वाॽरो॥ खे़ने़ॽ कोःक्मा फाङ्जङ् नु ने़ने़बादे़न्नो याम्गे़सिङ्बा याःम्बक्हाॽ के़जोगुरो, खे़ने़ॽ चाराम्मा, याम्बोःप्मा याःम्बक् हे़क्क्याङ् के़त्निमान्नु के़गाम्सिङ्बान् निसुङ्ङाङ् वारो॥ यरुसले़ःम्मो के़युङ्बासे, के़जिःत्ति के़स्ये़ॽइरो, खिनिॽ से़क्खाए के़मे़गिरो, खिनिॽ आप्फाल्ले़ थारिक् आसुत्थो के़बोःक्खिबाबे?”
यहवे दाङ्बा के़निङ्वाॽफुमाङ्ङिल्ले़ थङ्ङोबा थक्मोबाल्ले़ कुबाःन्निन् खे़प्सुबि, खे़न् खुने़ॽ कुन्दाङ्बा अस्सुरबा हाङ्ङिल्ले़ सदादिङ् कुहिङ्वे़त् निङ्वाॽफुमाङ्ङिन् माङ्चे़ॽया मे़त्छे़ पाङ्घुआङ् वाॽ, हे़क्क्याङ् यहवे दाङ्बा के़निङ्वाॽफुमाङ्ङिल्ले़ खे़न् पाःन्निन् खे़प्सुआङ् खुने़ॽ खे़न् थक्मोबान् खुम्दिङ् पिरु॥ कल्ले़चोगुल्ले़ के़दाङ्बा के़याःक्पाहाॽरे़ खुन्छिॽ लागि खे़ने़ॽ पेलिगे़न् तुवा चोगे़ पिरे़से़ॽ॥”
“खे़ने़ॽ आनिगे निङ्वाॽफुमाङ्ने़रो! खे़ने़ॽग पयम् यम्बा, किप्मा के़घुबा नु मुक्के़गुबा निङ्वाॽफुमाङ्ने़रो! खे़ने़ॽ माङ्हुप् के़जोगुबान् आबाङे के़गे़त्तुरो, अस्सुरबा हाङ्हाॽरे़ आनिगे याप्मि खुम्मा मे़हेःक्तिगे़बा ये़म्माङ्धो आल्लो थारिक् आनिगे साॽरिक् तुक्खे च्ये़ॽइगे़आङ् वाॽरो! आनिगे हाङ्हाॽ, लाम्लोबाहाॽ, निङ्वाॽफुसाम्बाहाॽ, माङ्निङ्वाॽपान् के़बाःप्पाहाॽ, पाधे़बाहाॽ नु आनिगे के़रे़क् के़मनाहाॽरे़ तुक्खे तुमुम्बे़आङ् वाॽरो, आनिगे साॽरिक् तुक्खे चामनाआङ् वाॽ, खे़ने़ॽ निङ्वाॽ इःत्ते़ॽओ!
खुने़ॽ अक्खेलॽरिक् माङ्हुप् चोगु, “मुक्साम्दाङ्बा यहवे दाङ्बाए, इक्सादिङ् खाम्बेःक्कोबा आङ्गाॽ आदुक्खेन् ओगे़मे़त्तुआङ् पेलि फाक्ने़बान् के़घे़प्सु हे़क्क्याङ् लुङ्माॽ के़दुक्काआङ् नोगप् के़बिआ, खे़ब्याङ् निङ्वाॽ मे़भेःत्छाङ्ङिन्ने़ॽओ, हे़क्क्याङ् निङ्वाॽ इःत्ताङ्ङे़ॽओ॥ खे़ने़ॽ ये़म्बित्छा साधिक् के़बिॽआने़भग्र खे़न् कुहिङ्हिङ् थारिक् आङ्गाॽ आदाङ्बा यहवे दाङ्बान्ने पिने़रो॥ हे़क्क्याङ् खे़ल्ले़ कुधे़गेक् इःन् आभे़ल्ले़आङ् मे़नःक्खुल्लो॥”
यहवे दाङ्बे़ल्ले़ मे़त्तु, “मिस्र लाजेॽओ आङ्गाॽ आमनाहाॽ साॽरिक् ताप्फे़ःल्लिक् मे़मे़त्तुसिआङ् तुक्खे मे़जाःत्तुसिर मे़याक्, खे़न् आङ्गाॽ निसुङ्ङाङ् वाॽ॥ याःम्बक्को मना के़भम्बा मिस्रिहाॽरे़ खुन्छिॽ हुक्कोलाम् से़म्मारे़ लागि खे़ङ्हाॽरे़ खुन्छिॽ पेलिन् आङ्गाॽ खे़प्सुङ्ङाङ् वाॽ॥ खे़ङ्हाॽरे़ खुनिॽ तुक्खेन् नु के़साक्पा मे़दुमुबान् आङ्गाॽ कुसिङ् निःत्तुङ्ॽ॥
Piblisite