Biblia Todo Logo
Bib sou entènèt

- Piblisite -




मे़रिङ् साप्‍पन् 1:2 - लिम्‍बु

2 से़न्‍दिक् नाम्‍दाःत्तात् खे़न् उःक्‍काङ् उःक् हाःप्‍लो, खे़ल्‍ले़ कुने़दे़ङ्‌बो मिक्‌वा चक् चक् थाआङ् पत्‍लो॥ खे़ल्‍ले़ लुङ्‌माॽ हिःप्‍तुसिबाहाॽओलाम्, खे़न् आःन्‍छिङ्‌मा के़बिबा हाःत्ताङ् होप्‍लो॥ खे़ल्‍ले़ के़रे़क् कुन्‍जुम्‍हाॽरे़ खुने़ॽ इङ्‌ले़क्‍को मे़धासुआङ् ने़रो, हे़क्‍क्‍याङ् खे़ङ्‌हाॽ खे़ल्‍ले़ कुनिङ्‌मि मे़बोःक्‍खे़आङ् मे़वाॽरो॥

Gade chapit la Kopi




मे़रिङ् साप्‍पन् 1:2
30 Referans Kwoze  

मे़रिङ् थक्‍मारे़ चोगुल्‍ले़ कुसाॽइ मे़न्‌याक्‍मना पोःक्‍खाङ्‌लो॥ से़न्‍दिक् थप्‍मे हाःप्‍पार मिक्‌वाःल्‍ले़ आने़त्‍नान् वरक्‍लो हे़क्‍क्‍याङ् आदाक्‍खोङ्‌ङिन् वाबिःन्‍लो॥


हिम्‍बेसाङ्‌बे़न् नसान् मे़जोगे़म्‍मिन्‍ने़ॽओ, तेःङ्‌बा चुम्‍मिन्‍नाङ् नामे़साॽरे़म्‍मिन्‍ने़ॽओ॥ खिनिॽ सोरिक् के़हे़प्‍मासिआङ् के़ने़स्‍सिबा मेःत्‍हाॽनुआङ् ये़क्‌ये़क्‍काङ् पारे़म्‍मे़ॽओ॥


“मनाहाॽरे़ आङ्‌गाॽ याःत्ताबान् मे़घे़प्‍सुआङ् वाॽरो, कर आङ्‌गाॽ हाङ्‌हाङ् के़मे़प्‍पा आत्तिन्‍नाङ्‌ होप्‍लो॥ आङ्‌गाॽ के़रे़क् आनिङ्‌मिहाॽरे़ आये़त्तुक्‍खेन् मे़घे़प्‍सुआङ् वाॽरो, आदाङ्‌बारे़ अक्‍खे के़जोगुबाओ खे़ङ्‌हाॽ मे़सःत्‍लो॥ आदाङ्‌बारे़ उवा के़जोगुबा ये़न्‍निन् के़दारुरो, खम्‍भ्‍याङ् खे़ङ्‌हाॽआङ् आङ्‌गाॽ कुसिङ्‌बाए मे़बोङ्‌लरो॥


“आङ्‌गाॽ आन्‍जुम् आन्‍देङ्‌बाहाॽ उःत्तुङ्‌सिङ्‌लो, कर खे़ङ्‌हाॽरे़ आङ्‌गाॽ इङ्‌ले़क्‍को मे़धासाङ्‌लो॥ याम्‍मो हिङ्‌मारे़ लागि चामा कुजाहाॽ मे़गोःत्तुआङ् मे़ङ्‌घोसुन्‍निल्‍ले़ ये़क्‌यक्‍को आङ्‌गाॽ आमाङ्‌निङ्‌वाॽपान् के़बाःप्‍पाहाॽ नु आलाम्‍लोबाहाॽ मे़मे़गे़रो॥


