मे़रिङ् साप्पन् 1:8 - लिम्बु8 यरुसले़ःम्मिल्ले़ यम्बा लायो चोगुरो, खे़ल्ले़चोगुल्ले़ खे़न् आसुत्थो पोःक्खे़आङ् ने़रो॥ खे़न् मिङ्सो इङ्धाङ् के़बिबा के़रे़क्ले़ कुनामे़न्छाॽ मे़मे़त्तुरो, थेआङ्भे़ल्ले़ खे़ङ्हाॽरे़ खे़ल्ले़ कुले़क्चाबुधुःक्किन् मे़निसुआङ् वाॽरो, खे़न् आप्फेक् उघुइ लॽआङ् थिक्नाहाङ् हिसिङ्लो॥ Gade chapit la |
मे़रिङ् साप्पन् 1:8
33 Referans Kwoze
हे़क्केःल्ले़ खे़ने़ॽ याङ्साकुन्धेसाबा पोङ्मा के़सुक्ल फाॽआङ् मिओ योःम्मनाबा इसेःङ्बा साम्म्याङ्ङिन् इङ्गाॽओलाम् इङे़ॽओ लॽरिक् सुजा पिने़, ले़क्चाबे़धिःक्पा के़धक्किन् ते़प्ते़ॽआङ् नुःम्मा मे़बोङ्ने़न्ल फाॽआङ् फगे़लॽबा तेःत्तिन् इङे़ॽओ, हे़क्क्याङ् निमा के़सुक्पा पोङ्मा फाॽआङ् मिक् सिदाॽइन् इङे़ॽओ॥
खे़ङ्हाॽरे़ खे़ने़ॽ पजिःत् के़म्जिःत्ताङ् ताप्फे़ःल्लिक् के़म्मे़त् हे़क्क्याङ् खे़ने़ॽ के़गत्तुबा के़रे़क् पाःन्हाॽ के़म्नाप्पाङ् ले़क्चाबे़धुःक्सा के़म्ले़त्॥ खे़ने़ॽ के़त्निमा चोःक्मा के़याःम्बक्किल्ले़ नाधामे़न् के़रे़क् इक्सादिङ् खाम्बेःक्मो ओसेःन्धाङ् पोङ्ॽ॥ खे़ने़ॽ के़जाराम्मा के़याःम्बक्किन् नु के़जे़ल्ले़क्ले़क् लॽमे़ल्ले़
सियोनरे़ कुस्सा मे़न्छुमाःल्ले़ कुलाम्लोबाहाॽ मे़म्बाःत्ते स्वाःत्ताङ् खाम्बाङ्ङो हर्जुॽ मे़युङ्लो॥ खे़ङ्हाॽरे़ खुन्छिॽ थे़गेःक्को खाम्हिःक्किन् मे़जुःत्तुआङ् याक्लो हे़क्क्याङ् खे़ङ्हाॽरे़ सगितेत् मे़जाक्खुआङ् मे़वाॽरो॥ यरुसले़ःम्बा मे़न्छ्याहाॽरे़ खुन्छिॽ थे़गेःक्हाॽ खाम्बाङ्ङो थारिक् अःक्खुम् मे़भत्छुआङ् वाॽरो॥
“कल्ले़चोगुल्ले़ आङ्गाॽ यहवे दाङ्बे़ल्ले़ अक्खे पाःत्तुङ्ॽ, खिनिॽ आङ्गाॽ आइङ्जाङ्ङिन् के़न्इःत्तुम्मिन् के़न्नाःत्तुम्मिन्, हे़क्क्याङ् खिनिॽ इस्राइलबा फुॽनुसाॽहाॽ चोःक्युम्भो के़म्बिरुम्सिम्मे़न्॥ नुॽ, आल्ल आङ्गाॽ खिनिॽ थङ्, साक्वान् नु मिङ्देॽलाम्बा मे़क्मासिमा के़बोङ्बा चोःक्युम्भो पिनिङ्ॽ॥ आङ्गाॽ खिनिॽनु थे़मा चोगुङ्ॽ, खे़न् मे़निसुआङ् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ यङ्मा मे़सि॥
सागप्मा तुङ्ङिल्ले़ तरुमा सावामान् याःप्पा हे़क्तङ्बा इक्लाधिक् खे़प्सुङ्लो के़रे़क्नुःल्ले़ तगि अङे़ःक्वा सागे़गप्मा मे़न्छुमान् फिःक्पा हे़क्के खे़प्सुङ्लो॥ हे़ङ्गे़ःक्काङ् हे़ङ्गे़क् लॽर सक्मा सोःन्छिङ्लो हे़क्क्याङ् कुहुक्किन् सन्छुरो खे़ब्याङ् नुमासुक्मा यरुसले़ःम्मिल्ले़ अक्खे पाःत्तुर फिःक्लो “चिःत्ते़स्ये़रो, आङ्गाॽ आसक्मा पुॽरे़आङ् वाॽरो! खे़ङ्हाॽ आङ्गाॽ आसे़त्छे़ मे़दार मे़बत्लो!”
