मे़रिङ् साप्पन् 1:21 - लिम्बु21 “मनाहाॽरे़ आङ्गाॽ याःत्ताबान् मे़घे़प्सुआङ् वाॽरो, कर आङ्गाॽ हाङ्हाङ् के़मे़प्पा आत्तिन्नाङ् होप्लो॥ आङ्गाॽ के़रे़क् आनिङ्मिहाॽरे़ आये़त्तुक्खेन् मे़घे़प्सुआङ् वाॽरो, आदाङ्बारे़ अक्खे के़जोगुबाओ खे़ङ्हाॽ मे़सःत्लो॥ आदाङ्बारे़ उवा के़जोगुबा ये़न्निन् के़दारुरो, खम्भ्याङ् खे़ङ्हाॽआङ् आङ्गाॽ कुसिङ्बाए मे़बोङ्लरो॥ Gade chapit la |
मे़रिङ् साप्पन् 1:21
37 Referans Kwoze
खे़ने़ॽ के़बेसाङ् के़बोङ्बाआङ् के़बेःक्पा के़रे़क्ले़ के़दुमुइ के़म्मे़त्ताङ् खुन्छिॽ हुक्हाॽ हिप्ला मे़हिप्तुरो॥ यरुसले़ःम्मिल्ले़ कुस्सा मे़न्छुमाःल्ले़ कुदक्ले़ङ्वाओ कुनामे़न्छाॽ मे़बाःत्तुर खुन्छिॽ थे़गेःक्हाॽ तघुम्तघुम् मे़मे़त्तुरो— “से़क्खा साॽरिक् पनुनुबा नु निङ्वाॽ के़सःप्पा इक्सादिङ् खाम्बेःक्कोबा ये़क्यक् फाॽआङ् कुमिङ् के़इङ्बान् हाबा कन् मेःन्बि?”
“खुन्छिॽ ताप्फे़ःम्बा याःम्बक्हाॽ खक्पे़त् आदाङ्बारे़ के़दगि ताररो, हे़क्क्याङ् के़रे़क् आलायोहाॽरे़ चोगुल्ले़ आङ्गाॽ के़मे़त्ताङ्बा हे़क्के खे़ङ्हाॽआङ् हाबा हे़क्केलॽरिक्के ताप्फे़ःल्लिक् मे़त्ते़से़ॽओ॥ आङ्गाॽ साॽरिक् यरिक् याःत्तारो हे़क्क्याङ् आङ्गाॽ आसक्मा पुॽरे़आङ् वाॽआरो॥”
“कन् के़रे़क् पाःन्हाॽरे़ चोगुल्ले़ आङ्गाॽ हाःप्मार वाॽआरो, आङ्गाॽ आमिक्कोलाम् आमिक्वा ते़रे़रे़ थाप्लो॥ आङ्गाॽ हाङ्हाङ् मे़प्मारे़ लागि आबेसाङ् हाःत्ताङ् होप्लो, आयाम्साम्मिन् याम्मो कुहिङ्वे़त् के़जोःक्पा आसाःत्ताङ् होप्लो॥ आङ्गाॽ अङे़ःक्वा आस्सा ये़म्बित्छाहाॽ एःक्से़त्छा मे़वाॽरो, थेआङ्भे़ल्ले़ निङ्मिन् थङ् के़नाःम्बा पोःक्खे़आङ् वाॽरो॥
निःन्धो के़बोङ्बा तङ्नाम्हाॽओ आत्तिन्नाङ् मे़दाने़न्बाल्ले़ चोगुल्ले़ सियोन के़बेःक्पा लाम्हाॽ हाःप् चिङ्ल ने़रो, खे़ल्ले़ के़रे़क् मा कुलाम्धेःत्हाॽ चिजि खक्खक् पोःक्खे़आङ् ने़रो, खे़ल्ले़ कुनिङ्वाॽफुसाम्बाहाॽ सक्मारक् मे़सोःन्छिङ्लो॥ खे़प्मोबा सिसागे़न् मे़न्छ्याहाॽ निङ्वाॽ तुक्खे चामो मे़ध्ये़आङ् मे़वाॽरो, खे़ब्याङ् खे़न् के़साक्पा तुक्मा याःप्मो थ्ये़आङ् ने़रो॥