खे़ल्‍ले़ कुजिःन्‍जिःन्‍घुमान् कुसिम्‍मो खिप्‍तुरो, खे़ल्‍ले़ के़दाबा ताप्‍फे़ःम्‍बा कुये़न्‍निन् निङ्‌वाॽ मे़इःत्तुन्‍लो॥ खे़ल्‍ले़ कुमे़क्‍मे़न् किप्‍मा के़घुबा चोगे़रो, खे़न् हाङ्‌हाङ् के़मे़प्‍पा हाःत्ताङ् होःप्‍ते़रो॥ “यहवे दाङ्‌बाए, आङ्‌गाॽ तुक्‍खे तुमुङ्‌बे़न् ओमे़त्ते़ॽओ, थेआङ्‌भे़ल्‍ले़ निङ्‌मिहाॽ के़नाःम्‍बा मे़बोःक्‍खे़आङ् वाॽरो॥”


खिनिॽ लुङ्‌माॽ के़दुक्‍पा के़रे़क्‍ले़ खिनिॽ निङ्‌वाॽ के़म्‍भेःत्‍छिरो, खे़ङ्‌हाॽरे़ खिनिॽ थेआङ् कम्‍ब्राङ् के़मे़म्‍मे़त्तिन्‍लो॥ आङ्‌गाॽ निङ्‌मिहाॽ कुइसिक् खिनिॽ तुक्‍खे चाःत्‍निङ्‌लो॥ खिनिॽ सम्‍धाङ् के़साक्‍पा खुम्‍दिङ्‌ङिन् चुक्‍ते़आङ् वाॽरो थेआङ्‌भे़ल्‍ले़ खिनिॽ लायोहाॽ यरिक् वाॽरो हे़क्‍क्‍याङ् खिनिॽ कुॽइभे़म्‍मे़न् साॽरिक् यम्‍बा चोक्‍लो॥


कर खिनिॽ कन् आबाःन्‍निन् के़ङ्‌घे़प्‍सुम्‍मिन्‍ने़भग्र खिनिॽ आङ्‌दिङ् लॽमारे़ चोगुल्‍ले़ आङ्‌गाॽ स्‍वाःत्ताङ् हाःप्‍पारो॥ हे़क्‍क्‍याङ् आङ्‌गाॽ तुरुःङ् तुरुःङ्‌ङाङ् हाःप्‍पारो आङ्‌गाॽ आमिक्‍कोलाम् आमिक्‌वा ते़रे़रे़ थाप्‍लो थेआङ्‌भे़ल्‍ले़ यहवे दाङ्‌बे़ल्‍ले़ कुमनाहाॽ मे़दे़म्‍सु मे़देॽरुसिरो॥


ए, आध्‍गेक्‍किन् च्‍वाःत्तिल्‍ले़ वबाक् पोःक्‍खे़बा हे़क्‍केःल्‍ले़ग हे़क्‍क्‍याङ् आङ्‌गाॽ आमिक्‍हाॽ मिक्‌वाःल्‍ले़ वाधाःम् पोःक्‍खे़बा कुसिङ्‌ङिल्‍ले़ग आङ्‌गाॽ से़न्‍दिक् ले़न्‍दिक् मे़से़रुसिबा आमनाहाॽरे़ खुन्‍छिॽ लागि हाबाङ्‌बारो॥


यरुसले़ःम्‍मे खे़ने़ॽ खाप्‍पुथ्‍यःङ् के़बोङ्‌लो! थेआङ्‌ने़ खे़ने़ॽ हे़ःत्ताङ्‌बा चाङ् के़जाक्‍खुबे? थेआङ् खे़ने़ॽ साम्‍म्‍याङ् वाःत्तिहाॽ के़वारुबे? मिक्‍को थेआङ् माक्‍सुःन्‍दान् के़जाःन्‍दुबाबे? खे़ने़ॽ आबाङे हने़रक् के़जोःक्‍सिङ्‌लो॥ खे़ने़ॽ नागे़नुॽबाहाॽरे़ खे़ने़ॽ के़म्‍नाॽरे़आङ् वाॽरो हे़क्‍क्‍याङ् खे़ने़ॽ से़प्‍मा निङ्‌वाॽ मे़जोगुरो॥


के़रे़क् आनिङ्‌मिहाॽरे़ कुनामे़न्‍छाॽ मे़मे़त्तारो हे़क्‍क्‍याङ् आबाङ्‌भेॽसाबाहाॽरे़आङ् आङ्‌गाॽ कुसुम्‍मे़न्‍दम्‍मना मे़मे़त्तारो॥ आङ्‌गाॽ आदुक्‍खेःल्‍ले़ चोगुल्‍ले़ आन्‍जुम्‍हाॽरे़आङ् मे़गित्तारो॥ लाम्‍लाम्‍मो मनाहाॽरे़ मे़दुम्‍माल्‍ले़ खे़ङ्‌हाॽ मे़घे़त्‍छिङ् मे़बेःक्‍लो॥