“मनाहाॽरे़ अक्तङ्बा नुगप् मे़बाःत्तुॽ, ‘थेआङ्भे़ल्ले़ खे़ङ्हाॽरे़ यहवे दाङ्बा खुन्छिॽ निङ्वाॽफुमाङ्ङिन् मे़ले़रुआङ् वाॽ, खुने़ॽ खे़ङ्हाॽरे़ खुन्छिॽ पाधे़बाहाॽ मिस्र लाजेॽलाम् लःत्तु थाक्तुसिआङ् वये़, हे़क्क्याङ् खे़ङ्हाॽरे़ वेॽ माङ्हाॽ से़वा मे़मे़त्तुसि हे़क्क्याङ् कन्हाॽ माङ्से़वा मे़मे़त्तुसिर मे़हे़प्तुसिआङ् वाॽ॥ कल्ले़चोगुल्ले़ यहवे दाङ्बे़ल्ले़ कन् के़रे़क् तुक्खे लाक्खेहाॽ खे़ङ्हाॽरे़ खुन्छिॽ सम्धाङ् तारुरो॥’”
“खे़ल्ले़चोगुल्ले़ यहवे दाङ्बा, इस्राइलबा निङ्वाॽफुमाङ्ङिल्ले़ अक्खे पाःत्तु, ‘खे़ने़ॽ के़हिम्सयङ् नु के़म्बारे़ कुहिम्सयङ्हाॽरे़ सदादिङ् चक्मे़न्लॽए आङ्गाॽ आदगि माङ्से़वा मे़जोगुर फाॽआङ् माङ्हुप् चोगुङ्ङाङ् वयाङ्॥’ कर आल्ल यहवे दाङ्बाल्ले़ अक्खे पाःत्तु, ‘आल्लआङ्धो अक्खे पोङ्मा मे़नुॽने़न्॥ आङ्गाॽ मिङ्सो इङ्धाङ् के़बिबाहाॽ मिङ्सो इङ्धाङ् पिरुङ्सिङ्, हे़क्क्याङ् आङ्गाॽ कुनामे़न्छाॽ के़मे़प्पाहाॽ आङ्गाॽ चिःत्तुङ्सिङ्॥’
“पेलि फाक्मारे़ लागि सियोनरे़ कुहुक्किन् सल्लिक् सन्छुरो, कर खे़न् आःन्छिङ्मा के़बिबा आत्तिन्नाङ् होप्लो॥ यहवे दाङ्बे़ल्ले़ याकुबरे़ कुदक्ले़ङ्वाओ कुहिम्बेसाङ्बाहाॽ कुनिङ्मि मे़बोङ्ल फाॽआङ् इङ्जाङ् पिरुसिआङ् वाॽरो॥ खे़ङ्हाॽरे़ खुन्छिॽ लुम्मो यरुसले़ःम्मिन् लत्छा आसुत्थो पान् पोःक्खे़आङ् ने़रो॥
खे़ङ्हाॽ कन् लाजेॽओ मे़द्ये़आङ् खे़ङ्हाॽरे़ कन् लाजेन् खुन्छिॽ युक्को मे़जोगु, कर खे़ने़ॽ के़इङ्जाङ्ङिन् खे़ङ्हाॽ इःप्मा नाःप्मा मे़न्दे़न्दे़न् खे़ब्याङ् याम्मो खे़ने़ॽ के़निसाम्मिन् हे़क्के खे़ङ्हाॽरे़ खुन्छिॽ थाःक् मे़न्धासुन्॥ खे़ने़ॽ इङ्जाङ् के़बिरुसिबा लत्छा पाःन्धिक्काङ् खे़ङ्हाॽरे़ मे़न्जोगुन्॥ खे़ल्ले़चोगुल्ले़ कन् के़रे़क् मे़क्मासिमे़न् खे़ने़ॽ खे़ङ्हाॽरे़ खुन्छिॽ सम्धाङ् के़दारु॥
खे़ब्याङ् इस्राइलिहाॽ खुन्छिॽ निङ्वाॽफुमाङ्ङिन्नु नसाःन्साबा मे़म्बोःक्खे़म्बाल्ले़ कुले़क्वा खुम्दिङ्ले़ लागि खे़ङ्हाॽ लाजेॽलाम् मे़लःत्तुसिआङ् माःङ्घा मे़बाङ्घु मे़देसुसिआङ् मे़वये़बा फाॽआङ् मे़न्छाम् सुवाङ्हाॽरे़ निङ्वाॽ मे़घोसुॽ॥ खे़ल्ले़चोगुल्ले़ खे़ङ्हाॽलाम्बा आङ्गाॽ आनारान् चिक्खुङ् हे़क्क्याङ् खे़ङ्हाॽ खुन्छिॽ निङ्मिहाॽओ हुक्सुप्तुङ्सिङ्, खे़ब्याङ् खे़ङ्हाॽ के़रे़क् ताभेःल्ले़ मे़सोःन्दुसि॥
Piblisite