से़न्दिक् नाम्दाःत्तात् खे़न् उःक्काङ् उःक् हाःप्लो, खे़ल्ले़ कुने़दे़ङ्बो मिक्वा चक् चक् थाआङ् पत्लो॥ खे़ल्ले़ लुङ्माॽ हिःप्तुसिबाहाॽओलाम्, खे़न् आःन्छिङ्मा के़बिबा हाःत्ताङ् होप्लो॥ खे़ल्ले़ के़रे़क् कुन्जुम्हाॽरे़ खुने़ॽ इङ्ले़क्को मे़धासुआङ् ने़रो, हे़क्क्याङ् खे़ङ्हाॽ खे़ल्ले़ कुनिङ्मि मे़बोःक्खे़आङ् मे़वाॽरो॥
“नासिगे़न् थक्ला के़गप्पा मे़न्छाम् याप्मिए, यरुसले़ःम्मिन् खाप्पुथ्यःङ् पोःक्खे़ल्ले़ तुरोसे़न् कुनिङ्वाॽ त्ये़आङ् सःत्ते़आङ् वाॽ, खे़ल्ले़ पाःत्तुॽ, ‘हाहो, खे़न् याङ्साकुन्धेसाबा ले़ङ्हङ् चोःक्मा यम्बा लाम्धेःत्तिन् लुःन्दे़आङ् ने़रो, हे़क्क्याङ् आङ्गाॽग लक्खोमाआरो! खे़न् चिजि खक्खक् मे़जोगुआङ् ने़बाल्ले़ चोगुल्ले़, आङ्गाॽ याङ्सा कुन्धेसामा पोङ्ङारो!’
“तोङ् लि के़याङ्बाहाॽ बेबिलोन मे़दार फाॽआङ् खिनिॽ इङ्घङ् हाक्ते़म्सिम्मे़ॽओ॥ ये़क्यक्किन् कब्रिङ् किर्गप् कबे़म्मे़ॽओ हे़क्केलॽरिक् आत्तिन्नाङ् खे़त्छिङ्मा मे़न्छुक्ने़न्लरो॥ खे़ल्ले़ वेॽहाॽ मे़त्तुसिआङ् वये़बा हे़क्केए खिनिॽआङ् खे़न् ताप्फे़ःल्लिक् मे़त्ते़म्मे़ॽओ, थेआङ्भे़ल्ले़ खे़ल्ले़ इस्राइलबा सेसे निङ्वाॽफुमाङ्, यहवे दाङ्बे़ल्ले़ कुदक्ले़ङ्वाओ आसुत्थो चोगुआङ् वाॽरो॥
के़रे़क् पिसाङ्लाम् खे़ल्ले़ कुदक्ले़ङ्वाओ थङ् चोःक्मा इक्लान् लःत्ते़म्मे़ॽओ! ओमे़त्ते़म्मे़ॽ! खुने़ॽ खिनिॽ हुक्को हुक्सुप्सिङ्लो! खे़ल्ले़ कुलुङ्धाक्हाॽ लुःन्दे़आङ् ने़रो॥ कङ्ग यहवे दाङ्बे़ल्ले़ कुले़क्वा नुःक्तुबारो, खे़ल्ले़चोगुल्ले़ खिनिॽ खे़ल्ले़ कुले़क्वा नुःक्ते़म्मे़ॽओ॥ खे़ल्ले़ वेॽहाॽ मे़त्तुसिबा हे़क्केए खिनिॽ खे़न् ताप्फे़ःल्लिक् मे़त्ते़म्मे़ॽओ!
Piblisite