हे़क्‍क्‍याङ् खे़ने़ॽ के़निसुबा खे़न् हे़ःत्‍के़लॽबा किप्‍मा के़घुबा थक्‍साःल्‍ले़ नु थिबोङ् ताङ्‌हाॽरे़ खे़न् के़त्‍निमान् मे़जिःत्तुआङ् खे़ल्‍ले़ कत्तुबा काक् पाःन्‍हाॽ मे़नाप्‍तुआङ् खे़न् ले़क्‍चाबे़धिःक् मे़जोगुॽरो॥ हे़क्‍क्‍याङ् खे़ल्‍ले़ कुने़क्‍सान् मे़जआङ् के़नम्‍बान् मि मे़धिक्‍खुॽरो॥


खे़ङ्‌हाॽरे़ग थिक्‍हुप् मे़बोङ्‌ङाङ् खुनिॽ मुक्‍साम् नु युक्‍किन् खे़न् किप्‍मा के़घुबा थक्‍सान् मे़बिरुॽरो॥


खुने़ॽ लुङ्‌माॽ हिःप्‍तुसिबाहाॽ एगाङ् एगाङ् तिम्‍दुसिरो, कर खुने़ॽ खे़ङ्‌हाॽ मे़सिॽरुसिन्‍लो खुने़ॽ खे़ङ्‌हाॽ हक्‍सुसिरो कर खुने़ॽ खे़ङ्‌हाॽ मे़घोसुन्‍सिन्‍लो॥ खे़ब्‍याङ् खुने़ॽ अक्‍खे पाःत्तुरो, ‘आङ्‌गाॽ तगिबा आये़म्‍बाओ नुःङ्‌ङा पेःक्‍कारो, थेआङ्‌भे़ल्‍ले़ आल्‍लोनुःल्‍ले़ खे़न् ये़म्‍मो आङ्‌गाॽ नुराङ् तासाङ्‌ङाङ् वयाङ्‌लो॥’


आङ्‌गाॽ अक्‍खे चोःक्‍मा चोगुङ्‌ॽ॥ खे़ने़ॽनु सोरिक् लायो के़जोःक्‍पाआङ् के़वाॽबा खे़ने़ॽ लुङ्‌माॽ के़हिःप्‍तुसिबा खे़ने़ॽ के़जुम् के़दे़ःङ्‌हाॽ, खे़ने़ॽ लुङ्‌माॽ के़दुक्‍तुसिबा नु के़जिःत्तुसिबा के़रे़क् आङ्‌गाॽ सोरिक् सुप्‍सुङ्‌सिङ्‌ॽ, हे़क्‍क्‍याङ् आङ्‌गाॽ खे़ङ्‌हाॽरे़ खुन्‍छिॽ तगि खे़ने़ॽ ले़क्‍चाॽबुधुक् फे़न्‍ने़ॽ हे़क्‍केलॽरिक् खे़ङ्‌हाॽरे़ खे़ने़ॽ अदक्‍तक् ओमे़प्‍मा के़म्‍सुक्॥


हाःप्‍मारे़ हाःप्‍मारे़ मिक्‌वाःल्‍ले़ आमिक्‍हाॽ ले़सुरो, आङ्‌गाॽ आसिक्‍लुङ्‌मो आङ्‌गाॽ याःत्तारो॥ आङ्‌गाॽ आमनाहाॽ मे़मे़गे़बाल्‍ले़ चोगुल्‍ले़, अङे़ःक्‌वाहाॽ नु नुगे़धुङ्‌बा आम्‍ब्रे़ःङ्‌वा अङे़ःक्‌वाहाॽ ये़क्‌यक्‍कोबा माराम्‍हाॽओ खुन्‍छिॽ थना ले़क्‍खे़बे़ल्‍ले़ चोगुल्‍ले़ आङ्‌गाॽ आलुङ्‌माॽ फ्‍याःङ्‌भ्‍याःङ् लॽरे़रो॥


यहवे दाङ्‌बे़ल्‍ले़ अक्‍खे पाःत्तुॽ, “कुभा मनाःल्‍ले़ आबाङे कुमेःत्तिन् नाॽरुरो हे़क्‍क्‍याङ् खे़न् मे़न्‍छुमाःल्‍ले़ खुने़ॽ ले़रुआङ् वेॽ ये़म्‍बित्‍छाःन्‍नु मेःक्‍खिम् चोगुरो हे़क्‍केने़भग्र खे़न् मनाःल्‍ले़ याम्‍मो खे़न् मे़न्‍छुमान् हिम्‍मो नुःक्‍मा ताःप्‍मा मे़सुक्‍तुन्‍लो॥ हे़क्‍के चोःक्‍माल्‍ले़ के़रे़क् लाजेन् चिःन्‍जिन् के़घुबा पोङ्‌लो॥ कर इस्राइलए, खे़ने़ॽ यरिक् के़धाङ्‌बे़न्‍हाॽनु के़बोःत्ते़रो हे़क्‍क्‍याङ् याम्‍मो आङ्‌गाॽओ नुःङ्‌मा तामा निङ्‌वाॽ के़जोगुरो!”


याङ्‌गे़साॽबा मनान् के़रे़क् आप्‍फेक् कुगाॽइहाॽरे़ मे़नाॽरुरो, खुने़ॽ कुन्‍देःङ्‌बाहाॽरे़ग छे़न्‍ना साॽरिक् लाप्‍मे़भुसुबिलारो! खुने़ॽ पेलि फाक्‍तुसिर खे़ङ्‌हाॽ नाःत्तुसि तिम्‍दुसिसाङ् खुने़ॽ खे़ङ्‌हाॽ आत्तिआङ् मे़घोसुसिन्‍लो॥


के़रे़क् लाहाॽओ हने़रक् हिङ्‌ङाआङ् वाॽआरो, से़न्‍दिक् थप्‍मे आलागि ये़त्तुक्‍खेरक् वाॽरो॥


कर आङ्‌गाॽ आन्‍देङ्‌बासे, पाङ्‌गे़न्‍दिङ् वाहित् मेःन्‍ने यङ्‌घङ्‌हाॽ हेबेःक्‍लो, खे़न् हे़क्‍के खिनिॽ आङ्‌गाॽ याप्‍मि इङ्‌गे़ले़क्‍तिरो॥


याॽरिःम्‍बा के़हेॽबाहाॽ मिक्‌वानु चक् चक् मे़हाःप्‍लो, कर थिक्‌यान् मे़सःत्‍ल पोगुगे़न् कुजा मे़सुप्‍सुरो॥


इस्राइलए, वेॽ साम्‍माङ्‌हाॽरे़ खुन्‍छिॽ एगाङ् एगाङ् लाङ्‌घेगे़ॽआङ् के़लाङ्‌ङिन् तुक्‍ल मे़याःन्‍दे़न्‍ने़ॽओ, हे़क्‍क्‍याङ् कुजाबोःप्‍मे़न् सर्गे़ङ् हेर मे़जोगे़न्‍ने़ॽओ॥ कर खे़ने़ॽ के़बाःत्तुॽ, ‘मेःन्! आङ्‌गाॽ खे़न् ले़प्‍मा मे़सुक्‍कान्‍लो॥ आङ्‌गाॽ वेॽ सुवाङ्‌समा माङ्‌साम्‍माङ्‌हाॽ आसिराॽ मे़धाङे़आङ् मे़वाॽरो॥ आङ्‌गाॽग खे़ङ्‌हाॽ नाःप्‍मा तिम्‍मासिए पोङ्‌लो॥’”


खे़ङ्‌हाॽरे़ चामारे़ कुले़क्‌वा निङ् मे़बिराङ्‌लो, हे़क्‍क्‍याङ् आवामिःक्‍ते़ल्‍ले़ च्‍वाःत्तिल्‍ले़ कुले़क्‌वा के़सुःप्‍पा चे़ल्‍ले़क्‍सेॽ थिन् मे़बिराङ्‌लो॥


Swiv nou:

Piblisite


Piblisite